Bændablaðið - 25.08.2022, Blaðsíða 40

40
Áhrifamáttur íslenskra lækninga-
jurta hefur verið landsmönnum
kunnur yfir aldir og grasalæknar
átt sinn sess í sögu okkar
landsmanna.
Landið okkar er ríkt af ýmiss
konar jurtum sem auðvelt er fyrir
leikmenn að finna og tína en
samkvæmt Önnu Rósu Róbertsdóttur
grasalækni er urmull nýtanlegra
tegunda hérlendis.
Áhugi hennar sjálfrar á grasa-
lækningum kviknaði óvænt
á unglingsárunum eftir lestur
blaðagreinar um efnið og hélt
Anna Rósa því til náms við skólann
College of Phytotherapy í Englandi
árið 1988. Hún útskrifaðist 1992
og gerðist í framhaldinu meðlimur
í National Institute of Medical
Herbalists in UK, einu elsta félagi
grasalækna á heimsvísu, stofnað
árið 1894.
Atorkumikil og fylgin sér
Gegnum tíðina hefur Anna Rósa
unnið og þróað smyrsl sín, boðið
upp á ráðgjöf og sérblandað tinktúrur
og te fyrir sjúklinga sína. Nú, eftir
um þriggja áratuga skeið, hefur hún
þó tekið þá ákvörðun að taka hlé
á þeirri þjónustu, en hægt
er að finna flestar
upplýsingar og ráð
á blogginu hennar.
F r a m l e i ð s l a n
hefur þó síður
en svo stöðvast,
en nýverið
opnaði Anna
Rósa verslun í
samstarfi við son
sinn, Álfgeir, sem
sér í raun alfarið
um reksturinn.
Verslunin, sem
einungis er opin
tvo daga í viku,
er afar vinsæl,
en þar kennir
ýmissa grasa … ef svo
má að orði komast!
Blaðamaður leit
við og heimsótti þessa
lífsglöðu og orkumiklu
konu sem hefur það
að kjörorði í lífinu að
hamingjan skuli vera í
fyrirrúmi. Anna Rósa er
einnig afar atorkumikil og
jafnframt því að reka nú
verslun, sinna jurtatínslu,
þurrka og vinna afurðina
og framleiða smyrsl, te og tinktúrur,
hefur hún gefið út bækur, staðið fyrir
bloggi og unnið sína eigin vefsíðu
og vefnámskeið svo eitthvað sé
nefnt. Einnig er hún afar gefin fyrir
lestur bóka og les a.m.k. þrjár bækur
vikulega á Kindle sem hún lofar
í hástert.
Lærir af litríkri flóru
viðskiptavina sinna
„Jú, við Álfgeir komumst að því
að þetta er bara ótrúlega gaman
– að reka verslun,“ segir Anna
Rósa hlæjandi, „það er öll flóra
mannlífsins sem lítur hérna inn og
hentar meðal annars þeim sem ekki
eru vanir að versla mikið á netinu.
Fólk spjallar og segir mér sögur af
því hvaða smyrsl þau nota og hvernig
samvirkni þeirra er og ég læri
ýmislegt af þeim líkt
og þau af mér. Það er
áhugavert og gaman að
heyra af því frá fleirum
en einum, að einhver
tvö eða þrjú krem virki
best saman. Til dæmis
er samsetning hjá mér,
ætluð þeim er glíma við
rósroða komin til vegna
þess hve viðskiptavinir
mínir hafa ítrekað
bent mér á góða
samvirkni.
Rós roðann
er semsé hægt
að minnka
með notkun 24
stunda krems,
græðikrems og
lúxusprufu af
bóluhre ins i !
Þetta hefði ég
ekki endilega
látið mér detta
í hug – en naut
þarna góðs
af spjalli við
viðskiptavini.
Enda er ég
alltaf til í að hlusta,“ segir Anna
Rósa og brosir.
Með sjálfbærni og sjálfstæði
í fyrirrúmi
„Ég er annars afar sjálfstæð í þessu
öllu saman, heldur hún áfram, tíni
jurtirnar og vinn sjálf. Hér fyrir
innan búðina er þurrkgrind sem ég
og maðurinn minn smíðuðum eitt
sinn, svo og pottarnir mínir sem ég
nýti við gerð smyrsla og tinktúruvél.
Ég hef kosið að gera þetta sjálf, hér, í
stað þess að versla mér þjónustu því
ég vil vera viss um að framleiðslan
sem ég set nafn mitt við sé sem
hreinust.
Vélar og tæki annars staðar
frá eru t.d. stundum þvegin með
kemískri sápu sem ég vil ekki að
mín framleiðsla komist í snertingu
við þó í örlitlu magni sé. Með því
að sjá um þetta sjálf, gera þetta í
höndunum, get ég stjórnað slíku.
Ferlið hjá mér er gagnsætt, fólk kann
að meta það og veit að það getur
treyst vörunum sem koma frá mér.
