Bændablaðið - 22.07.2021, Qupperneq 43

Bændablaðið | Fimmtudagur 22. júlí 2021 43
Broddmjólkur geymsla
Ef niðurstöður mælinganna sýna
að broddmjólkin sé ekki nógu góð
þarf að gera ráðstafanir til að bæta
úr og má gera það með íblöndun
broddmjólkurdufts eða með því að
eiga broddmjólkurbanka, þ.e. eiga
brodd sem mældist af einstaklega
góðum gæðum í frysti.
Brodd í frysti má geyma í allt að
12 mánuði án þess að mótefnavirkni
hans dvíni. Þegar slíkur broddur
er sóttur, til að bæta kálfi upp
slakan brodd frá móður, þarf að
hita hann varlega upp en snögg
upphitun getur skemmt mótefni
broddmjólkurinnar og því til einskis
unnið að gefa kálfinum broddmjólk
úr broddmjólkurbanka.
Erlend reynsla
Gæði broddmjólkur hefur ekki verið
mikið skoðuð á Íslandi en erlendis
hafa verið gerðar margar rannsóknir
á þessum þætti og nýverið var
greint frá niðurstöðum sænskrar
rannsóknar þar sem rannsakað var
mótefnainnihald broddmjólkur frá
141 kú í 16 norskum og 4 sænskum
lífrænt vottuðum kúabúum.
Þar kom í ljós að meðalgæðin
voru ekki nema 39,4 grömm IgG/
lítra og 77% broddmjólkurinnar
var af gæðum sem var slakari
en framangreind lágmarks gæði
upp á 50 grömm IgG/lítra. Þessar
niðurstöður sýna skýrt að mjög víða
má bæta bústjórn á kúabúum. Þá
var gerð rannsókn á magni mótefna
í blóði kálfa í Noregi nýverið, en
miðað er við að til þess að kálfurinn
sé vel varinn gegn smitefnum þurfi
mótefnamagnið í blóðinu að mælast
að lágmarki 10 grömm IgG/lítra. Í
rannsókninni kom í ljós að 30,8% allra
kálfa var með of lítið magn mótefna
í blóðinu 24-48 klukkustundum eftir
fæðingu en þetta var þó gríðarlega
breytilegt á milli búa.
Á sumum þeirra voru allir
kálfar með mæld gildi hátt yfir
viðmiðunarmörkum en á öðrum
allt upp í 63% kálfanna undir
viðmiðunarmörkum.
Með öðrum orðum þá skiptir
bústjórn gríðarlegu máli hvað þetta
atriði varðar, rétt eins og um nánast
allt annað sem gerist á kúabúum nú
til dags.
Hefðbundinn Brix mælir.Stafrænn Brix mælir.
Gróffóðurkeppni Yara 2021
Kynning á keppendum
Sláturfélag Suðurlands svf. | Fosshálsi 1, Reykjavík - 575-6000 | yara@yara.is | www.yara.is
Knowledge grows
1. Þingi í Austur Húnavatnssýslu.
2. Jörðin er um 600 ha þar af er ræktað land um
60 ha.
3. Kúabú með mjólkurframleiðslu samtals um 80
nautgripir. Einnig er stunduð hrossarækt á bæ-
num.
4. Að framleiða hágæða gróffóður til mjólkur-
framleiðslu. Slíkt fóður þarf að vera lystugt, með
háan meltanleika, sykurríkt, með hátt prótein og
heppilega samsetningu stein- og snefilefna.
5. Að veðrið setji ekki strik í reikninginn.
6. Að slá á hentugum tíma og að verkun taki sem
stystan tíma.
7. Í spildunni er vallarfoxgrasstofninn Snorri ásamt
rauðsmárayrkinu Torun sem var skjólsáð með
höfrum sumarið 2020.
8. Bæta gæðin jafnt og þétt með endurræktun.
Rækta meira af smára, vallarrýgresi og heilsæði.
9. Skemmtileg ferðalög, garðyrkja, útivist og veiði.
1. Í Hrunamannahrepp.
2. Í kringum 400 ha.
