Fréttablaðið - 14.05.2022, Síða 36

Mörg hundruð blaðamenn eru samankomnir
í Tórínóborg á Norður-Ítalíu að fjalla um
Eurovision-keppnina, en hinar íslensku Systur
komust áfram í undanúrslitum og keppa því
til sigurs á laugardagskvöldið.
Erlendir
blaðamenn spá
fyrir Systrum
Erlendir blaðamenn eru almennt séð hrifnir af Systrum þótt hinn franski Ralph viðurkenni að eiginkonu sinni hafi fundist lagið leiðinlegt og Getter frá Eistlandi muni ekki eftir því. réttablaðið/EbU
ralph
AFP í Frakklandi
„Ég er sjálfur hrifinn af íslenska laginu, það var ljúft
og ég naut þess að hlusta á það. Við sáum þetta í
sjónvarpinu, ég og konan mín. Henni fannst lagið
leiðinlegt, mér þykir leitt að þurfa að segja það. Og
yfirmanninum mínum fannst það líka. En svona eru
skiptar skoðanir á þessu.“
Hvað varðar gengi á lokakvöldinu svarar Ralph að erfitt sé að spá
fyrir um gengi laganna sem lenda fyrir miðju. „Þetta lendir ekki í
einhverju af efstu tíu sætunum, heldur kannski þarna á milli tíunda
og tuttugasta sætis.“
Aðspurður hver þemu ársins séu og hvort heimsfaraldur hafi
áhrif á innsend lög og úrslit, svarar hann: „Kannski smávegis, þetta
árið. Núna eru mörg rosalega róleg lög. Við getum horft til finnsku
rokkaranna í Lordi, sem voru mjög harðir, til dæmis. Svoleiðis lag
yrði aldrei sent inn núna. Þannig að kannski eiga lög eins og það
portúgalska meiri möguleika, en það er svona mjög rólegt lag.“
Keppnin í ár einkennist nokkuð af ballöðum, auk þess
sem stríðið í Úkraínu litar blaðamannafundi og and-
rúmsloft meðal aðdáenda og blaðamanna að vissu
marki. Ekki hefur borið mikið á mótmælum en Systur
hafa þó verið mjög ötulir talsmenn þess að vekja athygli
á stríðinu og eru eitt af fáum keppnisliðum sem nota
vettvanginn til þess.
Það eru skiptar skoðanir um öll framlögin, eins og
gengur, en Fréttablaðið tók nokkra blaðamenn tali
og spurði þá út í íslenska lagið og hvernig þeir ætli að
Systrum gangi á úrslitakvöldinu. n
Fréttablaðið
á Eurovision
Nína Richter
ninarichter
@frettabladid.is r
Getter
Elu24 í Eistlandi
Getter segist ekki muna sérstak-
lega eftir íslenska framlaginu frá
þriðjudagskvöldinu. Hún bætir við
að það hafi komið henni verulega
á óvart að lagið hafi komist áfram,
en á sama tíma hafi lögum sem var
spáð miklu veðgengi í veðbönkum ekki gengið
vel. Hún segir að hugsanlega sé ástæðan sú að
þeir sem lifi og hrærist í keppninni fjalli um hana
og hafi sem mestan áhuga séu hugsanlega á ann-
arri bylgjulengd en fólk heima í stofu.
„Fólk er að leita að rólegri tónlist,“ segir hún og
vísar til þess hversu margar ballöður hafi verið í
seinni undanúrslitakeppninni. Hún spáir því að ró-
legum lögum eigi eftir að ganga betur í ár heldur
en undanfarin ár sem séu góðar fréttir fyrir hið
angurværa framlag Íslands í flutningi Systra.