Þannig héðan af Langholtsveginum
er öll framleiðslan unnin nema
sveppateið. Það kemur frá vinafólki
mínu í Bandaríkjunum sem er með
lífrænt vottaðan búgarð og hefur
verið afar vinsælt. Lion‘s Mane t.d.
hefur verið að gera góða hluti enda
upplagt til að viðhalda heilbrigðu
taugakerfi.“
Anna Rósa er afar meðvituð
um umhverfisáhrif iðnaðar og
framleiðslu en vert er að geta þess
að allar krukkur og flöskur sem
geyma framleiðsluna eru úr hágæða
gleri sem veitir meðal annars
vernd gegn skaðlegum áhrifum
ljóss og eykur geymsluþol. Þessar
flöskur eru 100% endurvinnanlegar
og framleiddar í Evrópu – sem
þýðir minna kolefnisspor og ein
af ástæðum þess að Anna Rósa
valdi þær umfram aðrar umbúðir.
Kassar utan um varninginn eru úr
FSC (Forest Stewardship Council),
vottuðum pappír frá sjálfbærum
skógum og eru að sjálfsögðu 100%
endurvinnanlegir.
Bókaútgáfa í kjölfar
upplýsingavinnslu
„Í raun, vegna þess að mig langaði
að hafa yfirlit yfir þetta allt saman,“
segir Anna Rósa, „viðaði ég að mér
upplýsingum og skrifaði niður allt er
viðkemur íslenskum jurtum – gaf svo
út bók sem nú er reyndar uppseld á
íslensku – en hún ber heitið Íslenskar
lækningajurtir.
Hana er enn að finna í einhverju
magni á ensku reyndar. Í þessari
yfirgripsmiklu bók minni er m.a.
gerð grein fyrir lækningamætti
íslenskra jurta, sögu þeirra og notkun
auk umfangsmikillar samantektar
á vísindalegum rannsóknum sem
LÍF&STARF
Bændablaðið | Fimmtudagur 25. ágúst 2022
Anna Rósa grasalæknir tekin tali:
Ég lifi samkvæmt því
sem mér finnst
Sigrún Pétursdóttir
sigrunpeturs@bondi.is
Partners in crime. Mæðginin og samstarfsfólkið Álfgeir og Anna Rósa.
Geitfjársetrið á Háafelli fagnaði
áratuga löngu starfsafmæli í
byrjun ágúst.
Af því tilefni opnaði fjölskyldan á
Háafelli búið fyrir gesti og bauð upp
á geitaskoðun og kruðerí. Afurðir
geita voru til smakks og prófunar og
Anna María Flygenring, formaður
Geitfjárræktarfélags Íslands, færði
fjölskyldunni tvö kirsuberjatré.
Í máli sínu sagði Anna María að
Geitfjárræktarfélagið hafi notið
góðs af ötulu starfi Jóhönnu B.
Þorvaldsdóttur við að fjölga íslenska
geitastofninum og kynna hann fyrir
landsmönnum og erlendum gestum.
„Það var og er ekki auðvelt
verkefni að koma á fót starfsemi sem
byggist á geitfjárrækt, tegund búfjár
sem fáir þekktu til, sem varð fyrir
allmiklum fordómum og að auki
í útrýmingarhættu með u.þ.b. 800
einstaklinga á öllu landinu fyrir 10
árum. Hvílík bjartsýni, frumkvæði,
hugkvæmni og hugrekki,“ sagði
Anna María meðal annars. /ghp
Geitfjársetur í tíu ár
Þegar Jóhanna B. Þorvaldsdóttir og fjölskylda stofnaði Geitfjársetrið var
búfjártegundin í útrýmingarhættu. Mynd / Aðsend
Ungir íslenskir knapar stóðu
uppi sem sigurvegarar á
Norðurlandamóti í hestaíþróttum
sem fór fram á Álandseyjum um
miðjan ágúst.
Matthías Sigurðsson sigraði þar
tölt ungmenna á gæðingnum Roða
frá Garði en þeir nældu sé enn
fremur í silfurverðlaun í fjórgangi.
Hann bætti svo enn einni fjöður í
hattinn þegar hann varð í 3. sæti í
unglingaflokki gæðinga á Caruzo
frá Torfunesi.
Eysteinn Tjörvi Kristinsson
sigraði ungmennaflokk gæðinga
nokkuð örugglega á keppnishesti
sínum, Lauk frá Varmalæk, sem
hann flutti með sér til Álandseyja
til þátttöku á mótinu.
Í flokki fullorðinna sigraði Leikur
frá Lækjarmóti úrslit A-flokks
gæðinga undir stjórn Helgu Unu
Björnsdóttur. Helga hafði tekið
við hestinum í úrslitum fyrir James
Faulkner sem hafði komið tveimur
gæðingum inn í úrslit, en hann reið
sjálfur Eldjárni frá Skipaskaga sem
endaði í 7. sæti.
Lið Svíþjóðar vann liðabikar
mótsins sem stigahæsta þjóðin
sem hlutu flest verðlaun mótsins.
Danir voru einnig sigursælir í
hringvallargreinum, unnu tölt,
fjórgang ásamt því að eiga
sigurvegara í öllum flokkum
slaktaumatölts. /ghp
Ungstirni á Norðurlandamóti
Matthías Sigurðsson og Roði frá
Garði unnu til tvennra verðlauna.
Eysteinn Tjörvi Kristinsson og Laukur frá Varmalæk. Myndir/ Laura Sundholm