Fréttablaðið - 21.05.2022, Síða 56

Hanna María Jónsdóttir,
mannauðsstjóri hjá Rapyd
Europe hf., segir að menn-
ing fyrirtækja hafi mikið
að segja um árangur þeirra,
eins og margsinnis hefur
verið sýnt fram á í rann-
sóknum um efnið.
„Breytingar á menningu eru óhjá-
kvæmilegar. Þá skiptir engu hvort
um er að ræða breytingar sem
ráðast af því að fyrirtæki þróast
í tímans rás, nýir stjórnendur
koma til sögunnar eða samruni
við annað fyrirtæki á sér stað. „Við
samruna og/eða yfirtökur getur
menning hvors fyrirtækis um sig
verið ýmist hindrun eða lykilþátt-
ur í að nýtt og sameinað fyrirtæki
nái því markmiði sem að var stefnt
í upphafi,“ segir Hanna María.
„Það að breyta menningu getur
verið mikil áskorun. Skipulag og
innleiðing breytinga á menningu
fylgir þó ekki endilega sömu lög-
málum og breytingar á verklagi
eða skipulagi innan fyrirtækisins.
Menningu verður ekki handstýrt
með einföldum hætti. Reynslan
sýnir að til þess að menning þróist
og taki jákvæðum breytingum er
mikilvægt að hafa nokkur atriði í
huga.
Það getur gefið betri raun að
leggja minni áherslu á það hverju
á að breyta og hvernig á að gera
það en meiri á að lýsa því hver
draumaniðurstaðan á að vera.
Langflestir hafa góðar hugmyndir
um hvernig á að komast þangað og
geta hjálpað til við að breyta því
sem þarf að breyta.
Vel kortlögð samskipti þar sem
sögð er saga, sem bæði stjórnend-
ur og starfsfólk geta samsamað
sig við, séð tækifærin og tengt
við heildina, skipta höfuðmáli.
Lykilfólk í breytingum er það fólk
sem getur endurtekið söguna.
Þetta eru ekki endilega stjórn-
endur heldur það fólk sem getur
sagt góða sögu og haldið öðrum
spenntum með frásögninni. Að
finna sögumennina og hafa þá
með í skapandi ferli breytinganna
getur gefið betri raun en þraut-
skipulögð innleiðingarverkefni.
Stærsta áskorunin við að fylgja
þessu eftir er að halda út. Að
treysta því að þetta sé að skila
árangri. Treysta á fólk til að finna
lausnir, koma með góðar hug-
myndir, vera skapandi og hafa
eldmóðinn sem þarf til að breyta
eins f lóknum hlut og menningu.
Þegar allt kemur til alls erum
við tilfinningaverur. Það hefur
áhrif á hvernig við högum okkur,
hugsum og tjáum okkur. Ef við
trúum á þá sýn eða þann draum
sem fyrirtækið okkar stendur
fyrir er hálfur björninn unninn.
Þess vegna er mikilvægt að stilla
ekki upp innantómum orðum
í formi gilda eða slagorða, að
Að breyta fyrirtækjamenningu
Hanna María
Jónsdóttir,
mannauðsstjóri
hjá Rapyd Eu-
rope hf., segir að
menning fyrir-
tækja hafi mikið
að segja um
árangur þeirra.
FRÉTTABLAÐIÐ/
ERNIR
slengja ekki fram einkunnarorð-
um eða lýsa tilgangi fyrirtækisins
á þann veg að öllum sé í raun
alveg sama um það. Sá hópur fólks
sem ætlar sér að láta sýn sína eða
drauminn rætast samanstendur af
lausnamiðuðu, þrautseigu, bjart-
sýnu og traustu fólki. Saman mun
þetta fólk mynda menninguna.
Menningin mun snúast um að láta
drauminn rætast.“ n
CCEP á Íslandi nýtur góðs af
víðtækum stuðningi í mann-
auðsmálum frá móðurfélagi
sínu. Jafnréttismálin eru
flaggskip mannauðsmálanna
hjá CCEP.
Coca-Cola EuroPacific Partners
(CCEP) er alþjóðlegt fyrirtæki sem
hefur djúpar rætur í íslensku sam-
félagi enda með yfir 80 ára sögu hér
á landi. Mannauðsmál fyrirtækis-
ins taka því eðlilega mið af því segir
Sonja Margrét Scott, mannauðs-
stjóri CCEP.
