Sjómannablaðið Víkingur - 01.04.2008, Side 32

32 - Sjóm­annablaðið Víkingur­
hann í hægri handlegginn. Bátnum var
þegar snúið við og róið með sjóliðsfor-
ingjann út í Theseus. Þegar átti að hjálpa
honum um borð hvæsti hann: – Látið
mig vera. Ég er ekki fótalaus.
Flotalæknirinn hafði verið látinn vita
hvers hann átti von og beið reiðubúinn.
Nelson, fölur af blóðmissi og sárt kvalinn,
benti á handlegginn og sagði: – Læknir,
ég vil að þér losið mig við þetta einskis-
nýta kjötstykki.
Var svo handleggurinn tekinn af og
hent í sjóinn en hálftíma síðar var Nelson
mættur á dekk og byrjaður að skipa fyrir.
Allt kom þó fyrir ekki. Gutiérrez hafði
séð fyrir hvað Nelson ætlaði sér og notað
tækifærið þegar Englendingarnir hörf-
uðu í fyrra sinnið til að flytja mestallan
herafla sinn að höfninni. Spánverjarnir
stóðu því fastir fyrir og þegar ensku
sjóliðarnir reyndu að sækja inn í borgina
var þeim svarað með ákafri skothríð er
neyddi þá til að bæla sig niður og leita
skjóls á klettóttri ströndinni. Nelson sá
að við svo búið mátti ekki sitja og sendi
liðsauka sem varð fyrir svo þungri fall-
byssuskothríð að bátunum var snúið til
skips aftur áður en landi var náð. Félagar
þeirra höfðu þá þumlungast inn í bæinn
en áttu í vök að verjast og komust hvorki
afturábak né áfram.
Kjarkurinn hafði þó ekki yfir-
gefið breska foringjann, sir Thomas
Troubridge, sem sendi Gutiérrez skilaboð
um að nú væri tímabært fyrir Spánverjana
að gefast upp.
Gutiérrez svaraði um hæl og ráðlagði
Bretanum að láta af öllum drykkjuskap
sem gerði aðeins illt verra í þeirri úlfa-
kreppu sem hann væri búinn að koma sér
og mönnum sínum í.
Bardaginn hélt áfram og aftur sendi
Troubrigde erindreka á fund Gutiérrez.
Við munum taka vægt á ykkur og
íbúum Tenerife ef þið gefist upp, voru
skilaboðin.
Gutiérrez lofaði á móti, og í allri vin-
semd, að senda lækni til að athuga heila-
starfsemi Troubridge og ef nauðsyn krefði
að tryggja honum pláss á sjúkrahúsi þar
sem hann gæti notið frekari aðhlynn-
ingar.
Þessi gálgahúmor foringjanna
breytti þó engu um hið óumflýjanlega.
Englendingar voru búnir að tapa orrust-
unni.
Málalok, betri en við átti búast
Ósigur Nelsons var mikill. Hann hafði
misst 250 menn og 128 voru særðir en
í liði Spánverja féllu aðeins 30 og 40
voru sárir. Gutiérrez lét hlynna að föng-
unum jafnt og sínum eigin mönnum.
Hann leyfði þeim meira að segja að halda
vopnum sínum og skaut undir þá bátum
til að hjálpa þeim aftur um borð í bresku
herskipin sem lágu fyrir utan. Óhagstæðir
vindar höfðu komið í veg fyrir að Nelson
Nelson hefði án nokkurs vafa gefið aleigu sína fyrir svona skip sem ælir magainnihaldi sínu beint á
bryggjuna.
Jafnvel í miðri borginni er byggt á gilbörmum.
Látið ekki undir höfuð leggjast að heimsækja Carcía Sanabria garðinn þegar þið komið næst til Santa
Cruz. Þar er meðal annar að finna fjöldann allan af styttum og þessa blómaklukku.