Hugur og hönd - 2021, Blaðsíða 37

37HUGUR OG HÖND 2021
Ekkert fleira er vitað um beltið sem
Sigurlaug bar við fyrri búninginn sinn,
en í Sarpi má lesa að búningnum
í Glaumbæ fylgir sprotabelti úr silfri sem
Sigurður Vigfússon, fornfræðingur og
gullsmiður, smíðaði eftir fyrirsögn
Sigurðar málara að ósk Ólafs í Ási,
ásamt samstæðu koffri (sjá Sarpur.is).
Sigurður fornfræðingur starfaði síðar
við Forngripasafnið, undanfara Þjóð-
minjasafnsins, þar sem nafni hans
Sigurður málari var frumkvöðull. Nú vill
svo skemmtilega til að belti Ingibjargar
er smíðað af sama manni, Sigurði
Vigfússyni, en það mun hafa verið
í eigu konu á Ísafirði.
Og þá er komið að lokum þessarar
frásagnar og um leið að upphafinu
að búningi Ingibjargar Ágústsdóttur,
milluspöng ömmu hennar, Ingibjargar
Helgadóttur. Þegar Ingibjörg yngri var
lítil fékk hún að handleika og máta
spöngina og sú saga fylgdi að Ingibjörgu
ömmu hefði alltaf langað að eignast
skautbúning. Nú hefur Ingibjörg yngri
látið til skarar skríða, skautbúningurinn
orðinn til og „spöngin hennar ömmu“
er þar með búin að fá rétta umgjörð
og birtist þá með „öllu þessu stássi“.
HEIMILDIR:
Arndís S. Árnadóttir. Að setja „stýl“ á handverkið:
Mótun hugmynda Sigurðar Guðmundssonar. Málar-
inn og menningarsköpun: Sigurður Guðmundsson
og Kvöldfélagið 1858–1874. Opna, Reykjavík
2017:226–227.
Elsa Ósk Alfreðsdóttir. „Vjer erum allir meir en vjer
vitum leiddir af tilfinníngum kvennfólksins“. Málarinn
og menningarsköpun: Sigurður Guðmundsson
og Kvöldfélagið 1858–1874. Opna, Reykjavík
2017:297–335.
Elsa E. Guðjónsson. „Skautbúningur Sigurlaugar
í Ási.“ Gersemar og þarfaþing. Hið íslenska
bókmenntafélag, Reykjavík 1994:118–119.
Guðrún Gísladóttir. Um íslenzkan faldbúning með
myndum eptir Sigurð málara Guðmundsson. Kaup-
mannahöfn 1878. [Endurútg. Þjóðbúningastofan
2006, ásamt „Gulu blöðunum“, með mynstrum
Sigurðar málara.]
Æsa Sigurðardóttur. 2008. Til gagns og fegurðar.
Þjóðminjasafn Íslands, Reykjavík, 2008:44–47.
Bréf Ólafs Sigurðssonar í Ási til Sigurðar málara,
sjá https://sigurdurmalari.hi.is.
Sarpur.is: Skautbúningur Sigurlaugar í Ási
á Þjóðminjasafni: Þjms. 7232, 7233, 7234.
Sarpur.is: Skautbúningur Sigurlaugar í Ási í Byggða-
safni Skagfirðinga í Glaumbæ: BSk-3269/1998-207.
Útsaumur á blæju Ingibjargar Ágústsdóttur.
Mynstrið er af gamalli blæju sem fylgdi milluspöng
Ingibjargar Helgadóttur. Ljósmynd: Binni.
Baldering Indu Dan Benjamínsdóttur og belti
Sigurðar Vigfússonar á búningi Ingibjargar
Ágústsdóttur. Ljósmynd: Binni.
1„Gulu blöðin“ fylgja riti Guðrúnar Gísladóttur (1878) í endurútgáfu Þjóðbúningastofnunnar 2006.
Á þeim eru uppdrættir Sigurðar málara af mynstrum á skautbúningstreyjur, samfellur, kyrtla og möttla
með lagi Sigurðar.
2 Í bók Æsu Sigurðardóttur er mynd af konu með svarta blæju við skautbúning (2008:45).
Nærmynd af blómstursaumuðu Býsansmynstrinu á
samfellu Ingibjargar Ágústsdóttur. Ljósmynd: Binni.