Fréttablaðið - 21.05.2022, Síða 132

Gríðarleg uppbygging hefur
átt sér stað á tiltölulega
stuttum tíma hjá Golfklúbbi
Kópavogs og Garðabæjar.
Mögnuð heilsárs aðstaða og
23 golfhermar. „Fólk kemur
í öllum veðrum,“ segir Agnar
Már Jónsson, framkvæmda­
stjóri GKG.
kylfingur.is
Þetta hefur gerst á tiltölulega
stuttum tíma hjá Golfklúbbi Kópa­
vogs og Garðabæjar. Klúbburinn
varð til við sameiningu Golfklúbbs
Garðabæjar og Golfklúbbs Kópa­
vogs árið 1994 en svæði félagsins er
innan bæjarmarka bæjanna beggja.
Vallarstæðið er í Vetrarmýri í landi
Vífilsstaða í Garðabæ annars vegar
og í Leirdal ofan við Salahverfi í
Kópavogi hins vegar.
Til ársins 1996 voru aðeins 9 holur
til afnota fyrir félagsmenn í Vetrar­
mýri en það ár var níu holu stækkun
tekin í notkun á vellinum og strax í
kjölfarið var hafist handa við bygg­
ingu seinni áfanga. Árið 2002 var
Vífilsstaðavöllur fullkláraður og
var hann leikinn í þeirri mynd til
ársins 2007, þegar stækkun hans
var tekin í notkun. Vífilsstaðavelli
var þá skipt upp í tvo velli. Annars
vegar sem hluta af 18 holu velli (Leir­
dalsvöllur), par 71, og hins vegar níu
holu völl (Mýrin), par 34.
Nýr golfskáli og glæsileg íþrótta­
miðstöð var vígð árið 2016 og svo
stækkun tekin í notkun 2020 með
inniaðstöðu sem á engan sinn líka
hér á landi. Í vetur hýsti GKG svo
úrslitakeppni fyrsta Landsmótsins
í golfhermum á Íslandi og tókst það
mjög vel.
„Þegar Garðabær sóttist eftir að
fá æfingasvæðið okkar undir bygg­
ingaframkvæmdir, sáum við okkur
leik á borði að byggja upp heilsárs­
æfingasvæði og fara í frekari upp­
byggingu á svæðinu, sem hentar
okkar íþróttastarfi vel. Það er auð­
vitað afleitt fyrir afreksstarfið að
geta ekki slegið lengri högg en það
er ekki langt í Odd, Keili eða GR ef
því er að skipta.“ Agnar segir GKG
hafa þá sérstöðu meðal golfklúbba á
Íslandi að klúbburinn skilgreini sig
fyrst og fremst sem íþróttafélag en
ekki dæmigerðan golfklúbb.
Straumhvörf
Á 20 ára afmæli GKG var undirrituð
viljayfirlýsing um stuðning sveitar­
félaganna tveggja við byggingu
félags­ og íþróttaaðstöðu GKG og
strax var hafist handa við undir­
búning og svo framkvæmdir. Agnar
segir að undirbúningur hafi meðal­
annars falist í að hitta hina klúbb­
ana og að eins konar þarfagreining
hafi verið unnin í kjölfarið.
„Það gekk mjög vel allt frá því við
fórum af stað og tveimur árum eftir
undirritun viljayfirlýsingar vígðum
við mannvirkið. Aðsóknin hefur
verið mjög góð í íþróttamiðstöðina
og hér er alltaf fullt frá morgni til
kvölds, þrátt fyrir veðurviðvaranir
í öllum regnbogans litum.
Agnar segir aðstöðumuninn
mikinn. „Breytingin er gríðarleg,
maður sér hjá krökkunum að við­
horf þeirra til vetraræfinga er farið
úr því að mæta af skyldurækni
og yfir í mikla tilhlökkun eftir að
hermarnir komu.“
Fjárfesting til framtíðar
Í íþróttamiðstöð GKG eru hvorki
f leiri né færri en 23 golfhermar frá
TrackMan. Allur frágangur er hinn
huggulegasti og heita svæðin eftir
goðsagnakenndum golfmótum.
„Við erum með 22 herma inni og svo
eigum við eitt útitæki sem er eitt af
þessum alvöru greiningartækjum
sem golf klúbbar komu sér upp á
sínum tíma.“ Agnar segir fjárfest­
inguna mikla í aðstöðunni. „Þegar
allt er talið nemur fjárfesting í golf­
hermum hjá GKG á annað hundrað
milljónum króna, en við lítum líka
á þetta sem fjárfestingu. Við erum
með samning um sjálfvirkar upp­
færslur hugbúnaðar frá TrackMan
svo hermarnir eru alltaf með nýj­
ustu uppfærslu.“ n
Ég slæ mun styttra en
ég gerði en ég hef náð
sveifluhraðanum
aðeins upp og lengd-
unum.
Þegar allt er talið
nemur fjárfesting í
golfhermum hjá GKG á
annað hundrað millj-
ónum króna, en við
lítum líka á þetta sem
fjárfestingu.
Agnar Már
Jónsson,
framkvæmda-
stjóri GKG
Ólafía Þórunn Kristinsdóttir keppir
nú aftur eftir langt hlé.
Átjánda flötin á Leirdalsvelli. Kylfingar á flöt og aðrir fylgjast með af svölunum í glæsilegu klúbbhúsi.
Í íþróttamiðstöð GKG eru hvorki fleiri né færri en 23 golfhermar frá TrackMan.
Ólafur Björn Loftsson, afreksstjóri GSÍ, fór yfir helstu mótin.
