Fréttablaðið - 21.05.2022, Qupperneq 58

Við viljum að fólk
geti elt draumana
sína, nýtt styrkleikana
og ræktað áhugamál sín
og líði vel í starfi.
Ólafur Brynjar Bjarkarson
Það eru spennandi tímar
fram undan í leikskólum
borgarinnar, enda stórar
áskoranir sem felast í því að
taka á móti öllum börnum
frá 12 mánaða aldri.
Verið er að opna nýja og nútíma-
vædda leikskóla og stöðugt er bætt
við þá eldri svo aðstaðan sé í stakk
búin til að mæta fjölbreyttum
þörfum okkar yngstu barna og
starfsmannahópsins. Góðar
starfsaðstæður fyrir starfsfólk
með viðeigandi stoðrýmum og
góðri starfsmannaaðstöðu eru þar
í forgrunni – í björtu og hagnýtu
húsnæði.
Það er nóg að gera hjá Ólafi
Brynjari Bjarkarsyni, en hann
gegnir starfi skrifstofustjóra leik-
skólahluta fagskrifstofu á skóla- og
frístundasviði Reykjavíkurborgar.
Hægt er að segja að starfið sé ansi
flókið, enda varla skrítið þegar
starfsstöðvarnar eru 66, fjöldi
starfsmanna telur hátt í 2.000 og
ríflega 6.000 börn að jafnaði verja
þar fyrstu árum skólagöngunnar.
Hátt í 2.000 starfsmenn, er ekki
alltaf verið að tala um manneklu í
leikskólum?
„Jú, það starfa margir í leik-
skólum enda börnin mörg og þurfa
á góðum fyrirmyndum að halda
til þess að dafna,“ segir Ólafur.
„Uppeldi og menntun þeirra er
samfélagslegt verkefni. Við viljum
öll að börnin njóti velferðar í nútíð
og framtíð og vaxi í sjálfstæða
einstaklinga sem hafa jákvæð
áhrif á umhverfi sitt og samfélag.
Stór hluti starfsmanna er jafn-
framt í hlutastarfi því dvalartími
barnanna er langur. Við þurfum
alltaf að vera á tánum til þess að
tryggja öryggi þeirra, veita faglega
umönnun og rétta örvun. Til þess
þarf hæft, öflugt starfsfólk sem vill
leggja sitt af mörkum. Foreldrar
treysta okkur til að leysa verkefni
okkar vel af hendi.“
Hvers vegna ákvaðst þú að vinna
í leikskóla?
„Margir hafa nú spurt mig að
því, en ef ég á að vera praktískur
þá ertu gulltryggður í þínu fagi
á meðan starfsævin endist ef þú
leggur þetta starf fyrir þig. Flestir
sem fara í leikskólakennaranám
starfa eða hafa starfað áður í leik-
skólum. Margir hafa prófað að
leggja ýmislegt annað fyrir sig en
skila sér svo aftur hingað í leik-
skólann. Ef ég tala frá hjartanu, þá
er bara eitthvað sem kallar. Það er
svo gott að koma í vinnuna og fá
knús frá börnunum, fylgja þeim
í gegnum þroskastigin og svo eru
það samskiptin við samstarfs-
menn og foreldrana. Allt er þetta
jákvætt og gefandi. Enginn dagur
er eins. Þetta er krefjandi starf með
fullt af áskorunum, en gefur mikið
á móti.“
Hvað er fram undan?
„Áframhaldandi uppbygging.
Þar leggjum við mesta áherslu á
starfsmannahópinn, það skiptir
mestu máli fyrir börnin. Hafa
stöðugleika, tryggja mönnun með
hæfu fólki. Nú þegar skortur er á
leikskólakennurum í landinu, þá
viljum við byggja upp hópinn. Við
höfum verið að bæta starfsaðstæð-
ur; færri börn á starfsfólk, stytting
vinnuvikunnar, f leiri undirbún-
ingstímar og fjöldi tækifæra til
starfsþróunar fyrir allt starfsfólk.“
Ólafur er á þeirri skoðun að
starfsfólk leikskóla þurfi að hafa
vilja til að leggja sitt af mörkum,
búa yfir góðri samskiptahæfni,
tala íslensku og vera tilbúið að
læra og tileinka sér fagleg vinnu-
brögð. „Í leikskólunum leggjum við
áherslu á gleði og jákvæðni, traust
og samstarf. Við viljum að fólk geti
elt draumana sína, nýtt styrk-
leikana og ræktað áhugamál sín
og líði vel í starfi. Þannig tryggjum
við besta hag barnanna í leikskól-
anum.“
Áherslur í mannauðsmálum
í leikskólum Reykjavíkur
Ragnheiður Stefánsdóttir er
mannauðsstjóri skóla- og frí-
stundasviðs en hún hefur unnið
hjá Reykjavíkurborg síðan hún
var 16 ára. „Sjálf hef ég reynslu af
því að koma ung inn í uppeldis-
starf hjá Reykjavíkurborg og falla
alveg fyrir starfinu,“ segir hún.
