Bændablaðið - 25.08.2022, Blaðsíða 14

14 Bændablaðið | Fimmtudagur 25. ágúst 2022
FRÉTTIR
Stórsýningin Ís lenskur
landbúnaður 2022 verður haldin
í Laugardalshöllinni dagana
14.–16. október nk. Að sögn
framkvæmdastjóra sýningarinnar
er markmiðið að kynna íslenskan
landbúnað og leiða saman
fyrirtæki og einstaklinga sem
starfa í atvinnugreininni.
Ólafur M. Jóhannesson hjá
sýningarfyrirtækinu Ritsýn sf. er
framkvæmdastjóri sýningarinnar.
„Sýningin er nánast uppseld og
það er greinilegt að það er mikill
þróttur í íslenskum landbúnaði.
Fjölbreytni landbúnaðarins er afar
mikil og gróska og nýsköpun.
Sýningin mun endurspegla þessa
miklu grósku og þá má ekki gleyma
því að á óróa- og stríðstímum verður
landbúnaður á heimagrund stöðugt
mikilvægara öryggistæki. Við
erum líka í mjög góðri samvinnu
við Bændasamtök Íslands sem
munu bjóða félagsmönnum sínum
á sýninguna. Einnig bjóðum við
sýningarfyrirtækjunum eins marga
boðsmiða og hentar sem er mjög
vinsælt og dregur viðskiptavini að
sýningunni.“
Ólafur segir að á sýningunni
verði íslenskar landbúnaðarafurðir
kynntar auk þeirrar tækni sem nú er
til staðar í íslenskum búskap.
„Það er engin spurning að
landbúnaðarsýningin mun lyfta
íslenskum landbúnaði og ljóst að
stefnir í sannkallaða stórsýningu í
haust. Seinasta sýning var haldin
2018 og sló hún öll aðsóknarmet
í Laugardalshöllinni. Þá komu
margir bændur að máli við mig
og þökkuðu fyrir sig. Þetta var
einstaklega eftirminnilegt og man
ég sérstaklega eftir einum gildum
bónda að norðan sem sagði að
gott væri að fá að sýna hvað býr í
íslenskum landbúnaði því nóg væri
um úrtölumenn. Slík ummæli eru
sannarlega gleðiefni og við göngum
bjartsýn til stórsýningarinnar,“ segir
Ólafur. Örfá sýningarpláss eru
eftir og geta þeir sem hafa áhuga
á að skoða mögulega kynningu á
fyrirtæki sínu haft samband við Ólaf
framkvæmdastjóra í síma 698-8150
eða gegnum netfangið olafur@
ritsyn.is eða Ingu markaðsstjóra í s.
898-8022 en hún er með netfangið
inga@ritform.is.
Blaðauki með Bændablaðinu
Í tilefni stórsýningarinnar mun
Bændablaðið gefa út blaðauka
með útgáfu blaðsins 6. október nk.
sem þjóna mun sem sýningarskrá
Íslensks landbúnaðar.
Fyrirtækjum sem eru með bása
á sýningunni býðst að vera með
kynningu í blaðaukanum þar sem
þau geta komið þjónustu sinni og
vörum á framfæri. Sýnendum er
bent á að hafa samband við Þórdísi
Unu Gunnarsdóttur auglýsingastjóra
gegnum netfangið thordis@bondi.is
vegna kynninganna.
Landbúnaðarsýning í október:
Sýningarsvæðið nánast uppbókað
Sindri Sigurgeirsson, fv. formaður Bændasamtaka Íslands, og Kristján
Þór Júlíusson, fyrrum ráðherra landbúnaðamála, tókust á í mjöltum á
landbúnaðarsýningunni árið 2018. Myndir / Aðsendar
Ólafur M. Jóhannesson er
framkvæmdastjóri sýningarinnar.
