Sjómannablaðið Víkingur - 01.04.2008, Page 26

26 - Sjóm­annablaðið Víkingur­
hans vani. Hann dregur hægt fyrst en
herðir dráttinn þegar veðrið versnar.
Mikið er á línunni; þorskur, smákóð, stór
ýsa, steinbítur, hlýri, smálúða, gaddaskata
og ufsi sem allt er hirt. Svo er margt sem
menn kæra sig ekki um að hirða svo sem
stór og smá ígulker, krossfiskur, skelj-
arusl, marglyttur og m.fl.
Stormurinn eykst og kvikan er orðin
stór í álnum svo línan tollir ekkert á
línuhjólinu. Formaður flýtir sér að draga
en þeir í andófinu hafa ekki áfram svo sá
fimmti leggur út tvær árar svo þrjár eru
árar á borð. En sá sjötti hamast við að
kippa upp fiskinn í smákippur jafnóðum
og hann kemur inn.
Það er á takmörkum að formaður
dregur inn síðari strenginn og komið er
ófært norðan veður og brim. Í flýti er segl
dregið upp og siglt inn fyrir eystra eyj-
arhornið og vestur að Vör en þá er komið
það brim að ekki er auðið að lenda nema
sæta lögum. Sumir setja fiskkippurnar á
streng en aðrir halda bátnum hæfilega frá
landi. Svo setjast allir sex undir árar og
snúa bátnum nákvæmlega rétt til land-
tökunnar, búið að varpa fiskkippunum
í sjóinn og strengurinn greiddur. Svona
er setið um stund og formaður situr við
stýrið uns hann kallar:
„Takið þið landróður!“
Allir róa lífróður í land og henda sér
út úr bátnum í einu augnabliki er hann
rekst í að framan og draga upp eins langt
og hægt er og á næsta sjó ennþá hærra.
Allt tekst vel.
Allt lauslegt er borið upp úr bátnum og
hann settur upp á hlunnum, smábútum
og skorðaður vel. Síðan draga sumir fisk-
kippurnar í land meðan aðrir bera bjóðin
inn í sjóbúðina. Þá er fiskinum skipt og
hirðir hver sinn hlut og afhausar fiskinn í
flýti og rífur innan úr honum og
lætur hann í hrúgu heim að sjóbúðinni.
Ef einhver á eitthvað eftir þegar aðrir eru
búnir er honum hjálpað til.
Þegar þetta er allt búið fara allir úr
sjóklæðum og nú er farið að hita kaffi
meðan menn taka hraustlega til matar
síns úr skrínum sínum. Ósvikið er drukk-
ið af kaffi á eftir.
Þegar þessu er lokið fara menn að
stokka upp, hver úr sínu bjóði en for-
maður að undirbúa ljósabeituna í næsta
róður. Og þá búið er að þessu öllu er
kaffi drukkið aftur.
Nú fara menn að spjalla, syngja, kveða,
spila og sitt hvað annað sér til skemmt-
unar og dægrastyttingar. En hríðin og
stormurinn lemur utan sjóbúðina og hafa
fullt svo hátt og við inni.
Hér lýkur frásögn Baldvins af þessum
róðri. Fiskurinn liggur í hrúgu utan við
sjóbúðina. Hver gerir að aflanum, fletur
og saltar? Hvenær? Illviðrið geisar en
formaðurinn er strax farinn að undirbúa
ljósabeituna fyrir næsta róður. Flakar
steinbít og hlýra og smálúðu og kemur
flökunum í frysti sem væntanlega er
trékassi fyrir utan vegg.
Tæknivæddir nútímasjómenn geta velt
vöngum yfir því hvernig hægt er að róa
frá landi og út í ál og finna dufl, sem þar
var skilið eftir í svartamyrkri, án þess að
sjá til nokkurra miða.
Í persónulýsingu sjómanna hefur
Baldvin gleymt einum sameiginlegum
þætti sem þó kemur skýrt fram seinna í
textanum. Þeim þótti gott kaffi.
SJÓMANNASAMBAND ÍSLANDS LANDSSAMBAND ÍSLENSKRA ÚTVEGSMANNA
Sjómennt – Tækniskólinn, skóli atvinnulífsins – Skólavörðuholti – 101 Reykjavík – sími 514 9000
Átt þú rétt á styrk?
Sjómennt er fræðslusjóður sjómanna og útgerðarfyrirtækja. Félagsmaður,
sem hefur unnið í a.m.k 12 mánuði skv. kjarasamningi SA/LÍU við Sjómanna-
samband Íslands hjá útgerðum innan LÍU og greitt til aðildarfélags Sjó-
menntar á þeim tíma, á rétt á stuðningi til starfsnáms.
Samtök atvinnulífsins (SA), Landsamband íslenskra útvegsmanna (LÍÚ) og
Sjómannasamband Íslands (SSÍ) standa að Sjómennt.
Nánari upplýsingar á www.sjomennt.is og á sjomennt@sjomennt.is
Ertu búinn að vera á sjónum í eitt ár eða meira?
Langar þig að fara á námskeið eða í skóla?