Fréttablaðið - 15.09.2022, Síða 42

Ég held að það sé búið
að snuða hana um
mörg ár af því að taka
þátt í samfélaginu og fá
að þroskast með.
Elín Ásbjarnardóttir Strandberg
Britney Spears talar um
holdafar dansara Christinu
Aguilera á Instagram-síðu
sinni. Íslenskur líkams-
virðingarsinni segir Britney
hugsanlega hafa verið svipta
tækifæri til að þroskast með
samfélaginu síðustu ár.
ninarichter@frettabladid.is
Bandaríska poppsöngkonan Brit-
ney Spears hefur verið sökuð um
líkamssmánun í garð dansara stall-
systur sinnar, söngkonunnar Christ-
inu Aguilera. Í færslu á Instagram-
aðgangi sínum í gær sagði Britney:
„Ég komst að því að það er aðeins
ein leið til að virðast grönn: Að
hanga með feitu fólki.“
„Ég vildi að ég hefði fengið að
velja barnapíurnar fyrir börnin
mín, dansarana mína. Ég meina,
ef ég hefði verið með dansarana
hennar Christinu Aguilera hefði
ég virst þvengmjó,“ skrifar hún við
færsluna. Við sama tækifæri segist
Britney ætla að nota vettvanginn til
að ræða hluti sem fólk talaði aldr-
ei um. Þá má geta þess að þetta er
ekki í fyrsta sinn sem söngkonunum
lendir saman opinberlega.
Þá skrifaði Britney, í sama anda,
þann 11. september í annarri færslu
að hún óskaði þess að hún hefði
fengið að velja meðdansara sína
á sviði. Britney sakar starfsfólk á
vegum föður síns um að hafa niður-
lægt sig viljandi með því að ráða
smávaxna dansara til að dansa með
sér á sviði. Færslunni fylgdi nektar-
mynd þar sem söngkonan glennti
rasskinnarnar á sér í sundur.
Aðdáendur svekktir
Fylgjendur söngkonunnar á Insta-
gram eru síður en svo ánægðir með
ummælin og biðja hana meðal ann-
ars að vera ekki að niðurlægja aðrar
konur til að upphefja sjálfa sig.
Elín Ásbjarnardóttir Strandberg
heimspekinemi hefur rætt við fjöl-
miðla síðustu misseri um líkams-
virðingu og reynslu sína af átröskun.
Hún segist fagna þeirri mótstöðu
sem ummæli söngkonunnar mættu
á samfélagsmiðlinum.
„Það gladdi mig að sjá kommentin
undir þessu,“ segir hún. „Auðvitað
er pósturinn pínu hræðilegur. En
maður veit að hún er ekki að koma
úr týpískum aðstæðum.“
Elín segist ekki hafa innsýn í
það hvort Britney hafi fylgst með
umræðunni sem hafi þróast í þá átt
að ummæli á borð við þessi séu ekki
lengur í boði.
„En miðað við þá pressu sem hún
hefur verið undir síðan hún var
unglingur er maður ekki sjokker-
aður yfir að þetta komi frá henni. En
á sama tíma er sjokkerandi að árið
2022 sé fólk í alvöru að láta svona út
úr sér.“
Britney snuðuð um þroska
Elín segir á sama tíma að ómögulegt
sé að setja sig í spor Britney. „Hún er
að koma undan brjálæðislegu eftir-
liti sem ég get ekki tengt við, eða
hvaða upplýsingar hún hefur fengið
eða hverju er búið að mata hana á.
Hún er kannski ekki búin að vera
með í öllum þessum breytingum
sem eru að eiga sér stað í heiminum.
Ekki endilega út af eigin vali heldur
út af kröfum sem eru settar á hana
út af yfirvaldi,“ segir hún. „Ég held
að það sé búið að snuða hana um
mörg ár af því að taka þátt í sam-
félaginu og fá að þroskast með.“
Elín vill ekki slaufa Britney Spe-
ars. „Heldur frekar að hjálpa henni
að sjá að við erum komin lengra.“
Fullorðin en samt barn
Silja Björk Björnsdóttir, rithöfundur
og geðheilsuaktívisti, segir reiði og
sorg greinilega í skrifum Britney á
samfélagsmiðlum. Líkt og Elín segir
Silja færsluna og skilaboðin sem
henni fylgdu vera hræðileg.
Silja bendir á að Britney var ung
sett undir forræði föður síns. „Þá má
spyrja hvort hún hafi fengið rými
til að taka út þennan þroska. Hún
hefur örugglega mjög bjagaða mynd
af því hvernig heimurinn virkar og
mér finnst það alveg skína í gegn
þegar hún er að tala,“ segir Silja.
„Hún er að læra að nota röddina
sína og það minnir mann á ungling
sem er að taka út svona skeið, eitt-
hvað sem Britney fékk aldrei að
gera. Þess vegna finnst okkur þetta
óþægilegt og á skjön við hvernig
við hin upplifum raunveruleikann
vegna þess að hún er fullorðin, en
hún er á sama tíma bara barn.“ n
Ummæli Britney tæpast slaufunarsök
Britney Spears og Christina Aguilera árið 2000. Tónlistarkonunum tveimur hefur lent saman ítrekað í gegnum ferilinn
og í fyrradag hætti sú síðarnefnda að fylgja Britney á Instagram. FRÉTTABLAÐIÐ/GETTY
Skjáskot af umræddri Instagram-færslu Britney Spears. MYND/SKJÁSKOT
KVIKMYNDIR
Three Thousand Years
of Longing
Leikstjóri: George Miller
Leikarar: Tilda Swinton, Idris Elba
Oddur Ævar Gunnarsson
Three Thousand Years of Longing
byggir á smásögunni Djinn in the
Nightingale's Eye eftir A.S. Byatt
sem kom út árið 1994 og er fersk
og ánægjuleg tilbreyting frá ofur-
hetjumyndasíbyljunni sem hvergi
sér fyrir endann á.
