Saga - 2019, Síða 144

endum mínum: „Og mér finnst líka mjög flott að fá … eitt húsið …
í anda gamla mjólkurbúsins, sem að er náttúrulega alveg bein teng-
ing við Selfoss. Og gamli Ingólfur og eitthvað svoleiðis.“113
Annar viðmælenda minna taldi að „gamla mjólkurbúið ætti nátt-
úrulega klárlega heima hérna“ í hinum fyrirhugaða miðbæ.114 Þá
sagði einn viðmælandi minn, sem var síður hrifinn af hugmyndinni
í heild sinni, að hann gæti „ekki séð að það gengi upp“ að endur -
gera horfin hús víðs vegar af landinu. Öðru máli gegndi um gamla
mjólkurbúið en hann sæi „ekkert í sjálfu sér neitt að því vegna þess
að það hefur ákveðna sögu“.115 Þannig virðist sem viðmælandi
tengi sterkt við sögu hússins og þeirrar starfsemi sem þar fór fram.
Í raun má segja að viðmælendur mínir hafi fagnað endurgerðum
af húsum sem höfðu tengingu við Selfoss og jafnvel boðið þau vel-
komin. Eins og framangreind ummæli bera með sér var fögnuður -
inn einna mestur varðandi endurgerð gamla mjólkurbúsins. Lýstu
viðmælendur því sem kjölfestu atvinnu og uppbyggingar í bænum
á sínum tíma. Kallaði einn af viðmælendum mínum Mjólkurbúið
„lífæðina“ í þessu sambandi116 og annar talaði um „máttar stólpa“.117
Einnig lýstu viðmælendur persónulegum minningum tengdum
starf semi Mjólkurbúsins, til dæmis að þeir sjálfir og ættingjar þeirra
hefðu starfað þar enda hefði „stór hluti Selfyssinga unnið hjá Mjólkur -
búinu“.118 Þannig var til staðar í vitund þeirra tenging við starfsemi
Mjólkurbúsins og húsbygginguna.119 Sú staðreynd að gamla mjólkur -
búið hafi upphaflega staðið á Selfossi og að í byggingunni hafi
þrifist atvinnustarfsemi sem gegndi veigamiklu hlutverki í bæjarlíf-
inu virðist því vera lykilþáttur í jákvæðu viðhorfi viðmælenda til
endurgerðarinnar. Að auki er ljóst að þekking viðmælenda á sögu
og fortíð hússins er mikilvæg forsenda þessara jákvæðu viðhorfa.
Fyrirhuguð endurgerð gamla mjólkurbúsins býr í senn yfir efnisleg-
um vísbendingum sem falla að hugmyndum heimamanna um for -
tíð ina og þeir þekktu sögu hússins og frásagnir tengdar því. Því
vilhelmína jónsdóttir142
113 VJ 11, 2017.
114 VJ 8, 2017.
115 VJ 13, 2017.
116 VJ 10, 2017.
117 VJ 7, 2017.
118 VJ 8, 2017.
119 Til gamans má geta þess að stuðningsmannaklúbbur handknattleiksdeildar
Ungmennafélagsins Selfoss kallar sig Mjaltavélina. Tengingar bæjarbúa við
mjólkurvinnslu er því að finna víða.