Bændablaðið - 25.08.2022, Blaðsíða 27

27Bændablaðið | Fimmtudagur 25. ágúst 2022
sem hann lærði í búvísindunum á
sínum tíma, eins og anatómíu og
grasafræði. „Þegar ég var að vinna
að sýningunni Ár og kýr á sínum
tíma þá var maður náttúrlega að
horfa á hvernig kýrnar pósuðu.
Svo borgaði Landsvirkjun
mér fyrir verkin og ég keypti
mér dýrindis haugsugu fyrir
peninginn,“ segir Jón og því hefur
listin líka haft áhrif á búskapinn.
Hundar í öllum gervum
Jón vinnur oft að hinum og þessum
seríum og þemum sem spanna mörg
ár og fjöldann allan af myndum.
Ein hugmynd sem hann hefur
unnið hvað mest að eru hundar af
öllu mögulegu tagi. „Það kom til
þannig að einn félagi minn þjáðist
af þunglyndi og burtkallaðist út af
því. Mér var svo mikið um að ég
fór að mála litla svarta hunda sem
tákn fyrir þunglyndi.
Ég hef haldið áfram með þetta
í áraraðir og þegar gleðin tók völd
fór ég að mála bjartari hunda,“
segir Jón, en hann á nú um 250
myndir af hundum.
Hann málar bara andlit hundsins
og heldur sig alltaf við striga af
sömu stærð. Að öðru leyti eru
hundarnir ólíkir og bera allir sín
skýru einkenni, s.s. manna á borð
við Salvador Dalí, Donald Trump
og fleiri. Einnig málar hann hunda
sem eru innblásnir af pönki,
eldgosum, njósnum og fleiru sem
kemur Jóni til hugar hverju sinni.
Hárið kemur að góðum notum
„Alltaf reiknaði ég með að það
kæmi rússnesk prinsessa og byði
mér í kastalann sinn til þess að sýna
hundamyndirnar. Mér heyrist þó á
fréttunum að það sé orðið ólíklegt.
Það kom þó einu sinni indverskt
par, alveg rosalega ríkt.
Konan er að skoða á meðan ég sit
við að mála og mig vantaði eitthvað
smá hól þannig ég spyr hana:
„Hvernig finnst þér myndirnar?“
Þá segir hún: „Your paintings
are okay, but your hair is very,
very beautiful,“ og þá fattaði ég
náttúrlega að þetta gæti hafa verið
prinsessa,“ segir Jón.
Varðandi þetta mikla hár segist
hann ekki hafa klippt það frá
aldamótum, nema einn og einn lokk
til þess að binda aftur hlið.
Bjart fram undan hjá bændum
Jón segir að bjartir dagar séu fram
undan í landbúnaði, þó svo að
alltaf séu áskoranir sem þurfi að
glíma við. „Maður finnur það að
í heiminum er meiri jákvæðni og
skilningur í garð landbúnaðar og
bænda. Skíturinn mokar sig ekki
sjálfur þó maður djassi með pensli
á kvöldin.“
Jón segist hafa gert þau mistök að velja sér ekki listamannsnafn í upphafi ferilsins. Helst hefði nafnið Búrval komið til greina.
Síðjúgra kýr sem gerð var í tengslum við seríuna Ár og kýr.
Jón hefur ástríðu fyrir því að vinna og nýtur hann þess að vera í návígi við
náttúruna.
MHG VERSLUN | Víkurhvarf 8 | 203 Kópavogur | Sími 544 4656 | www.mhg.is
BOMAG JARÐVEGSÞJÖPPUR
- þýsk gæði
Bomag BPR 100/80
Jarðvegsþjappa - 695 kg
NÝIR
UMBOÐSAÐILAR
Á ÍSLANDI
Eigum allar þjöppur til á lager
Bomag BR 95
Jarðvegsþjappa - 92 kg
Bomag BT 60 e
Jarðvegsþjappa - 71 kg
Bomag BT 65
Jarðvegsþjappa - 68 kg
Bomag BVP 10/30
Jarðvegsþjappa - 46 kg
Bomag BP 10/35
Jarðvegsþjappa - 65 kg
Bomag BVP 18/45
Jarðvegsþjappa - 91 kg
Bomag BPR 25/50
Jarðvegsþjappa - 140 kg
Bomag BPR 35/60 H
Jarðvegsþjappa - 228 kg
Bomag BPR 45/45
Jarðvegsþjappa - 340 kg
Bomag BPR 60/65 D/E
Jarðvegsþjappa - 460 kg