Sveitarfélagið Bláskógabyggð
hefur gert samning við Matar­
tímann, sem er í eigu Sölufélags
garðyrkjumanna, um mat fyrir
mötuneytið í Aratungu.
Erfiðlega hefur gengið að
ráða matráð í Aratungu að sögn
Ástu Stefánsdóttur, sveitarstjóra
Bláskógarbyggðar.
„Tækifæri fólust í því að nýta
ferðir grænmetisbílsins, sem
kemur alla morgna í Reykholt að
sækja afurðir til garðyrkjubænda,
og fá máltíðir sendar frá
Reykjavík.“
Um 200 manns
borða í mötuneytinu
í Aratungu þegar
mest er, börn í
leik- og grunnskóla
í Reykhol t i ,
starfsmenn og eldri
borgarar.
Auk þess er
nokkuð um að
eldri borgarar fái
mat sendan heim.
Um er að ræða
bæði tilbúna rétti,
sem starfsfólk
sveitarfélagsins
sér um að hita
og einnig hráefni
tilbúið til eldunar á
staðnum.
/MHH
Fá 200 matarskammta
daglega frá Reykjavík
Ásta Stefánsdóttir.
Framkvæmdir hefjast í haust
við byggingu á nýju 30 rúma
hjúkrunarheimilis á Höfn í
Hornafirði og á þeim að vera lokið
árið 2024.
Um er að ræða viðbyggingu við
eldra heimili, Skjólgarð, en þar eru
nú 27 hjúkrunarrými, flest í tvíbýli.
Framkvæmdin er annars vegar
nýbygging upp á 1.400 fm að stærð
og hins vegar breytingar á núverandi
byggingu sem er 880 fm að stærð.
Nýja hjúkrunarheimilið verður
byggt á lóð Heilbrigðisstofnunar
Suðurlands við Víkurbraut.
Heilbrigðisráðuneytið og Sveitar-
félagið Hornafjörður munu standa
saman að byggingu hússins og
breytingum sem gerðar verða á
hluta eldra húsnæðis í tengslum við
framkvæmdina. Áætlaður kostnaður
við verkið eru tæplega 2,5 milljarðar
króna. Verkefnið verður fjármagnað
þannig að ríkissjóður greiðir 75,3%
heildarkostnaðar en Sveitarfélagið
Hornafjörður 24,7%.
Glaður bæjarstjóri
„Við erum í skýjunum. Að sjá til
lands í svona mikilvægu baráttumáli
er mikið gleðiefni en líka mikill
léttir. Okkur svíður að vita til
þess að gamla fólkið okkar skuli
búa við aðstæður, sem eru engan
vegin ásættanlegar og að hægvirkni
og flækjustig stjórnsýslunnar
skuli koma niður á þeim. En nú
gleðjumst við og vonumst til að
geta tekið fyrstu skóflustunguna
fljótlega,“ segir Sigurjón Andrésson,
bæjarstjóri í Hornafirði. /MHH
Nýtt hjúkrunarheimili á Höfn
Hönnunarsamkeppni var haldin vegna byggingar nýja hjúkrunarheimilisins
en vinningstillagan kom frá BASALT arkitektum og EFLU verkfræðistofu.
Auglýsti eftir upplýsingum um huldufólk í Bændablaðinu:
Norskur meistaranemi
rannsakar íslenska þjóðtrú
Oline Trondsdotter Jahren,
meistaranemi í félagsmannfræði við
Háskólann í Þrándheimi, auglýsti
í síðasta tölublaði Bændablaðsins
eftir því að komast í tengsl við
fólk sem hefur reynslu af álfum og
huldufólki og gæti vísað á þekkta
álagabletti.
Oline hefur alltaf haft mikinn
áhuga á Íslandi og hefur oft gert sér
ferð hingað. Þegar kom að því að
gera lokaritgerð þá var Oline búin að
ákveða að verkefnið ætti að vera gert á
Íslandi. Afi hennar, Birgir Þórhallsson,
var íslenskur þannig að hún er með
fjölskyldutengsl við landið. Sjálf er
Oline uppalin í Sande í vestanverðum
Óslóarfirðinum.