Ebba
Expressen í Svíþjóð
„Mér finnst þetta fallegt framlag
og einstakt að þær séu að syngja
á íslensku, mér finnst það mjög
svalt,“ segir hún. Hún segist vona
að það hjálpi í stigagjöfinni. „Ég
er mjög hrifin af því þegar fólk
flytur lög á eigin tungumáli og vona að þær
græði á því.“
Aðspurð hvaða henni þyki sterkasti þátturinn
í lagi Systra nefnir hún þá staðreynd að þær séu
systur. „Að þær séu systur er svo flott og miðlar
þessari fjölskyldutilfinningu.“
Hún segist halda að tónlistin sé að mörgu
leyti öðruvísi þetta ár en hin fyrri. „Ég held
að fólk sé opnara fyrir mismunandi tónlistar-
stefnum en áður,“ segir hún. „Í Covid vorum við
að hanga fyrir framan skjáina og rúlla í gegnum
TikTok. Við sáum alls konar tónlistarstefnur
og listamenn og ég held að þetta hafi kannski
opnað hugi fólks.“
Hún segist halda að Úkraína hirði sigurinn
þetta árið en spáir því að Ítalía verði líka ofar-
lega.
„Ég held líka að Bretland eigi góða mögu-
leika. Og ég held að Svíar nái langt, en ég verð
auðvitað að segja það,“ segir hún og hlær.
„Þetta getur farið á hvaða veg sem er. Ég held að
dómarastigin og símaatkvæðin verði rosalega
ólík.“
Postarlis
Sky TV í Grikklandi
Postarlis segist elska íslenska
framlagið. „Ég elska raddirnar og
harmóníurnar,“ segir hann.
Postarlis ræddi við systurnar á
dögunum og segir þær yndislegar
og ljúfar að ræða við.
„Ég var ekki viss í fyrri undanúrslitunum hvort
þær myndu komast áfram en ég held að Norður-
löndin muni kjósa þetta lag af því að það er mjög
vandað,“ segir hann. „Ég sé fyrir mér að dómar-
arnir verði mjög hrifnir af þessu.“
Hann segir símaatkvæðin mjög óútreiknanleg.
„Við vitum ekki hvernig þetta fer. Ég held að Svíar
vinni keppnina, kannski Úkraína.“ Postarlis segir
að lokum að hann voni að Grikkir standi sig vel
í keppninni. „Við vinnum kannski bara. Okkur
langar rosalega í sigurinn þetta árið,“ segir hann.
Joris
NOS, Hollenska ríkissjónvarpið
Joris segir hollensku blaða-
mennina hafa setið saman og
fylgst með Íslendingum á sviði í
keppninni á þriðjudag. „Við vorum
öll mjög hrifin,“ segir hann og
bætir við að hópurinn hafi borið
lagið saman við framlag Hollands fyrir nokkrum
árum, The Common Linnets með lagið The Calm
after the storm. „Þarna var hatturinn og allt leit
þannig út,“ segir hann.
Joris nefnir að söngurinn hafi verið flottur og
framsetningin alls ekki væmin. „Þetta var mjög
íslenskt bara og ég elska þetta. Ég vona að það
endi í einu af tíu efstu sætunum. Ég er virkilega
hrifinn af því.“
Hann kveðst mjög ánægður með pólitískan
boðskap Systra. „Ég vona að fleiri listamenn taki
afstöðu. Mér finnst skrýtið að maður heyri svona
lítið af mótmælum hérna vegna Úkraínu. Mér
fannst það mjög sterkt þegar þær töluðu fyrir
friði í Úkraínu á blaðamannafundum,“ segir hann.
„Það eru ekki margir sem gera það og það er stríð
í gangi í Evrópu. Þær eiga skilið mikla virðingu fyrir
það.“
Joris er hugsi yfir yfirlýsingum EBU hvað varðar
að halda pólitík utan keppninnar. „EBU segir að
þetta sé fjölskylduþáttur og pólitík eigi ekki að
koma þessu við, en það er stríð í gangi. Það hlýtur
að mega minnast á það.“
34 Helgin 14. maí 2022 LAUGARDAGURFréttablaðið