Sjómannablaðið Víkingur - 01.04.2008, Page 16

Þá er henni lokið Ljósmyndakeppni Sjó-
mannablaðsins Víkings og úrslit liggja fyrir.
Níu ljósmyndarar sendu inn tæplega eitt
hundrað ljósmyndir svo það var sannarlega úr
vöndu að ráða fyrir dómnefndina. En að lokum
varð niðurstaðan nefndarinnar þessi:
1. sæti: Guðmundur Birkir Agnarsson með
myndina Landfastur.
Guðmundur Birkir er yfirstýrimaður á
skólaskipinu Sæbjörgu.
2. sæti: Guðmundur St. Valdimarsson og
myndin Landvar.
Guðmundur St. er bátsmaður á varðskipinu
Ægi.
3. sæti: Þorgeir Baldursson með Vatnaveröld.
Þorgeir er háseti á Sólbaki.
Þá voru valdar 12 myndir til viðbótar sem
fara, ásamt þessum þremur, í útrás og taka þátt
í Norðurlandaljósmyndakeppni sjómanna en
hún verður að þessu sinni haldin í Svíþjóð og
birtast úrslit hennar í 1. tölublaði næsta árs.
Um leið og við kíkjum á verðlaunamyndirnar
vill Víkingur þakka öllum þeim góðu mönnum
er sendu inn ljósmyndir og eindregið hvetja
þá og aðra til að munda myndavélina sem oft-
ast á árinu sem fer í hönd. Sjáumst í næstu
Ljósmyndakeppni sjómanna.
Nefndin
16 - Sjóm­annablaðið Víkingur­
Ljósmyndakeppni Víkings 2008
Dómnefndin, frá vinstri, Hilmar Snorrason, Jón Svavarsson, Árni Bjarnason og Jón Hjaltason.
Ljósmynd: Jón Svavarsson
1. sæti: Guðmundur Birkir Agnarsson með myndina Landfastur.