Fréttablaðið - 15.09.2022, Qupperneq 4

ÞVERHOLT 6 • 270 MOSFELLSBÆR • S. 590 2300
OPIÐ VIRKA DAGA 10-17 • LAUGARDAGA 12-16
Alvöru jeppi – alvöru fjórhjóladrif - Eini
jeppinn í sínum stærðarflokki með lágt drif
Einungis nýir Jeep frá ÍSBAND eru með 5 ára ábyrgð!
JEEP.IS
JEEP RENEGADE TRAILHAWK
4XE PLUG-IN HYBRID
PLUG-IN HYBRID
ÁRA ÁBYRGÐ 8 ÁRA ÁBYRGÐ Á
DRIFRAFHLÖÐU PLUG-IN HYBRID
EIGUM LOKSINS TIL AFHENDINGAR
sigurjon@frettabladid.is
UMFERÐ Slysum ferðamanna hér-
lendis hefur farið fækkandi. Bana-
slysum fækkar á milli ára en fjöldi
þeirra sem slasast alvarlega stendur
í stað á milli ára. Þetta kemur fram
í nýrri skýrslu um umferðarslys
meðal erlendra ferðamanna á Íslandi
undanfarin ár.
Þegar horft er á slysatíðni og fjölda
slasaðra á hverja tíu þúsund ferða-
menn eru Kínverjar, Spánverjar og
Ítalir með hæstu slysatíðni ferða-
manna hérlendis. Fæstir slasaðra
eru Bretar, Danir, Finnar og Svíar. Sé
horft til slysatíðni eftir heimsálfum
er hún hæst hjá Asíubúum og minnst
hjá íbúum Norður-Ameríku. n
Asíubúar slasast
mest í umferðinni
Hlutfallslega lentu Kínverjar, Spán-
verjar og Ítalir í flestum slysum.
Samstaða og málamiðl-
anir einkenndu samstarf
stjórnarflokkanna þriggja á
neyðartímum en nú kveður
við annan tón. Hiti færist í
leikinn og þingflokkarnir
hnykla allir vöðva sína.
ingunnlara@frettabladid.is
ALÞINGI „Málafjöldinn hjá bæði
ríkisstjórn og stjórnarandstöðu er
talsverður. Það verður tekist á um
fjölmörg hitamál en hver þau verða
er erfitt að spá fyrir um,“ segir Birgir
Ármannsson, forseti Alþingis, sem
býst við starfsömum og átakamikl-
um þingvetri.
Fyrstu mál á dagskrá varða fjár-
lög og fjárlagatengd mál, svo raðast
inn endurflutt frumvörp áður en
ný mál komast að sem eru líkleg til
að kljúfa stjórnarflokkana. Má þar
nefna mál um útlendinga, sjávarút-
veg og vímuefni.
Forsætisráðherra segir að miklu
máli skipti að stjórnvöld og Seðla-
banki Íslands fari samstillt inn í mál
sem varða efnahaginn.
„Stærstu mál þingsins verða um
stöðu efnahagsmála og að ná far-
sælum kjarasamningum í snúnum
efnahag,“ segir Katrín Jakobsdóttir
forsætisráðherra. Fyrsta mál hennar
verður um heimildir stjórnvalda til
að meta og taka afstöðu til erlendra
fjárfesta í þýðingarmiklum sam-
félagsinnviðum.
Guðlaug u r Þór Þórða r son,
umhverfis-, orku- og loftslagsráð-
herra, leggur fram að nýju frum-
varp um að banna olíuleit í efna-
hagslögsögu Íslands. Katrín sagði í
stefnuræðu sinni á þingi í gærkvöldi
að mikilvægt væri að afgreiða það
mál til að senda skýr skilaboð til
umheimsins um að Íslandi ætli að
leggja sitt af mörkum í loftslags-
málum.
Ríkisstjórnin er með nokkur
frumvörp frá fjármálaráðherra,
félags- og vinnumarkaðsráðherra
og mennta- og barnamálaráðherra
til að bæta hag barna. Þar má nefna
styrkingu á barnabótakerfinu,
áf ramhaldandi heildarendur-
skoðun á barnaverndarlögum og
greiðslur til foreldra langveikra og
alvarlega fatlaðra barna.
Á þingmálaskrá má einnig finna
bein viðbrögð ráðherra við helstu
hitamálum síðustu missera sem
hafa verið mikið í fjölmiðlum. Má
þar nefna frumvarp um vopna-
burð, sanngirnisbætur til barna sem
voru vistuð á Hjalteyri og meðferð
eignarhluta ríkisins í fyrirtækjum.