Söguþráðurinn sver sig nokkuð í
ætt við söguna um Aladdín, andann
og óskirnar þrjár í Þúsund og einni
nótt. Hér er þó hins vegar enginn
Aladdín í forgrunni, heldur hin
mjög svo venjulega Alithea Binnie
sem Tilda Swinton leikur. Hún
er bókmenntafræðingur sem fer
skyndilega að sjá ofsjónir í vinnu-
ferð til Istanbúl. Þar hnýtur hún
síðan um dularfulla og, að því er
virðist, ómerkilega f lösku þangað
til upp úr henni kemur andi sem
Idris Elba leikur. Samkvæmt hefð-
inni býður andinn Alitheu þrjár
óskir en þó þannig að í raun hljóma
hér skemmtileg tilbrigði við kunn-
ugleg stef þar sem myndin kannar
dýpri merkingu þess að eiga þess
kost að fá óskir uppfylltar.
Þá er sömuleiðis kafað það
skemmtilega ofan í forsögu bæði
Alitheu og andans að ég átti auð-
velt með að gleyma mér í undarlegri
en áhugaverðri forsögu andans þar
sem við sögu koma ekki ómerkari
persónur en sjálfur Salómon kon-
ungur.
Tilda Swinton og Idris Elba
standa sig með prýði og virðast
raunar bæði hafa feykilega gaman
af því að leika í myndinni. Sjálfsagt
vegur þáttur leikstjórans og hand-
ritshöfundarins, George Miller, þar
þungt en hann er þekktur fyrir að
koma ekki að kvikmyndaverkefn-
um nema þau hafi fangað hug hans
og hjarta. Þannig kom síðasta mynd
hans, Mad Max: Fury Road, út fyrir
sjö árum síðan.
Allt gengur þetta líka þannig
upp hjá Miller og hans fólki að mér
leiddist aldrei yfir myndinni sem er
um það bil eitt besta hrós sem hægt
er að gefa kvikmynd. Endirinn er þó
frekar snubbóttur og skyndilegur
þannig að áhorfandinn er skilinn
eftir með þá tilfinningu að eitthvað
hafi legið á að binda endahnútinn á
söguna. n
NIÐURSTAÐA: George Miller
er í essinu sínu í skemmtilegri
mynd sem er þó full endaslepp
sem breytir engu um það að hún
er engu að síður frekar fersk til-
breyting frá ofurhetjumyndunum
sem venjulega eru fyrirferðar-
mestar í bíó.
Frekar ferskar langanir í þrjú þúsund ár
Idris Elba og Tilda Swinton njóta sín undir stjórn Mad Max-hugmyndafræð-
ingsins George Miller.
NETFLIX
Cobra Kai
5. sería
Aðalhlutverk: Ralph Macchio,
William Zabka, Thomas Ian
Griffith
Þórarinn Þórarinsson
Ekki kemur á óvart að Cobra Kai
trónir á toppi lista Netf lix yfir
það efni sem mest er sótt í straum
veitunnar þessa dagana. Geggjað
karate-dramað er einfaldlega með
því allra besta sem er í boði þessi
misserin. Fyrir einhverja undarlega
galdra hefur gengið fullkomlega upp
að flétta miðaldrakrísu fornfrægra
karatekarla saman við unglinga-
drama sem toppar Beverly Hills
90210 án þess að blása úr nös eða
sýna nokkra miskunn.
Cobra Kai fór feykilvel af stað í
fyrstu seríu þegar höfuðandstæð-
ingarnir úr 80’s smellinum Karate
Kid, Daniel LaRusso og Johnny
Lawrence, taka aftur til við að elda
grátt silfur og draga unglingana sína
og vini þeirra
í stríðið milli
karatek lúbb -
anna Cobra Kai
og Miyagi-Do.
Þ æ t t i r n i r
hafa haldið
dampi síðan
með kostu-
legu gríni að
eitraðri og
úreltri karl-
m e n n s k u
níunda ára-
t u g a r i n s ,
þvottekta 80’s nostalgíu,
tilfinningadrama, spennu og karate.
Úthaldið er slíkt að líklega er þessi 5.
sería sú besta hingað til og hámhorf
er með öllu óhjákvæmilegt.
Meginstyrkur þáttanna liggur í
því að maður tengir einhvern veginn
við allar helstu persónur; miðaldra
og ungar, vondar og góðar. Illmenn-
in ríða þó baggamuninn í þessari
umferð með þann snarsikkópatíska
Terry Silver í slíkum ham að líf og
limir okkar fólks eru í raunverulegri
hættu. Maður er grínlaust á taugum
á endasprettinum og getur ekki
beðið eftir að fá að sjá og vita meira
um afdrif góðra sem slæmra.
NIÐURSTAÐA: Cobra Kai er ótrú-
lega vel heppnaður bragðarefur
úr Karate Kid-nostalgíu níunda
áratugarins og hittir ekki síst í
mark hjá áhorfendum sem eru að
komast á sextugsaldurinn.
Miskunnarlaust
góður bragðarefur
26 Lífið 15. september 2022 FIMMTUDAGURFRÉTTABLAÐIÐLÍFIÐ FRÉTTABLAÐIÐ 15. september 2022 FIMMTUDAGUR