„Við erum mjög heppin að mörgu
leyti, því við erum í grunninn rót-
gróið íslenskt fyrirtæki en líka hluti
af nýju stóru spennandi alþjóð-
legu fyrirtæki. Yfirmaður minn
er staðsettur í Hollandi og með
mér í teymi eru mannauðsstjórar í
Noregi, Svíþjóð, Belgíu, Lúxemborg
og Hollandi. Við lærum heilmikið
hvert af öðru og líka af mannauðs-
fólki frá öðrum löndum. Það er
svo hollt að ræða málefni við fólk
sem kemur úr öðrum menningar-
heimum og hjálpar okkur að hugsa
út fyrir boxið. CCEP er starfrækt í
29 löndum í Evrópu, Ástralíu, Nýja-
Sjálandi og Indónesíu. Ég myndi
ekki segja nei ef ég fengi tækifæri
til að taka að mér verkefni á Fiji-
eyjum.“
Víðtækur stuðningur
Það eru nokkur stuðningssvið
innan mannauðsmála hjá CCEP
sem hafa það markmið að styðja
mannauðsstjóra í viðskiptaeining-
unum dagsdaglega.
„Þar starfar mjög sérhæft starfs-
fólk. Á síðastliðnum árum höfum
við innleitt hér á Íslandi ótalmargt
frá CCEP. Sem dæmi fær starfs-
fólk okkar tvo daga á ári sem það
getur varið í sjálfboðaliðastörf. Við
bjóðum einnig upp á ráðgjafarþjón-
ustu starfsfólki að kostnaðarlausu,
þar sem þau geta fengið ráðgjöf til
dæmis frá sálfræðingum, lögfræð-
ingum eða fjármálaráðgjöfum, allt
í fullum trúnaði og án kostnaðar
fyrir starfsfólk. Einnig bjóðum við
starfsfólki upp á hlutabréfakaup
með sérstökum kjörum, en CCEP
hefur verið á markaði síðan 2018.“
Jafnréttismálin efst á listanum
Sonja segir flaggskip mannauðs-
mála hjá CCEP vera jafnréttismálin.
„Það er sér jafnréttissvið hjá CCEP
sem hefur stutt dyggilega við okkur
að opna umræðuna um jafnrétti og
fjölbreytileika – í víðum skilningi.“
Hún segir jafnréttismálunum
skipt niður í fimm áherslusvið:
Kyn, aldur, menningarbakgrunn,
LGBTQ+ og fötlun. „Jafnréttissviðið
hjálpar okkur að vinna mark-
visst að þessum áherslusviðum.
Við vorum til dæmis með Pride
mánuð í júní í fyrra í fyrsta skipti.
Það var virkilega skemmtilegt og
starfsfólk tók gríðarlega vel undir
með átakinu. Við máluðum regn-
bogavegg í húsnæði okkar, bæði
í Reykjavík og í Brugghúsinu á
Akureyri, flögguðum Pride-fána,
vorum með ýmsa pistla og buðum
upp á fræðslu frá Samtökunum ‘78.
Starfsfólk tók þessu virkilega vel,
enda var þetta skemmtilegt og gott
fyrir alla að opna umræðuna og
styrkja menningu okkar þannig að
öllu starfsfólki líði eins og það sé
velkomið eins og það er.“
Þarf oft að aðlagast aðstæðum
Stór hluti af starfi Sonju snýr að því
að aðlaga stefnur, verkefni og efni
til þess að CCEP á Íslandi fái sem
mest virði út úr mannauðsmálum.
Með djúpar rætur í
íslensku samfélagi
Mannauðssvið
CCEP á Íslandi.
F.v. Sonja M.
Scott, Andrea
Lilja Ottósdóttir
og Ásta Særós
Haraldsdóttir.
FRÉTTABLAÐIÐ/
ERNIR
„Einnig þarf að meta hvort ein-
hverju eigi hreinlega að sleppa
því það skilar okkur á Íslandi
ekki miklu. Við fáum oft frábæra
fræðslupakka sem eru gríðarlega
vel hannaðir og undirbúnir, jafnvel
á heimsmælikvarða. En við þurfum
að aðlaga fræðsluna að okkar
aðstæðum. Nýlega vorum við með
leiðtogafræðslu sem var hönnuð á
ensku, átti að fara fram í gegnum
Teams og vera eingöngu í boði
fyrir sölu- og markaðssvið. Til að
tryggja að við næðum sem bestum
árangri með þessa frábæru fræðslu
fengum við íslenska leiðbeinendur,
aðlöguðum efnistök að íslenskum
veruleika, höfðum það „face to
face“, og buðum líka stjórnendum
frá fleiri sviðum.“ n
20 kynningarblað 21. maí 2022 LAUGARDAGURMAnnAuðsMál