Bændablaðið - 22.07.2021, Blaðsíða 33

Bændablaðið | Fimmtudagur 22. júlí 2021 33
hafðar innan matarstígsins, enda
Íslendingar almennt stoltir af sínum
uppruna. Ferðamenn sækist líka
eftir því að prófa „ekta“ íslenskan
mat.
„Við þekkjum það líka sjálf
þegar við ferðumst erlendis að vilja
smakka eitthvað sem tengir okkur
betur við landið og menningu þess,“
segir hún. Íslenskar matarhefðir
einkenndust í fyrri tíð af neyslu
dýraafurða og sérkennilegum
geymsluaðferðum og þar segir
Úlla að Þingeyingar séu engin
undantekning.
Svæðið hefur ýmsa sérstöðu
Landbúnaður er mikilvægur á
svæðinu og íbúar eru þekktir fyrir
afbragðs reykingu, hvort heldur
er á fiski eða kjöti. Þá má nefna
að töluverð grænmetisræktun er
í héraðinu og á Hveravöllum í
Norðurþingi er jarðhiti nýttur til
að rækta grænmeti í gróðurhúsum.
„Svæðið hefur ýmsa sérstöðu
þegar kemur að mat, það má nefna
hverabakaða rúgbrauðið, reykta
silunginn og bárðdælska grasölið.
Ég er nokkuð viss um að margir
eru áhugasamir um að sjá hvernig
silungur er taðreyktur í torfkofum
eða hvernig jarðhiti er nýttur til að
baka rúgbrauð. Það eru því mörg
tækifæri til að sækja fram og við
vonumst til að framleiðendur eða
einhverjir áhugasamir sjái sér hag
í að bjóða upp á matartengdar upp-
lifanir sem gæti þá orðið viðbót við
Taste Mývatn,“ segir Úlla.
Vonast til að þróa
matarstíginn áfram
Hún nefnir að til að byrja með snúist
verkefnið um upplýsingasíðuna,
en vonast sé til að í framhaldinu
verði hægt að þróa stíginn áfram í
samvinnu við veitingastaði þar sem
hver og einn gæti boðið upp á einn
sérstakan „Taste Mývatn rétt“ sem
byggði á gömlu hefðunum og væri
eldaður úr staðbundnu hráefni. „Á
þann hátt gæti Taste Mývatn leitt
gesti um einstakar matarhefðir um
leið og ferðalangar skoða stórbrotna
náttúru svæðisins. Það má líka
nútímavæða og breyta réttum, prófa
eitthvað nýtt,“ segir hún og nefnir
sem dæmi réttinn Mýfluguna hjá
Daddi’s pizza í Mývatnssveit en hún
er með reyktum silungi, furuhnetum
og rjómaosti.
„Ég er ekki viss um að það yrði
biðröð í kæst egg enda breytast tím-
arnir og mennirnir með en samt veit
maður aldrei.“ /MÞÞ
Alvöru dælur sem vinna verkið á methraða. Þú færð Nilfisk hjá Rekstrarlandi
í Vatnagörðum, við Austurveg á Selfossi og í útibúum Olís um land allt.
NILFISK
HÁÞRÝSTIDÆLUR
Passaðu þrýstinginn – hann þarf nefnilega að vera nægur
Rekstrarland | Vatnagörðum 10 | 104 Reykjavík | 515 1100 | Austurvegi 69 | 800 Selfossi | 480 1306 | rekstrarland.is
Gylfi Yngvason hjá Reykhúsinu á Skútustöðum í Mývatnssveit.
Arnþrúður Anna Jónsdóttir frá Vogum í Mývatnssveit bakar hverarúgbrauð.
Birgir Hauksson hjá Reykkofanum og Litlu sveitabúðinni á Hellu í Mývatnssveit.
Mývetningar eru þekktir fyrir að kunna vel til verka þegar kemur að því að
reykja matvæli. Hér má sjá reykkofa í Mývatnssveit.
Veitingastaðirnir innan matarstígsins eru 16 talsins.