Áhugavert viðfangsefni
Það voru nokkur rannsóknarverkefni
sem komu til greina, til að mynda
að kanna áhrif ferðaþjónustunnar á
samfélagið. Vinur Oline kom hins
vegar með þá uppástungu að rannsaka
íslenska álfatrú.
„Fyrst hélt ég að þetta væri
brandari hjá honum, en hann sagði
að þetta væri raunverulega áhugavert
viðfangsefni. Eftir að hafa leitað mér
að upplýsingum á netinu þá sá ég að
þetta væri eitthvað sem ég gæti unnið
með og áhugavert í ljósi tengingar
minnar við Ísland,“ en hún hefur verið
við gagnaöflun á Íslandi frá því í vor.
Fékk jákvæð viðbrögð
Þegar kom að því að finna sér
viðmælendur þá mæltu kunningjar
hennar á Íslandi með því að hún
setti auglýsingu í Bændablaðið. „Þar
sem að blaðið kemur ekki út nema
á tveggja vikna fresti þá fannst mér
líklegt að fólk gæfi sér góðan tíma
til að lesa auglýsingarnar. Einnig
skilst mér að líklegra sé að finna fólk
sem hefur reynslu af huldufólki úti á
landsbyggðinni.“
Oline hefur þegar fengið nokkurt
magn upplýsinga og hefur hún farið
í hringferð um landið til að hitta
viðmælendur. Eftir að hún setti
auglýsinguna í blaðið hafði bóndi á
Norðurlandi samband og bauðst til
að hýsa hana í nokkra daga.
„Hann keyrði svo með mig um
sveitina þar sem við skoðuðum staði
tengda huldufólki. Svo hittum við
fólk sem hann vissi að hefði sögu að
segja,“ segir Oline.
Oline snýr til Noregs í lok
september og ætlar hún að nýta
veturinn til þess að vinna úr þeim
gögnum sem hún hefur safnað á
Íslandi í sumar.
„Mér hefur tekist að safna
miklu efni í rannsóknina, en ég
vil gjarnan fá að heyra í fleirum.
Rannsóknarspurningin hjá mér er
ekki alveg fullmótuð, þannig að ég
er opin fyrir flestum nálgunum á þetta
viðfangsefni.“
Hægt er að ná í hana í síma +47
414 65 564 eða í gegnum netfangið
olinetj@stud.ntnu.no. /ÁL
Lesendur Bændablaðsins brugðust vel við auglýsingu Oline, en viðbrögðin
voru mest á landsbyggðinni. Mynd / Aðsend
Oline Trondsdotter Jahren hefur
rannsakað íslenska þjóðtrú í sumar.
Mynd / ÁL
Slökkvirörið frá Scotty FireFighter
inniheldur 15 cm langt kvoðuhylki í
föstu formi.
Einfalt í notkun; tengist við
garðslöngur og stærri slöngur.
Lausnin er umhverfisvæn.
Við stöðugt rennsli á 4,5 börum
dugar hleðslan í 60 mín.
Hentar mjög vel við 2,5 til 5,9 bör.
Fyrir bændur, sumarhús, slökkvilið og
hvern þann sem þarf að hafa góðan
búnað við hendina.
Skutull ehf.
S. 773-3131 & 842-1314
Skutull ehf.
S. 517-9991 & 842-1314
Tinger Armor
Eigum til á lager þessi frábæru
farartæki, se henta nánast
við allar aðstæður.t.d
Landbúnað-björg n r veit r-
slökkvilið-línuviðgerðir á
hálendinu-verktakar ofl.
Góð burðargeta-skráður fyrir
6 á landi en 4 á vatni.
Mjög hagstæð verð.