Sjálfsbjörg - 01.07.1970, Síða 10

4. Öll hjálpartæki, sem fatlaðir þurfa að
nota í bifreiðum sínum, verði greidd
eins og önnur nauðsynleg hjálpartæki
þeirra, þar með talin sjálfskipting,
vökvastýri og aflhemlar.
5. Tryggingastofnun ríkisins veiti vaxta-
laus lán til bifreiðakaupa og verði lán-
in veitt til allt að 5 ára.
6. Vegna þeirrar nauðsynjar fatlaðs fólks
að eiga bifreið, beinir þingið þeirri
áskorun til skattayfirvalda, að rekstr-
arkostnaður bifreiða þeirra verði frá-
dráttarhæfur við álagningu tekjuút-
svars og tekjuskatts. Ennfremur verði
afskriftir leyfðar til gjalda.
7. Rekstrarstyrkur vegna bifreiða verði
veittur þeim öryrkjum, sem litlar eða
engar tekjur hafa.
Atvinnumál.
1. Þingið samþykkir áskorun til tolla-
yfirvalda um, að allur tollur á hráefni
til vinnustofa fatlaðra verði felldur
niður.
2. Unnið verði að því, að Erfðafjársjóður
viðurkenni allan þann stofnkostnað,
sem stofnun vinnustofu öryrkja hefur
í för með sér. Samanber 9. gr. laga um
endurhæfingu.
3. Félagsdeildirnar stuðli að bættum at-
vinnumöguleikum öryrkja á hverjum
stað og feli stjórn landssambandsins
að kanna möguleika á, að senda full-
trúa á aðalfundi atvinnurekenda, til
þess að kynna atvinnumál öryrkja og
jafnframt að benda á æskilegar úr-
bætur.
Félagsmál.
1. Lögð verði áherzla á stofnun nýrra fé-
lagsdeilda og áheyrnarfulltrúum verði
boðið á þing samtakanna eins og þurfa
þykir hverju sinni.
2. Landssambandið haldi áfram að
styrkja fólk til náms í sjúkraþjálfun
og öðru því námi, er snertir endur-
hæfingu, enda njóti það starfskrafta
þess að námi loknu, eftir samkomulagi,
ella verði styrkurinn endurgreiddur.
3. Unnið verði að því, að öryrkjar njóti
sérstakra lánakjara til húsbygginga.
Ennfremur verði veittir styrkir til sér-
innréttinga húsnæðis fyrir fatlað fólk.
4. Lögð verði áherzla á að hafa samvinnu
við arkitekta og aðra þá, er við skipu-
lags- og byggingamál fást, um, að tek-
ið verði tillit til sérstöðu fatlaðra.
5. Þingið skorar á Landssíma Islands að
gefa tekjulausu fötluðu fólki eftir af-
notagjöld af síma.
6. Þingið skorar á Ríkisútvarpið — út-
varp og sjónvarp — að gefa tekju-
lausu fötluðu fólki eftir afnotagjöld.
7. Félögin komi á stofn félagsmála-
nefndum, sem stuðli að fjölbreyttara
og öflugra félagsstarfi.
8. Æskilegt er, að landssambandið og fé-
lagsdeildirnar kynni stjórnmálaflokk-
unum og frambjóðendum þeirra í
næstu Alþingiskosningum málefni fatl-
aðra og starfsemi samtakanna, og að
félagsdeildirnir leitist við að hafa sem
mest og bezt samstarf við bæjarstjórn-
irnar á hverjum stað.
9. Þar sem nú fer fram algjör endurskoð-
un á fræðslulögum vill þingið beina
þeirri áskorun til menntamálaráðherra,
að hann hlutist til um, að hægt verði
að mennta sjúkraþjálfara hér á landi.
10. Bæjar- og sveitarfélög komi til móts
við fatlað fólk, sem ekki getur hag-
nýtt sér almenningsfarartæki, með því
að semja við leigubílstjóra um flutn-
ing. Bæjar- og sveitarfélög greiði þann
tilkostnað.
Tryggingamál.
1. Örorkulífeyrir verði stórhækkaður frá
því sem nú er og upp í það, að hægt sé
að lifa af honum mannsæmandi lífi.
10 SJÁLFSBJÖRG