Norræn jól : ársrit Norræna félagsins - 01.12.1986, Page 37

3. ongin rósa
ongin rósa er rósa allan dagin
her um leiðir
K várnáttin elur villar týdningar
her um leiðir
hóast myrkrið er meinaleyst
her um leiðir
kann rósan ikki týðast
her um leiðir
náttin er meinaleys og gevur ollum rásarúm
tað greiðasta orðið er brádliga eitt skrímsl
eitt einglabrá sýnist sum eitt myrkavætti
ein himmalsk oasa rýkur av grummum jarðarríki
her um Ieiðir er myrkrið meinaleyst
og gevur ollurn rásarúm
ongin rósa er rósa allan dagin
við hvort hurlar hon allar dagar saman
og gevur myrkrinum rásarúm
4. observatorium tusculanum
skuggar kastast út um oll m0rk í ljósum spæli
nú skal tann himmalska grýluveitslan granskast
skærar myndir geva seg til kennar í heimsins apuspæli
stjal summarið og kynd upp við fúkandi stjornum
stjal summarið og noyð ljósið at drála
tað er ikki ósomiligt at drála á hesum leiðum
tað er ikki ólógligt at kortleggja oyðina
tað er ikki munaleyst at eygleiða stjornurnar
tað er gott at fylgja degnum um jorðina
tað er gott at slóða fyri kátum spæli
stjal summarið og noyð ljósið at drála
's.