Saga - 2019, Qupperneq 208

Glasgow. Einnig voru mættir tveir kærendur, Eggert Finnsson og
Hans Stephensen, en Þorkell Bjarnason var fjarverandi. Sýslumaður
lagði fram bréf amtmanns, dagsett tveimur dögum fyrr, þar sem
amtmaður fór fram á nánari lýsingu á aðstæðum á vettvangi. Við
því var orðið og færði sýslumaður í þingbók lýsingu á landslagi,
fyrirkomulagi veiðitækja og hvernig aðstæður breyttust milli flóðs
og fjöru í Laxvogi. Á flóði rennur Laxá í Laxvog á milli tveggja kletta
en þegar fjarar koma upp eyrar sem árvatn rennur um í þremur
kvíslum. Aðalkvíslin, sú nyrsta, rennur meðfram landi Neðra-Háls
en sú syðsta rennur meðfram landi Laxárness og flytur hún lítið
árvatn um fjöru. Þar í milli er þriðja kvíslin og sameinast hún aftur
norðurkvíslinni á háfjöru. Um 50–70 faðma frá þeim stað þar sem
Laxá fellur í voginn á flóði var net lagt yfir þvera suðlæga kvísl.
Samkvæmt lýsingu sýslumanns var aðeins um þetta eina net að
ræða þegar hér var komið sögu en notkun þess var ólögmæt að mati
sýslumanns og var eftirfarandi úrskurður færður í þingbók:
Þar sem dómaranum virðist mjög efasamt að heimilt sje eptir gildandi
laxa lögum að þvergirða nokkra af kvíslum Laxár eptir að þær eru
komnar niður í Laxvog, bannaði hann hinum kærða að þvergirða
nokkra kvíslina og úrskurðaði jafnframt, að yrði brotið í móti þessu
væru veiðiáhöldin gjörð upptæk.25
Hinn kærði krafðist þess að kærendur legðu fram veð fyrir skaða -
bótum en sýslumaður féllst ekki á þá kröfu þar sem dómurinn væri
„frá hlið hins opinbera“.26 Eftir þessu mætti ætla að Þórður hrepp-
stjóri hafi litið á málið sem einkamál milli hagsmunaaðila og hafi
ekki verið að fullu meðvitaður um að það væri opinbert kærumál.
Bugðumál
Starfsdegi sýslumanns hinn 1. júní 1893 var ekki lokið. Aftur var
settur réttur sama dag á sama stað og nú var annað mál á dagskrá.
Einn þriggja kærenda í Laxvogsmálinu, Eggert Finnsson bóndi á
Meðalfelli, og Einar Brynjólfsson bóndi í Meðalfellskoti höfðu þver -
girt Bugðu með laxakistu. Sýslumaður lagði fram tilkynningu um
veiði þessa frá Þórði Guðmundssyni hreppstjóra — og sakborningi
gunnar sveinbjörn óskarsson206
25 Sama heimild, bls. 260; sjá nánar bls. 259–260.
26 Sama heimild. Athygli vekur að hinn kærði er tvívegis nefndur í eintölu í
bókun sýslumanns, eins og Þórður í Glasgow hafi ekki átt hlut að máli.