3. Mjólkurframleiðsla.
4. Vinna hana.
5. Veðrið.
6. Margir samverkandi þættir.
7. Vallarfoxgras, yrkið er Birta.
8. Halda áfram á svipaðri braut, endurrækta 8-10
ha á ári til að halda þessu við.
9. Hestar, fótbolti og ferðalög.
Hólabaksbúið ehf. - Ingvar Björnsson og Elín
Aradóttir
Hólabak
Sigurjón Sigurðsson, Sigrún Einarsdóttir,
Kristján Valur Sigurjónsson, Alexandra Rós
Jóhannesdóttir
Kotlaugar
Spurningalistinn
1. Hvar er bærinn?
2. Stærð jarðar?
3. Gerð bús?
4. Hvaða markmið hefur þú sett þér í keppninni?
5. Hvað telur þú vera stærsta áskorunin í keppninni?
6. Hvaða þáttur er mikilvægast að heppnist?
7. Hvert er sáðgresi keppnisspildunnar?
8. Hvaða framtíðaráform hefur þú varðandi
gróffóðuröflun á þínu búi?
9. Áhugamál
Ein meginbreytingin sem nýtt
stjórnarfrumvarp Sigurðar
Inga Jóhannssonar samgöngu-
og sveitarstjórnarráðherra um
breytingu á sveitarstjórnarlögum
og lögum um tekjustofna
sveitarfélaga, felur í sér að stefnt
skuli að því að lágmarksíbúafjöldi
sveitarfélaga verði ekki undir
1.000 manns.
Markmiðið með breytingunum
er að styrkja umgjörð og
grundvöll sveitarstjórnarstigsins
og tryggja að sveitarfélög geti
sinni lögboðinni skyldu sinni.
Einnig að auka sjálfsstjórn og
sjálfbærni sveitarfélaga og efla
sveitarstjórnarstigið í heild þannig
að sveitarfélög séu betur í stakk
búin til að mæta margvíslegum
áskorunum sem þau og samfélagið
allt stendur frammi fyrir á hverjum
tíma, sem og að sinna brýnum
hagsmunamálum íbúanna.
Lágmarksíbúafjöldi
sveitarfélaga verði 1.000 íbúar
Í því skyni að auka sjálfbærni
sveitarfélaga og tryggja getu þeirra
til að annast lögbundin verkefni
skal nú stefna að því að lágmarks-
íbúafjöldi sé ekki undir 1.000. Ef
íbúafjöldi er undir þeim mörkum við
almennar sveitarstjórnarkosningar
skal sveitarstjórn þess, innan árs
frá þeim kosningum, leitast við
markmiðinu með því að hefja
formlegar sameiningar viðræður við
annað eða önnur sveitarfélög eða
vinna álit um stöðu sveitarfélagsins,
getu þess til að sinna lögbundnum
verkefnum og tækifærum sem felast
í mögulegum kostum sameiningar
sveitarfélagsins við annað eða
önnur sveitarfélög.
Eftir þinglega meðferð var
horfið frá því að ráðherra geti haft
frumkvæði að sameiningu sveitar-
félaga hafi sveitarfélögum ekki tek-
ist að ná lágmarksíbúafjölda fyrir
árið 2026.
Mikilvæg hagræn áhrif upp á
allt að 5 milljarða króna
Í greinargerð með frumvarpinu var
fjallað um greiningu á hagrænum
áhrifum þess að fækka sveitarfé-
lögum með því að hafa viðmið
um lágmarksíbúafjölda sveitar-
félaga. Samkvæmt greiningunni
er áætlað að hagræn áhrif kunni
að verða 3,6–5 milljarðar króna
vegna breyttra áherslna við rekstur
sveitarfélaga.
Þannig kann mögulegur
sparnaður sem verður í rekstri
stjórnsýslu sveitarfélaga að verða
nýttur til að auka þjónustustig við
íbúa sveitarfélaga. Einhver kostn-
aður mun koma til vegna undir-
búnings sameininga en gert er ráð
fyrir að sveitarfélög geti sótt um
styrki fyrir slíku til Jöfnunarsjóðs
sveitarfélaga. /MÞÞ
Lágmarksfjöldi:
Viðmið sveitar-
félaga lögfest