Fréttablaðið - 21.05.2022, Page 138

Hátún 6b, 105 Reykjavík / Sími 519 3223 / www.hudin.is
Fylliefni er frábær meðferð
til að fríska upp á útlitið.
Bjóðum einnig upp á persónulega ráðgjöf.
Við tökum vel á móti þér.
FYRIR EFTIR
Flýtileið Finna og Svía inn í Atlantshafsbanda-
lagið væri nokkuð greið ef ljónið Erdogan væri
ekki í veginum, með skýrar kröfur um að þjóð-
irnar bæti ráð sitt í samskiptum við Tyrkland.
Þessir stælar galopna tækifærissinnuðum
Íslendingum dauðafæri til þess að hóta því að
beita neitunarvaldi nema þjóðirnar tvær geri
einlæga og raunverulega yfirbót með leiðrétt-
ingu misgjörða sem hafa lengi legið þungt á
þjóðarsálinni.
toti@frettabladid.is
odduraevar@frettabladid.is
Finnland í NATO –
Jólasveininn
heim!
Faxi svari fyrir
glæpi sína
Árum saman fótumtróð
sænski varnarmaðurinn
Staffan Olsson þjóðarstolt
Íslendinga á handbolta-
vellinum með slíkum dólg
að enn telst „Faxi“ til helstu
óvina þjóðarinnar.
Nú er loks komið að skulda-
dögum og vilji Svíar komast í öryggið
í NATO verða þeir að framselja Faxa
til Íslands þar sem hann verður
sekur fundinn fyrir Landsdómi
og látinn taka út sína refsingu
á fangaeyjunni Viðey Bay sem
reist verður yfir hann og aðra
óvini íslensku þjóðarinnar, inn-
lenda sem erlenda.
Tyrkir ætla ekki að styðja umsókn Svía og Finna í NATO
nema þjóðirnar láti af stuðningi við Verkamannaflokk
Kúrda (PKK), sem Tyrkir líta á sem hryðjuverkasamtök,
og aflétti vopnasölubanni til landsins sem sett var á eftir
að Tyrkir réðust inn í Sýrland 2019.
Kröfurnar sem Íslendingar geta gert eru öllu hófsam-
ari en ekki síður mikilvægar þegar þeir eru, sem ein af
stofnþjóðum NATO, aldrei þessu vant með yfirburða-
stöðu gagnvart þessum vina- og frændþjóðum og geta
hæglega bundið inngöngu Svía og Finna við það að þeir
bæti fyrir að hafa áður niðurlægt okkur af ofríki og ofur-
efli í nokkrum af okkar helstu hjartans málum. n
Afsláttur í IKEA
Sænska húsgagnaverslana-
keðjan er með íslenska þjóð í
svo skilyrtum hlekkjum að þá
sjaldan sem ungu fólki hérna
tekst að koma sér þaki yfir
höfuðið liggur leið þess beint í
Kauptúnið til þess að innrétta
nýju íbúðina. Ríkisstjórnin
verður því að krefjast þess að
Íslendingar fái 75 prósenta
afslátt af öllum IKEA-vörum
enda að öðru leyti með öllu
úrræðalaus í húsnæðismálum.
Þá verður Svíum lokuð leiðin
í NATO nema öllum Íslend-
ingum verði boðið í ókeypis
sænskar kjötbollur í IKEA á
17. júní.
Svíar skili Eurovision-sigrinum
Þegar sænskir glæpir gagnvart íslenskri þjóð eru
annars vegar, er ljótt brot söngkonunnar Char-
lotte Nilsson svo stórt og ljótt að illvirki Faxa,
landa hennar, fölna nánast í samanburðinum.
Óþverrabragðið að stela Eurovision-sigrinum frá
Íslendingum 1999 verður aldrei fyrirgefið.
Auðvitað sigraði Selma með All Out of Luck og
það skulu Svíar nú viðurkenna með því að játa sig
sigraða og skila 1. sætinu. Svindlarinn Charlotte
getur ekki komist hjá því að svara fyrir glæpinn
þótt hún hafi breytt eftirnafni sínu í Perelli og
skal dregin til ábyrgðar og látin keppa fyrir Íslands
hönd á næsta ári áður en henni verður fundinn
varanlegur samastaður í Viðey Bay.
Jólasveininn heim!
Hvert mannsbarn í víðri veröld
vissi upp á sína tíu fingur að
Jólasveinninn ætti lögheimili
sitt og varnarþing á Íslandi.
Nánar til tekið í Esjunni þar
sem hann eyddi árhundruð-
unum, þrettánfaldur í roðinu,
á heimili móður sinnar, hennar
Grýlu.
Allt breyttist þetta þegar
Finnar byrjuðu að spinna sinn
ljóta lygavef og þjófstálu
heimilisfangi Jólasveinsins
með tilheyrandi tekjutapi fyrir
íslenska póst- og ferðaþjón-
ustu. Krafan er skýr. Vilji Finn-
land í NATO skal Jólasveinninn
koma heim og fá að vera þar
óáreittur um ókomna tíð!
Lordi á Þjóðminjasafnið
Margt er líkt með skyldum, eins og sést ágætlega á því hversu auð-
velt Finnum hefur reynst að herma eftir skammdegisþunglyndis-
legum drykkjuvenjum Íslendinga. Aðeins eitt dæmi af mörgum um
hvernig Finnar renna ítrekað hýrum þjófsaugum sínum til Íslands og
alls ekki jafn slæmt og þegar þeir í Lordi skyggðu á okkur í Eurovisi-
on 2006, íklæddir tilkomumiklum búningum þar sem stílnum var
stolið frá íslenskum tröllum og útilegumönnum. Finnum ber að skila
búningunum sem verða varðveittir á Þjóðminjasafninu eftir að Lordi
hefur öskrað Ísland til sigurs í Eurovision 2024.
58 Lífið 21. maí 2022 LAUGARDAGURFréTTAblAðið