„Á tímabili ætlaði ég aðra vegferð
hvað varðar framtíðarstarf en
Reykjavíkurborg togaði í mig þar
sem ég upplifði mikinn stuðning
og hvatningu í starfsumhverfinu
og fékk tækifæri til að mennta mig
og samtvinna nám og vinnu. Við
leggjum gríðarlega mikla áherslu á
þetta í leikskólum Reykjavíkur. Við
viljum taka vel á móti ungu fólki
sem er að taka sín fyrstu skref á
atvinnumarkaðinum og starfsfólk
talar um að hafa fengið tækifæri til
að læra svo margt, vaxa og dafna
í starfinu. Og við erum með fjöl-
margar reynslusögur af ungu fólki
sem til dæmis kemur inn í sumar-
störf í leikskólunum, fellur alveg
fyrir starfinu og ákveður að fara í
leikskólakennaranámið.“
Hvað segir starfsfólkið um
störfin?
„Það sem kemur fram hjá starfs-
fólki er þetta með að enginn dagur
er eins. Að vinna í leikskóla felur
í sér fullt af áskorunum, en það er
líka mjög gefandi, skemmtilegt og
fræðandi. Þá talar starfsfólk um
að vinnan með börnunum sé svo
skapandi og svo mörg tækifæri til
að flétta eigin styrkleika og áhuga-
mál inn í verkefnin í skólanum. Þá
talar starfsfólk um að það sé þægi-
legt og fjölskylduvænt að vinna í
leikskóla þar sem starfið fer fram
á dagvinnutíma á virkum dögum.
Mörgum finnst vinnutíminn henta
vel til að geta sinnt áhugamálum
og hugðarefnum, til dæmis námi,
íþróttum og að geta elt drauma
sína á alls konar skapandi vett-
vangi.
Nálægð við heimili er líka stór
kostur fyrir marga, en oft er hægt
að fá vinnu í leikskóla í hverfinu
sínu. Ýmis fríðindi fylgja starfinu,
til dæmis góður hádegismatur,
frítt í sund, heilsuræktarstyrkur,
samgöngustyrkur, frítt á söfn og
fleira. Þá jafnast ekkert á við það
að fá knús þegar maður mætir í
vinnuna.“
Hver eru helstu verkefni og
áskoranir fram undan?
Ragnheiður fullyrðir að gríðarleg
uppbygging sé fram undan. ,,Við
erum að byggja nýja leikskóla og
fjölga leikskólarýmum sem felur í
sér að við þurfum að fjölga starfs-
mönnum í leikskólum um 400
næstu árin. Þess vegna er mikið
átaksverkefni í gangi hjá okkur til
þess að ná þessum markmiðum.
Verkefnið er tvíþætt, annars vegar
að vekja athygli á störfunum og
hvetja ungt fólk til þess að velja
leikskólastarf sem framtíðarstarfs-
vettvang og hins vegar að hlúa að
starfsumhverfinu og tryggja að
starfsfólki líði vel í vinnunni. Við
höfum verið í mikilli greiningar-
vinnu þar sem við viljum heyra frá
okkar starfsfólki hvað við getum
gert betur. Við viljum efla mót-
töku nýliða og styðja enn betur
við þá strax í upphafi. Það gerum
við til dæmis með innleiðingu á
Torginu sem er nýtt fræðslukerfi
sem Reykjavíkurborg er að inn-
leiða, þar er markmiðið að efla enn
frekar fræðslu fyrir starfsfólk og
hafa hana rafræna svo starfsfólk
geti nálgast hana hvenær sem er
og hvar sem er. Stytting vinnuvik-
unnar hefur haft ákaflega mikið að
segja fyrir starfsfólkið. Það munar
miklu að vinna einungis 36 stundir
en vera samt á sömu launum og
áður. Fólk kann mjög vel að meta
það og nýtur þess að eiga meiri
tíma með börnum, vinum og fjöl-
skyldu. En það hefur ekki verið
auðvelt að innleiða styttinguna
í leikskólunum og á starfsfólk
leikskóla mikið hrós skilið fyrir
að finna leiðir til þess að láta þetta
ganga. En því verkefni er ekki
lokið, við þurfum að rýna enn
betur og fínpússa þær leiðir sem
við erum að fara í þeim efnum.“ ■
Áframhaldandi uppbygging
í leikskólum borgarinnar
Ólafur Brynjar Bjarkarson gegnir starfi skrifstofustjóra leikskólahluta fagskrifstofu á skóla- og frístundasviði Reykjavíkurborgar. Ragnheiður Stefánsdóttir er mannauðsstjóri skóla- og frístundasviðs.
Þau segja að gríðarleg uppbygging sé fram undan, nýir leikskólar og fleiri leikskólarými. FRÉTTABLADID/ANTON BRINK
22 kynningarblað 21. maí 2022 LAUGARDAGURMannauðsMÁl