Sjómannablaðið Víkingur - 01.04.2008, Qupperneq 21

Sjóm­annablaðið Víkingur­ - 21
verður afar erfitt að ná, ef ekki verður
heimilað að veiða meiri þorsk en úthlut-
að hefur verið. Auk þessa þá var ákvörð-
un ráðherra tekin með tilliti til sterkrar
stöðu þjóðarbúsins en sú staða hefur nú
snúist upp í andhverfu sína með öllum
þeim afleiðingum sem við blasa í þjóð-
félaginu.“
*
Samþykkt var að skora á ríkisstjórnina
„ ... að takmarka verulega leiguframsal
innan fiskveiðiársins.“
Ályktunin var studd eftirfarandi
rökum:
„Leiga á aflaheimildum innan ársins er
og mun verða megin ástæðan fyrir mis-
ferli við launauppgjör sjómanna á meðan
hún er heimiluð. Afgerandi takmörkun á
kvótaleigu innan fiskveiðiársins er mun
stærra mál en svo að ásættanlegt sé fyrir
sjómenn að ríkisstjórnir láti kyrrt liggja
árum saman.“
*
Menn höfðu af því áhyggjur að í þeirri
óáran sem nú ríkir kynnu einhverjir að
vilja slá af í tryggingamálum sjómanna.
Því var samþykkt að skora á samninga-
nefndir fiskimanna að hvika hvergi í
þeim málum. Þetta var fært til bókar
með þessum orðum: „Það tók fiskimenn
marga áratugi og ómælda baráttu að
koma slysatryggingum á þann stað þar
sem þær nú eru, og því óðs manns æði
að slaka þar á.“
*
Um öryggismál sjómanna var þetta
ályktað:
„Ráðstefnan fagnar endurskoðun
reglna um fjarskiptabúnað íslenskra
skipa sbr. rg 956/2008 að hluta til í sam-
ræmi við óskir FFSÍ undanfarin ár.
Ráðstefnan áréttar að þörf sé á að
leggja mun ríkari áherslu á að skipta beri
yfir í neyðarsenda með innbyggðum GPS
staðsetningabúnaði í staðinn fyrir eldri
senda. Sérstaklega þarf að skipta um í
öllum gúmbjörgunarbátum íslenskra
skipa fyrir næstu skoðun.
GPS staðsetningarbúnaður í neyðar-
sendum getur skipt sköpum við leit og
björgun skipverja í sjávarháska. Með GPS
búnaði er leitarsvæðið um 50-100 metra
radíus en án GPS verður leitarsvæðið
amk 3 sml radíus. Ljóst er að mun fyrr
er hægt að koma mönnum til bjargar úr
sjávarháska ef neyðarsendarnir eru með
fyrrgreindum GPS búnaði.
*
Fleiri samþykktir voru gerðar.
Menn vildu losna við skiljuhólf fyrir
Vestfjörðum enda hafa togaraskipstjórar
margoft ítrekað þá skoðun sína að ekk-
ert í lífríkinu þarna kalli á notkun skilja.
Það þarf líka að endurskoða veiðistjórn-
unina á karfamiðunum fyrir vestan og
opna mið sem Hafró hefur séð ástæðu
til að loka um lengri og skemmri tíma.
„Með því að auka aðgang að karfaslóð-
inni telja skipstjórnarmenn að sóknin
jafnist betur á svæðinu og veiðarnar
verði skynsamlegri og arðbærari þegar til
lengri tíma er litið.“
*
Svo var ályktað eftirfarandi um verð-
myndun á ýsu.
„Formannaráðstefna Farmanna- og
fiskimannasamband Íslands, haldin í
Reykjavík 27. og 28. nóvember 2008
skorar á samninganefndir sjómanna að
ganga ekki frá kjarasamningi, án þess að
verðlagsgrundvöllur á ýsu verði leiðrétt-
ur a.m.k. til samræmis við þær forsendur
sem gilda um verðmyndun á þorski í
beinum viðskiptum.“
*
Og um samkeppnisstofnun:
„Formannaráðstefna Farmanna- og
fiskimannasamband Íslands haldin í
Reykjavík 27. og 28. nóvember 2008
beinir því til Samkeppnisstofnunar að
hún skoði nú þegar hvort sala og verð-
lagning á fiski í beinum viðskiptum milli
aðila standist samkeppnislög.“
Frá Félagi skipstjórnarmanna
Félagsfundir verða haldnir sem hér segir:
Á Akureyri mánudaginn 29. desember kl. 14.00
á Strikinu 4. hæð að Skipagötu 14.
Í Reykjavík að Grand Hotel Reykjavík þriðjudaginn
30. desember kl.14.00 í Háteigi á 4. hæð.
Stefnt er að því að funda víðar kring um hátíðarnar
og verður það auglýst þegar þar að kemur.
Félagar fjölmennið
Með jólakveðju
Stjórnin.
Baukað við tölvuna. Frá vinstri: Guðlaugur Jónsson FS, Eiríkur Jónsson FS, Reynir Björnsson FÍL og
Harald Holsvik FÍL. Ljósmynd: Ægir Steinn Sveinþórsson