Fréttablaðið - 21.05.2022, Qupperneq 108

SAGA Competence sérhæfir
sig í heildstæðri árangurs-
stjórnun fyrirtækja og ein-
staklinga. Eigandi og þjálfari
SÖGU Competence er
Sigríður Indriðadóttir. Hún
er menntuð í mannauðs-
stjórnun og býr yfir margra
ára reynslu og víðtækri
þekkingu á sviði stjórnunar,
mannauðsmála og rekstrar.
Sigríður hefur starfað sem for-
stöðumaður mannauðsmála hjá
Mosfellsbæ, Mannviti og Íslands-
pósti. Eins þjálfaði hún fólk í
mannlegum samskiptum hjá Dale
Carnegie í fimm ár. Hún hefur leitt
og tekið þátt í umfangsmiklum og
flóknum stjórnunarverkefnum
sem felast í umbyltingu á rekstri
og fyrirtækjamenningu og er því
vön að takast á við þær síbreyti-
legu áskoranir sem stjórnendur og
starfsfólk glíma við dag frá degi.
Sigríður vinnur markvisst
með árangursstjórnun sem felur
í sér uppbyggingu á öflugri og
hvetjandi vinnustaðarmenningu
sem stuðlar að vellíðan, vexti og
árangri starfsfólks. Áhersla er lögð
á hnitmiðaða þjálfun sem miðar
að því að tryggja rétta hegðun á
vinnustað í samræmi við þarfir
skipulagsheildarinnar hverju
sinni, stefnu og framtíðarsýn og
stuðla þannig að varanlegum
árangri. Sigríður hefur einnig
sérhæft sig í því að þjálfa fólk í
að greina og taka á meðvirkum
aðstæðum sem geta skapast á
vinnustöðum.
Annar vart eftirspurn
„Ég er fædd og uppalin á Akranesi
og sleit þar barnsskónum – en ekki
takkaskóm þó. Ég ólst upp við að
spila á píanó og skrifa alls konar
sögur, svo það er vel við hæfi að
fyrirtækið mitt í dag heiti SAGA
Competence þar sem ég vinn við
að styðja við fyrirtæki og einstakl-
inga í að skrifa sínar eigin sögur,
hvort sem það er frá upphafi eða
byrjað á nýjum kafla.“
Sigríður stofnaði SAGA Compe-
tence fyrir tæpu ári og óhætt er að
segja að síðan þá hefur verið mjög
mikið að gera og annar hún vart
eftirspurn.
„Ég hef verið mjög heppin frá
því ég startaði rekstrinum síðasta
sumar og í hverri viku hafa sam-
band við mig dásamlegir við-
skiptavinir sem óska eftir ráðgjöf,
þjálfun eða námskeiðum. Á þessu
fyrsta starfsári SAGA Competence
hef ég unnið með á sjötta tug fyrir-
tækja og stofnana sem eru hvert
öðru flottara. Og eiga það sameig-
inlegt að hafa öfluga og hugrakka
stjórnendur sem leitast stöðugt við
að gera gott betra.
Ég starfaði sem framkvæmda-
stjóri mannauðsmála í þremur
ólíkum fyrirtækjum um margra
ára skeið og í gegnum störf mín hef
ég séð hvað atvinnulífið er í mikilli
þörf fyrir fyrirtæki eins og SAGA
Competence.“
Dýrmætasta auðlindin
Sigríður segist brenna fyrir öflugri
liðsheild ánægðra starfsmanna og
hvetjandi vinnustaðarmenningu.
„Málið er að starfsfólk sem líður
vel í vinnunni sinni og upplifir
traust og sálfræðilegt öryggi er svo
margfalt ánægðara og hamingju-
samara og skilar miklu betra starfi
út í samfélagið en fólk sem líður
ekki vel. Ánægt starfsfólk skapar
einfaldlega meiri verðmæti og býr
til meiri árangur og það er því til
svo mikils að vinna að byggja upp
öfluga liðsheild og góða vinnu-
staðarmenningu.“
Að sögn Sigríðar er mann-
auðurinn dýrmætasta auðlind
fyrirtækja. „Það sem ég áttaði mig
hins vegar fljótlega á þegar ég fór
að starfa við mannauðsmál fyrir
fimmtán árum er að það eru alls
konar hindranir inni í fyrirtækjum
sem geta stuðlað að því að traustið
minnkar eða jafnvel hverfur og
fólk upplifir vanlíðan, streitu og
óánægju sem augljóst er að verður
aldrei til góðs. Ein af þessum
hindrunum felst í meðvirkni-
mynstrum sem hafa skapast inni á
vinnustöðunum, þar sem frammi-
stöðuvandi eða hegðunarvandi,
sem ekki er tekið á jafnvel svo
árum skiptir, fer að hafa neikvæð
áhrif á líðan fólks, vinnustaðar-
menninguna og heildarárangur
fyrirtækisins.
Því miður er það oft þannig að
stjórnendur upplifa að þeir hafi
ekki verkfæri til að taka á slíku og
mitt starf felst mikið til í að styðja
við stjórnendur í að stíga inn í
meðvirkar aðstæður og efla þá í
að setja heilbrigð mörk og tækla
málin á árangursríkan hátt. Slík
vinna tekur tíma og krefst bæði
hugrekkis og þrautseigju og ég hef
séð stórkostlegar breytingar hjá
stjórnendum sem eru tilbúnir að
axla ábyrgð og vinna stöðugt í því
að styrkja sig og efla til að tækla
hvaða aðstæður sem er, byggja upp
traust og vellíðan hjá fólkinu sínu.
Ég vinn mikið með fram-
kvæmdastjórnum og forstjórum,
sem vilja auka meðvitund bæði
sjálfra sín og annarra starfsmanna
um mikilvægi hvers og eins.
