Saga - 2019, Síða 278

Verkefnin fram undan
Síðustu ár hefur endurskoðun á rekstri félagsins verið fyrirferðar-
mikið verkefni hjá stjórninni. Ársreikningar síðustu ára sýna að þó
nokkur árangur hefur náðst í því efni og hefur það tekist með sam-
hentu átaki stjórnarmanna og annars Sögufélagsfólks. Nokkur óvissa
hefur verið í rekstrinum á fyrri hluta þessa árs en með væntanlegum
rekstrarsamningi við mennta- og menningarmálaráðuneytið er
bjart ara fram undan. Gildistaka nýrra laga um endurgreiðslu hluta
útgáfukostnaðar er einnig jákvætt skref og hlökkum við til að takast
á við nýjar áskoranir og efla enn frekar og styrkja útgáfustarf félags-
ins. Útgáfa fræðibóka er menningarstarfsemi sem sjaldan stendur
undir sér með sölutekjum einum saman, það þarf því að halda vel á
spöðunum og vanda til verka. Framlag félagsmanna og höfunda
sjálfra er þar gríðarlega mikilvægt og í raun lífæð félagins.
Bókaútgáfa Sögufélags hefur farið vaxandi á undanförnum sex
til sjö árum. Bækur eru mörg ár í vinnslu, allt frá hugmynd, mótun,
fjármögnun og að sjálfu útgáfuferlinu. Sú öfluga útgáfa sem leit
dagsins ljós á þessu starfsári átti sér langa forsögu. Bækur félagsins
eru vandaðar að allri gerð og mikil áhersla hefur verið lögð á að
bæta verkferla til að tryggja gæði bókanna sem Sögufélag gefur út.
Er óhætt að segja að tilnefningar til verðlauna síðustu ára renni
einnig stoðum undir það að félagið er á réttri leið með útgáfu sína.
Áfram verður á dagskrá félagsins að styrkja vefinn og fréttabréfið
og fara fleiri leiðir til að stuðla að umræðu um bækur félagsins og
fræðibækur almennt.
Eitt af því sem hæst bar í starfi Sögufélags á síðasta ári var að
taka þátt í hátíðarhöldum í tengslum við aldarafmæli fullveldis á
Íslandi. Tvær frumsamdar bækur ásamt fjölda viðburða þeim tengd -
um settu því mark sitt á starfið þetta ár. Jafnframt var unnið áfram
að því að móta útgáfustefnu Sögufélags og hafa margar spenn andi
hugmyndir komið fram sem stjórnina langar að hrinda í fram-
kvæmd. Með traustum rekstrargrundvelli næstu þrjú árin hyggst
félagið sinna áfram metnaðarfullri útgáfu og láta hvergi deigan síga.
Nýrrar stjórnar bíða spennandi verkefni!
Reykjavík, 29. apríl 2019
Fyrir hönd stjórnar Sögufélags,
Hrefna Róbertsdóttir forseti
ársskýrsla stjórnar sögufélags276