Sjómannablaðið Víkingur - 01.04.2008, Page 51

Getraun þessi er miðuð við að
þeir sem kunnugir eru ströndum
landsins, sjávarbyggðum, fiskitegundum
og fiskimiðum eigi auðvelt með að svara
þessum 10 spurningum sem hún hefur
að geyma. Upphafsstafir svara við fyrsta
lið spurninganna eiga að mynda nafn á
fiskitegund sem mikið er veidd hér við
land.
Svör sendist ritstjóra vorum, Jóni
Hjaltasyni, Byggðavegi 101B, 600
Akureyri, fyrir mánudaginn 23. febrúar
2009. Veitt verða þrenn bókaverðlaun.
Berist fleiri réttar úrlausnir en þrjár
verða nöfn dregin úr hatti. Yfirdómarar
Getraunarinnar eru hjónin Guðríður B.
Jónsdóttir og Þórður Vilhjálmsson en þau
semja jafnframt spurningarnar. Gangi
ykkur vel.
1.
Þann 8. feb. 1925 gekk aftaka veður af
landnorðri yfir vestanvert landið og fór-
ust þá 2 íslenskir togarar og með þeim 68
menn.
Hvað hefur þetta veður verið nefnt?
Hvað hétu togararnir sem fórust?
2.
Þéttbýlisstaður sem varð löggiltur versl-
unarstaður 1836. Staðurinn dregur nafn
af sundi sem er milli höfða nokkurs og
hólma skammt undan landi. Í einni lýs-
ingu er komist svo að orði að höfnin
líkist mest stórri tjörn með sambandi við
hafið um sundin tvö beggja vegna hólm-
ans.
Höfnin er opin en eyja nokkur skýlir
henni fyrir norðansjóum. Höfnin var
grunn en var dýpkuð árin 1941 og 1954.
Á síldarárunum voru mikil umsvif á
staðnum og var hann einn mesti síld-
arsöltunarstaður landsins um skeið.
Hvað heitir staðurinn?
Hvað heitir eyjan sem skýlir höfninni?
3.
Spurt er um útgerðarstöð sem var fengsæl
um langan aldur. Þaðan mun hafa verið
stunduð útgerð þegar á 14. öld.
Árið 1703 voru þar 27 verbúðir en aldrei
var þar föst búseta árið um kring. Um er
að ræða litla eyju sem er raunar sandhóll
sem hlaðist hefur upp á grynningum milli
blágrýtisskerja sem koma upp úr um
fjöru. Heit uppspretta er þar við fjöru-
borð og er það eina vatnið sem finnst á
eyjunni.
Hvað heitir þessi útgerðarstöð?
Á hvaða firði er hún?
4.
Sæbratt fjall sem skip leita gjarna skjóls
undir í norðan- og norðaustan átt. Í fjall-
inu er að finna örnefni einsog: Innra- og
Ytra-Bein, Innri- og Ytri-Bringur og
Dugguklett. Undir þessu fjalli fórst
íslenskur togari 1955.
Hvaða fjall er þetta?
Hvað hét togarinn sem þarna fórst í
janúar 1955?
5.
Lítill fjörður sem gengur inn frá norð-
anverðri allstórri vík. Samnefnt lítið þorp
er fyrir botni fjarðarins og þar er verslun
fyrir næstu byggðarlög. Landleiðin að
þorpinu liggur um brattar skriður sem í
daglegu tali eru nefndar Urðir. Þar sem
skriðurnar enda er há brekka. Í brekku-
rótum stendur steindrangur sem í er hola
eða skúti sem sagan segir að Guðmundur
biskup góði hafi setið í er hann vígði
skriðurnar. Munnmæli herma að vígsluat-
höfn þessi hafi borið svo góðan árangur
að ekki hafi síðan orðið slys í skriðunum
hvorki á mönnum né skepnum.
Hvað heitir fjörðurinn?
Hvað heitir víkin sem hann gengur inn
úr?
6.
Í þekktu ljóði eru þessar ljóðlínur:
„Og vestfirskur jökull, sem heilsar við
Horn
í hilling með sólroðna brá“.
Hver orti ljóðið?
Hvað heitir jökullinn?
7.
Í einni af Íslendingasögunum er að finna
elstu heimild hérlendis um notkun þör-
unga til manneldis. Þar segir frá því að
kona nokkur lét föður sinn éta söl til að
seðja hungur sitt.

Hvað heitir sagan?
Hver var konan?
8.
Þegar landhelgin var færð út í fimmtíu
sjómílur 1972 urðu mikil átök á mið-
unum eins og margir muna.
Hver var sjávarútvegsráðherra þegar
útfærsla tók gildi?
Hvað hét skipherra Landhelgisgæslunnar
sem mest kom við sögu í þessu stríði?
9.
Hann var alinn upp við sjó,
ungan dreymdi um skip og sjó,
stundaði alla ævi sjó,
aldurhniginn fórst í sjó.
Um hvaða sjómann var þetta kveðið?
Hvaða skáld kvað svo?
10.
Hinir svokölluðu „nýsköpunartogarar“
komu til landsins á árunum 1947-1952.

Hvað hét togarinn sem fyrstur kom til
landsins?
Hvaðan var hann gerður út?
Góða skemmtun og gleðileg jól.
51 - Sjóm­annablaðið Víkingur­
Guðríður B. Jónsdóttir og Þórður Vilhjálmsson
Jólagetraunin