Það skiptir mjög miklu máli að
framkvæmdastjórn sé um borð
þegar stór þjálfunar- eða menn-
ingartengd verkefni fara af stað
í fyrirtækjum, því eftir höfðinu
dansa limirnir og svo hríslast það
út í gegnum allt fyrirtækið.“
Sigríður vinnur þannig mjög
mikið með hegðun og frammi-
stöðu og stöðuga þróun á starfs-
hæfni. Þaðan kemur Competence
heitið í nafni fyrirtækisins. „Ég
lærði mannauðsstjórnun í háskól-
anum í Lundi í Svíþjóð og vann
mastersritgerðina mína hjá Sím-
anum. Mig langaði mjög að rann-
saka hvað árangursríkir starfs-
menn gera til að efla færni sína í
starfi og ritgerðin mín heitir: „How
successful employees at Corporate
Market in Síminn develop their
competence at work“.
Vinnan við ritgerðina hefur nýst
mér mjög vel í störfum mínum sem
forstöðumaður mannauðsmála í
gegnum árin, og það má segja að
starf mitt hjá SAGA Competence
byggist að stórum hluta á niður-
stöðum þeirrar rannsóknar.“
Lykill að samkeppnishæfni
Að sögn Sigríðar byggir samkeppn-
ishæfni fyrirtækja sífellt meira
á færni starfsfólks og þess vegna
skiptir framlag þess stöðugt meira
máli, og þar með þær aðferðir sem
árangursríkt starfsfólk notar til að
efla hæfni sína og þróa sig í starfi.
„Ég kom auga á hátt í þriðja tug
aðferða sem nýtast vel í þessu sam-
hengi og kynni þær og verkfæri
þeim tengd fyrir bæði starfsfólki
og stjórnendum í gegnum SÖGU
Competence. Það eru forréttindi
að hafa fundið efni sem ég brann
svona fyrir að skrifa um og hefur
nýst mér jafn vel og raun ber vitni,
en ég varði ritgerðina mína árið
2007.“
SAGA Competence býður upp á
klæðskerasniðna þjónustu í sam-
ræmi við þarfir hvers viðskiptavin-
ar hverju sinni. Slík þjónusta getur
falið í sér greiningarvinnu, nám-
skeiðahald, vinnustofur, starfs-
daga, stjórnendamarkþjálfun,
360° mat og eftirfylgni. Eins býður
SAGA Competence upp á ýmiss
konar rafrænt fræðsluefni fyrir
starfsfólk sem fyrirtæki geta keypt
fyrir sína fræðsluvefi, ásamt því
sem hluti af fræðsluefninu er til á
hlaðvarpsformi þar sem starfsfólk
getur hlustað á fræðslu samhliða
störfum sínum hjá fyrirtækinu.
„Ég hef séð aukna þörf hjá fyrir-
tækjum fyrir rafrænt fræðslu- og
þjálfunarefni í kjölfarið á Covid.
Auðvitað þarf það að vera í bland
að fólk geti komið saman og hist á
námskeiðum, en gott getur verið
að hafa rafræna fræðslu líka, bæði
fyrir nýtt starfsfólk og eins sem
eftirfylgni í kjölfar námskeiða
eða vinnustofa. Einnig hentar það
mjög vel fyrirtækjum sem eru með
starfsemi úti um allt land, því það
sparar dýrmætan tíma fólks við að
koma sér á milli staða, sem og fjár-
magn sem annars færi í ferðalög og
uppihald.“
Sigríður hefur líka unnið mikið
með sveitarfélögum að ýmsum
verkefnum, meðal annars við
mannauðsráðgjöf í aðdraganda
sameiningar sveitarfélaga þar sem
að mörgu er að hyggja. „Ég þekki
starfsemi sveitarfélaga út og inn
sem nýtist mér vel í þeirri vinnu.
Ég er ótrúlega hamingjusöm
með starfið mitt og það eru for-
réttindi að fá að starfa við það
alla daga að byggja upp enn betri
vinnustaði þar sem fólki líður vel.
Þeir stjórnendur sem ég vinn með
hafa fyrir löngu áttað sig á mikil-
vægi þess að starfsfólki líði vel og
finni tilgang sinn í starfi, því það
skilar sér ekki bara í betri árangri
fyrirtækisins, heldur skilar það sér
líka inn á heimili landsins í betri
líðan og meiri hamingju. Það er því
sannarlega samfélagslega ábyrgt af
stjórnendum fyrirtækja að leggja
áherslu á vellíðan starfsfólks,“ segir
Sigríður Indriðadóttir, eigandi og
framkvæmdastjóri SAGA Compe-
tence. n
Vefsíða SAGA Competence er:
www.sagac.is
Heildstæð árangursstjórnun
með SAGA Competence
Sigríður Indriðadóttir, eigandi og framkvæmdastjóri SAGA Competence. FRÉTTABLAÐIÐ/ERNIR
Ánægt starfsfólk
skapar einfaldlega
meiri verðmæti og býr til
meiri árangur og það er
því til svo mikils að
vinna að byggja upp
öfluga liðsheild og góða
vinnustaðarmenningu.
Sigríður Indriðadóttir
Þeir stjórnendur
sem ég vinn með
hafa fyrir löngu áttað sig
á mikilvægi þess að
starfsfólki líði vel og
finni tilgang sinn í starfi,
því það skilar sér ekki
bara í betri árangri
fyrirtækisins, heldur
skilar það sér líka inn á
heimili landsins í betri
líðan og meiri hamingju.
Sigríður Indriðadóttir
44 kynningarblað 21. maí 2022 LAUGARDAGURMAnnAuðSMál