Skessuhorn - 08.06.2022, Síða 16

MIÐVIKUDAGUR 8. JÚNÍ 202216
Bjarni Þór Bjarnason listamaður
og Ásta Salbjörg Alfreðsdóttir eig-
inkona hans voru í síðustu viku að
ferðbúast; pakka málverkum, trön-
um og viðlegubúnaði í sendibíl
sinn og aka út í sumarið í óvissu-
ferð. Hófu þau farandsýninguna
Rokk á flakki á Hótel Vogi á Fells-
strönd í Dölum á föstudaginn. All-
ir eru velkomnir á sýningu Bjarna,
en verkin verða ekki til sölu. Þau
hugðust staldra við í nokkra daga á
Vogi, en halda síðan áfram för um
landið. Nánara sýningarplan liggur
ekki fyrir, enda er sýningin í senn
frí þeirra hjóna og valdir staðir
með tilliti til veðurs. „Við ætlum að
flakka um landið, stilla verkunum
upp á trönur, dvelja á hverjum stað
í nokkra daga, en pakka síðan öllu
saman og aka á næsta stað,“ segir
Ásta Salbjörg í samtali við Skessu-
horn. Þema á sýningunni eru rokk-
stjörnur liðinna tíma, heimsþekkt-
ar persónur.
mm
Kylfingurinn Lárus Hjaltested
sló draumahöggið í síðustu viku á
Garðavelli á Akranesi. Lárus fór
holu í höggi á áttundu braut vallar-
ins og komst þar með í einn eftir-
sóttasta klúbb landsins, Einherja-
klúbbinn. Til að gerast meðlimur í
Einherjaklúbbnum þurfa kylfingar
að ná því að fara holu í höggi eða
ná hinu svokallaða draumahöggi.
Reglurnar um hvað telst gilt
draumahögg (hola í höggi) á Íslandi
fylgja lögum Einherjaklúbbsins og
þar má nefna að leika þarf minnst
níu holur og vera með minnst einn
meðspilara (vitni). Völlurinn verð-
ur að hafa viðurkenningu frá Golf-
sambandinu og þarf minnst að vera
fjögur þúsund metra langur miðað
við 18 holur.
vaks
Guðrún Birna Haraldsdóttir í
Borgarnesi vann í liðinni viku síð-
ustu vinnuviku við gangbrautar-
gæslu á aðalgötu bæjarins. Þar hef-
ur hún gætt öryggis skólabarna og
almennings í morgunumferðinni í
aldarfjórðung og hefur gert það af
einstakri hlýju og alúð. Á fimmtu-
dagsmorguninn brá henni í brún
þegar hún mætti að venju snemma
til vinnu og sá að stór hópur fólks
var þar saman kominn. Voru þar
skjólstæðingar hennar ýmsir gegn-
um tíðina, mættir til að heiðra hana
og þakka fyrir sig. Flosi Sigurðs-
son, staðgengill sveitarstjóra, flutti
ávarp og færði Guðrúnu blómvönd
og Sigursteinn Sigurðsson færði
henni góðar gjafir frá samfélaginu
sem þakklætisvott fyrir hennar
verðmæta starf.
Alkunna er hve miklu máli mót-
tökur Guðrúnar hafa skipt börn á
leið í skólann. Heilsar hún þeim
með virktum um leið og hún
stoppar umferðina fyrir þau svo
þau komist heilu og höldnu inn í
skóladaginn. Ekki síst hefur þetta
verið dýrmætt ungum sálum á
dimmum vetrarmorgnum. Kona
sem vel þekkir til starfa Guðrúnar
komst svo að orði: „Gull af mann-
veru hún Guðrún Birna.“ Sam-
kvæmt mætingunni á fimmtu-
daginn eru margir sammála þessu.
Skessuhorn var á staðnum og fang-
aði augnablikið.
gj/ Ljósm. glh
Einleikurinn Síldarstúlk-
ur var sýndur á Sögulofti
Landnámssetursins í Borgarnesi
um hvítasunnuhelgina eftir að
hafa verið í sýningu á Siglufirði
á vikunum áður. Það er Halldóra
Guðjónsdóttir sem leikur í verk-
inu og er einnig höfundur þess
ásamt Andreu Elínu Vilhjálms-
dóttur sem leikstýrir. Að sögn Hall-
dóru var sérlega spennandi að fá að
sýna einleikinn Í Landnámssetrinu
því fyrsti neistinn að hugmyndinni
hafi komið við að sjá sýningar þar,
en hún var sýningarstjóri á Mr.
Skallagrímsssyni og Brák á sínum tíma. Þess má geta að Halldóra er
ættuð úr Reykholtsdal og á einnig
ættir að rekja til Borgarness.
Í kynningu á einleiknum kemur
fram að hann fjalli um minningar
kvenna af síldarævintýrinu á Siglu-
firði. Halldóra segir þetta vera sög-
ur frá fólki sem upplifði síldarævin-
týrið og við ritun verksins hafi þær
hlýtt á upptökur af viðtölum sem
Síldarminjasafnið tók á sínum tíma.
Um tónlist sá harmonikkuleikar-
inn Margrét Arnardóttir sem leikur
á þrjár harmonikkur í sýningunni,
þar af eina sem leikið var á á síldar-
árunum á Siglufirði á sínum tíma.
gj
Hátíðin Varmalandsdagar var
haldin í annað sinn síðustu helgi að
Varmalandi í Borgarfirði. Hátíð-
in bar undirtitilinn List og lyst sem
vitnar í handgerða list og matarlyst.
Finna mátti alls kyns listvarning
á hátíðinni ásamt heitum mat og
kökuhlaðborði. Hátíðinni var dreift
um allt Varmaland en hægt var að
sjá myndlistasýningu listakonunnar
Louise Harris á Hótel Varmalandi
en þar voru grillaðir hamborgarar
í boði útivið og tilboð á matseðli.
Einnig var kveikt á grilli í skóginum
og Kvenfélag Hvítársíðu bauð upp
á kökuhlaðborð í Þinghamri. Hægt
var að hitta listafólk sem sýndi og
seldi list sína og mátti sjá málverk,
útskurð, prjónavarning og margt
fleira. Skoða mátti gamlar dráttar-
vélar og vélhjólaklúbburinn Raftar
sýndu hjól sín. Heppnaðist hátíðin
vel og var hún vel sótt. Endað var
á kjötsúpukvöldi þar sem Karlakór-
inn Heiðbjört úr Staðarsveit flutti
nokkur lög.
sþ
Fyrsti viðkomustaður var Hótel Vogur á Fellsströnd. Hér eru listamaðurinn og
hótelstjórinn.
Farandsýningin Rokk á flakki
Halldóra Guðjónsdóttir í hlutverki
sínu. Ljósm. aðsend.
Síldarstúlkurnar komu í Borgarnes
Karlakórinn
Heiðbjört söng
á meðan gestir
gæddu sér á
kjötsúpu.
Varmalandsdagar haldnir í annað sinn
Sjá mátti listaverk verða til úr tré.
Alls kyns list prýddi rými Þinghamars.
Lárus hæstánægður eftir
draumahöggið.
Ljósm. af FB síðu Leynis.
Fór holu í höggi
á Garðavelli
Hefur gætt öryggis
barna í aldarfjórðung