Willum Þór Þórsson heilbrigðis-
ráðherra endurflytur frumvarp um
sóttvarnalög og stefnir á að innleiða
aðgerðir til að sporna við mönn-
unarvanda í heilbrigðiskerfinu og
verja heilbrigðisstarfsfólk. Einn
liður er frumvarp um að hækka
starfsaldur heilbrigðisstarfsfólks
upp í 75 ár og annar er frumvarp
um refsiábyrgð heilbrigðisstofnana.
Jón Gunnarsson dómsmála-
ráðherra leggur til að sameina
sýslumannsembættin níu í eitt
og héraðsdómstólana átta í einn
héraðsdóm. Forvirkar heimildir
lögreglu eru aftur á málaskrá ríkis-
stjórnarinnar í nýju frumvarpi sem
varðar aðgerðir til að koma í veg
fyrir brot tengd skipulagðri brota-
starfsemi.
Svandís Svavarsdóttir mat-
væla ráðherra leggur fram nokkur
frumvörp um breytingar á lögum
um stjórn fiskveiða. Má þar nefna
frumvarp um afmörkun hugtaksins
raunveruleg yfirráð við framkvæmd
reglna um hámarksaflahlutdeild og
tengda aðila. n
Sér fyrir hitamál og átakavetur á þingi
Katrín Jakobsdóttir forsætisráðherra flutti stefnuræðu sína á Alþingi í gærkvöldi. FRÉTTABLAÐIÐ/VALLI
Það verður tekist á um
fjölmörg hitamál en
hver þau verða er erfitt
að spá fyrir um.
Birgir Ármannsson,
forseti Alþingis
sigurjon@frettabladid.is
DÝRAHALD Ef staðið væri að eftirliti
hvalveiða af kostgæfni telur Dýra-
verndarsamband Íslands, DÍS, að í
ljós komi að hvalveiðar brjóti í bága
við lög um dýravelferð. Þetta segir í
yfirlýsingu frá stjórn DÍS.
„Stjórn DÍS lýsir yfir eindregnum
stuðningi við aukið eftirlit með
hvalveiðum og ítrekar andstöðu
sambandsins við slíkar veiðar,“ segir
í yfirlýsingunni.
„Í ljós hefur komið að það getur
tekið allt að hálfa klukkustund fyrir
þessi risastóru spendýr að deyja frá
því að fyrsti skutullinn hæfir þau og
stór dýnamíthleðsla springur inni
í þeim.“ Sambandið segir óhugs-
andi að slík slátrun yrði leyfð í dag
á landspendýrum. n
Eftirlit geti sýnt
brot gegn hvölum
Dýraverndarsamtök lýsa yfir stuðn-
ingi við eftirlit með hvalveiðum.
thorgrimur@frettabladid.is
SVÍÞJÓÐ Leiðtogar sænsku hægri-
blokkarinnar hafa lýst yfir sigri eftir
þingkosningarnar sem voru haldnar
í Svíþjóð á sunnudaginn. Magdal-
ena Andersson, leiðtogi Jafnaðar-
mannaflokksins, hefur viðurkennt
ósigur og boðað afsögn sína sem
forsætisráðherra Svíþjóðar.
Kosningarnar voru afar tvísýnar
en nú þegar búið er að telja rúmlega
99 prósent atkvæðanna þykir ljóst
að bandalag hægrif lokkanna hafi
unnið nauman sigur með nánast
sléttan helming atkvæða og þremur
þingsætum meira en vinstriflokk-
arnir.
Ef svo heldur fram sem horfir er
líklegt að fjórir flokkar – Svíþjóðar-
demókratar, Hægrif lokkurinn,
Frjálslyndi f lokkurinn og Kristi-
legir demókratar – geti myndað
meirihluta saman. Óljóst er þó hver
samsetning stjórnar þeirra kynni
að vera.
Lengi hefur ríkt tregða meðal
borgaralegu hægriflokkanna gegn
því að vinna með Svíþjóðardemó-
krötum, sem eiga uppruna að rekja
til sænskra nýnasistahreyfinga.
Vaxandi fylgi Svíþjóðardemókrata
hefur smám saman gert þessa snið-
göngu á þeim erfiðari og í aðdrag-
anda síðustu kosninga opnuðu hinir
f lokkarnir loks á möguleika á ein-
hvers konar samstarfi með þeim.
Svíþjóðardemókratar hlutu 20,6
prósent atkvæða og eru því stærsti
f lokkurinn meðal hægriflokkanna
og sá næststærsti á eftir Jafnaðar-
mönnum, sem hlutu um þrjátíu pró-
sent.
Engu að síður er Ulf Kristersson,
leiðtogi Hægriflokksins, sem hlaut
um nítján prósent atkvæða, talinn
líklegastur til að veita nýrri ríkis-
stjórn forystu. n
Hægristjórn í bígerð eftir kosningar í Svíþjóð 
Ulf Kristersson,
leiðtogi Hægri-
flokksins
4 Fréttir 15. september 2022 FIMMTUDAGURFRÉTTABLAÐIÐ