Fyrst og fremst íþróttafélag
kylfingur.is
Fyrsta stóra mót ársins hjá afreks­
kylfingum okkar verður haldið um
helgina þegar GSÍ mótaröðin hefst á
Akranesi.
Á kynningarfundi Golfsambands
Íslands um golfsumarið 2022, fór
Ólafur Björn Loftsson, afreksstjóri
GSÍ, yfir mótahald hér á landi í
sumar. Ólafur sagði mótaröðina
samanstanda af sex mótum en
hápunktar hennar eru Íslandsmótið
í holukeppni, sem að þessu sinni fer
fram á Hlíðavelli Golfklúbbs Mos­
fellsbæjar og sjálft Íslandsmótið
í golfi, sem fram fer í Vestmanna­
eyjum 4.­7. ágúst. Sú breyting hefur
verið gerð að bæði núverandi og
fyrrverandi Íslandsmeistarar fá
öruggan keppnisrétt á Íslands­
mótinu í golfi, að því gefnu að þeir
standist forgjafarkröfur. B59 hótel
mótið fer fram á Garðavelli Golf­
klúbbsins Leynis dagana 20.­22. maí
og Leiru mótið fer fram á Hólmsvelli
í Leiru Golfklúbbs Suðurnesja dag­
ana 3.­5. júní. Hvaleyrarbikarinn fer
fram á Hvaleyrarvelli Golfklúbbsins
Keilis dagana 14.­16. júlí og þá verður
mótaröðinni lokað þegar stiga­
meistari GSÍ verður krýndur eftir
Korpubikarinn á Korpúlfsstaðavelli
Golfklúbbs Reykjavíkur, sem fram
fer dagana 19.­20. ágúst.
Þá fór Ólafur Björn yfir helstu
mótin á bæði unglingamótaröðinni
og áskorendamótaröðinni, þar sem
kylfingar framtíðarinnar öðlast dýr­
mæta keppnisreynslu. n
Kylfingur ræddi við
Ólaf Björn um keppnishaldið og
afreksmálin en sjá má myndskeið á
kylfingur.is.
Keppnisþyrstir kylfingar
kylfingur.is
„Ég er virkilega spennt að komast
aftur á keppnisvöllinn. Ég er nú
venjulega ekki stressuð fyrir mót en
verð að viðurkenna að ég finn fyrir
smá fiðringi núna,“ segir Ólafía Þór­
unn Kristinsdóttir, atvinnukylfingur
úr GR, sem keppir aftur eftir langt hlé
á Jabra Ladies Open í Frakklandi á
Evrópumótaröðinni 19. ­ 21. maí.
Ólafía er búsett í Þýskalandi
ásamt eiginmanni sínum, Thomas
Bojanowski, og syninum Maron,
sem verður eins árs í júní á þessu
ári. Hún er orðin nokkuð reynslu­
mikil en hún vann sér inn keppnis­
rétt á LPGA­mótaröðinni þegar hún
hafnaði í 2. sæti á úrtökumóti árið
2016. Ólafía keppti á 26 mótum á
sínu fyrsta keppnistímabili meðal
þeirra bestu, komst í gegnum niður­
skurðinn á 15 mótum og varð tvisvar
sinnum meðal þeirra tuttugu efstu.
„Ég ákvað að bíða aðeins með að
reyna mig á ný í Bandaríkjunum –
því ég er með takmarkað aðgengi að
mótum á LPGA­mótaröðinni. Þar
sem ég er einnig með takmarkaðan
keppnisrétt á Evrópumótaröðinni
frá því ég lék á henni á sínum tíma
fannst mér ákveðin skynsemi í að
taka mótin sem eru í boði í Evrópu,“
segir Ólafía.
Ég keppti síðast á Evrópumóta­
röðinni í Sviss í september 2020 og
fór ekki að æfa aftur reglulega fyrr
en í lok árs 2021. Ég er einnig komin
inn í mótið í Belgíu í næstu viku og
vonandi kemst ég inn í sem flest
mót. Ég ætla mér að minnsta kosti
að nýta tækifærin sem ég fæ eins vel
og ég get.“
„Síðustu æfingadagar hafa verið
mjög góðir. Ég er með TrackMan
og allar tölur eru á góðri leið þar. Ég
slæ mun styttra en ég gerði en ég hef
náð sveifluhraðanum aðeins upp og
lengdunum í leiðinni. Hreyfingarnar
í sveiflunni eru enn til staðar. Ég
þurfti að taka tveimur kylfum meira
en venjulega fyrst en nú aðeins einni
kylfu meira. Ég hef fulla trú á að ég nái
að lokum sömu lengdum og ég sló á
sínum tíma. Þegar ég slæ boltann er
tilfinningin stundum aðeins öðruvísi
en sú tilfinning sem ég þekki svo vel.
Ég geri líka ákveðin TrackMan­test
sem gefa til kynna hvað ég er u.þ.b.
með í forgjöf. Þegar ég var að byrja
að æfa aftur var ég skv. því að slá eins
og kylfingur sem er með 4­6 í forgjöf,
sem var pínu sjokk. En svo hefur þetta
allt verið að koma og núna er ég að slá
eins og kylfingur sem er með +3­5 í
forgjöf,“ segir Ólafía Þórunn. n
Sjá má ný tíðindi af gengi hennar
og Guðrúnar B. Björgvinsdóttur á
mótinu í Frakklandi á kylfingur.is.
Ólafía Þórunn
hefur leik að nýju
í Frakklandi
Golf kylfingur.is Fréttablaðið 21. maí 2022 lAUGARDAGUR