Sjálfsbjörg - 01.07.1970, Page 12

VÍSNA-
Ð
Við höfum stundum birt hér í tímarit-
inu vísukorn, sem fokið hafa, er Sjálfs-
bjargarfólk hefur komið saman. Hér koma
nokkrar, sem við kræktum í á síðasta
þingi.
Þessa vísu fengu þingfulltrúar í nesti,
,,með beztu kveðjum til Sjálfsbjargar frá
ónefndri, sem ekki er félagi, en hefur oft
verið með“:
Stefnið hátt og styrkið mátt,
starf má aldrei dvína.
Sólin brátt úr suðurátt,
sendir geisla sína.
Á þinginu kom fram tillaga frá nefnda-
nefnd, um að fækka í ritnefnd Sjálfsbjarg-
arblaðsins, úr fimm í þrjá. Skyldu Ólöf,
Pálína og Ingibjörg vera í ritnefnd, en
Gunnar Jóhannsson og Konráð hverfa af
ritvellinum. Urðu um þetta nokkrar um-
ræður og þá varð þessi vísa til:
Svani þrjá hún setti á,
sollin lýð að metta — og
á sauði fráa sverði brá
og saltaði þá niðr’í trog.
Og Gunnar Jóhannsson sagði:
Eftir því sem ritnefnd hefur rætt,
er ráðlegast að staulast öruggt þrepin,
aðeins þegar folaldið er fætt,
er folinn geltur — eða jafnvel drepinn.
Þegar hiti hljóp í umræðurnar, orti Jón
G. Pálsson:
Það gengur á mörgu hér í Höfn
og hnútum menn jafnvel fleygja.
En þar sem ég engin vil nefna nöfn,
er næst bezta leiðin að þegja.
Mikið var ort til Siglfirðinga, sem sáu
um framkvæmd þinghaldsins að þessu sinni
með miklum myndarbrag.
Frá Sauðárkróki, Hólmfríði Jónasdóttur,
barst þessi ljóðakveðja:
Þið hafið ótrauð haslað ykkur völl
í hópi þeirra, er lífið kosti settur,
og barist trútt við forynjur og f jöll
til frelsis þeim, er lítils megnað getur.
Og áfram verður enn á brattann sótt,
svo aldrei tapist það, sem unnið höfum.
Vorsins degi vígið hverja nótt,
því vinnið heit á bræðra og systra gröfum.
Pétur Þorsteinsson orti til Siglfirðinga:
Ykkur, kæru vinir, við þökkum þenna fund
í þeirri trú, að hann sé nokkurs virði.
Vorsins þýði andi og ykkar létta lund
og lífsins gæfa fylgi Siglufirði.
Frá Jóni G. Pálssyni til Siglfirðinga:
Mikill ertu Sigló sjóður,
söngur þinn mun alltaf hljóma.
Móttökur og matur góður,
muna skal og ætíð róma.
Þegar leið að lokum þings, komu þessar
vísur í dagsljósið.
Frá Jóni G. Pálssyni:
Megi blessun þetta þing,
þroska og málin greiða.
Öllu góðu koma í kring
og kjark til sigurs leiða.
Og frá Hólmfríði Jónasdóttur:
Nú er mái að halda heim
frá hljómi söngs og Braga,
vini kveðja og þakka þeim,
þessa sólskinsdaga.
12 SJÁLFSBJÖRG