Bændablaðið - 25.08.2022, Blaðsíða 57

57 Bændablaðið | Fimmtudagur 25. ágúst 2022
Hér kynnumst við systrunum og
borgarbúunum þeim Evu og Eik, sem
gerðust mjaltakonur hjá Margréti
Drífu og Ágústi á Læk í Flóahreppi
nú í sumar. Þær voru liðtækar í
verkin og drukku spenvolga mjólk
af góðri lyst eftir vel unnin störf.
Nafn: Eik Arnarsdóttir
Aldur: 7 ára
Stjörnumerki: Naut
Búseta: Norðlingaholt
Skóli: Norðlingaskóli
Skemmtilegast að gera: Fótbolti,
lesa, föndra, lita, skrifa, hjóla og leika
við vinkonur mínar.
Uppáhaldsdýr: Hvolpar og
kettlingar
Uppáhaldsmatur: Pitsa, pylsa og
grjónagrautur.
Uppáhaldslag: Hlustið, kæru vinir
(úr Emil í Kattholti)
Uppáhalds bíómynd/sjónvarpsefni:
Víti í Vestmannaeyjum
Æfir þú íþróttir eða spilar á hljóðfæri:
Ég æfi fótbolta með Fylki.
Hvað ætlar þú að verða þegar þú
verður stór: Atvinnukona í fótbolta.
Mest spennandi sem þú hefur gert:
Þegar ég labbaði að eldgosinu.
Minnisstæðast frá liðnu sumri:
Þegar ég var að keppa á Símamótinu
og var að flytja í nýtt hús.
Nafn: Eva Arnarsdóttir
Aldur: 9 að verða 10 ára
Stjörnumerki: Bogamaður
Búseta: Norðlingaholt
Skóli: Norðlingaskóli
Skemmtilegast að gera: Að vera í
fótbolta, lesa og leika með vinkonum.
Uppáhaldsdýr: Hundur
Uppáhaldsmatur: Hamborgari,
grjónagrautur og pitsa.
Uppáhaldslag: Unstoppable með
Sia og Stjörnurnar með Herra
Hnetusmjör.
Uppáhaldsbíómynd/sjónvarpsefni:
Ísskápastríð og Stóra sviðið
Æfir þú íþróttir eða spilar á hljóðfæri:
Ég æfi fótbolta hjá Fylki.
Hvað ætlar þú að verða þegar þú
verður stór: Mig langar að verða
innanhússarkitekt, atvinnukona í
fótbolta og leikkona.
Mest spennandi sem þú hefur gert:
Fara til útlanda og labba að eldgosinu.
Minnisstæðast frá liðnu sumri:
Símamótið og þegar við fluttum í
nýtt hús.
Efni:
450-500-500-500-550 gr Þingborgarlopi í aðallit
50 gr af þremur litum í mynstur
20 gr af einum lit í mynstur
Í Ullarversluninni Þingborg fást pakkar með lituðu
tvíbandi, 5 hespur 25 g hver. Eins fást pakkar með
lituðum lopa, 4 dokkur 25 g hver. Þessir pakkar eru
tilvaldir í mynstrið á peysunni. Eins gefur mynstrið
á peysunni þann möguleika að leika sér enn meira
með liti, hafa fleiri en gefið er upp eða jafnvel færri.
Notið hugmyndaflugið og setjið saman liti að smekk
hvers og eins.
Sokkaprjónar nr 3,5 og 5
hringprjónar nr 3,5, 40 og 80 cm langir
hringprjónar nr 5, 40, 60 og 80 cm langir heklunál
Munið að lesa alla uppskriftina áður en
byrjað er. Prjónafesta:
14 l og 21 umf í sléttu prjóni = 10 x 10 cm Prjónað
er úr plötulopanum tvöföldum. Bolur og ermar eru
prjónuð í hring.
Bolur opin peysa:
Fitjið upp 123-133-148-163-173 l á 80 sm hringprjón
nr 3.5, með aðallit, prj. fram og tilbaka byrjað á að
prjóna brugðið á röngu og slétt á réttu, 3 umf,
skipta yfir í mynsturlit 4, prjóna stroff (sjá mynstur á
stroffi), fyrsta umf er á réttunni og byrjað á þremur
sléttum lykkjum og umf endar á sama hátt. Í byrjun
og enda á stroffi eru 3 sl l, ein l hvoru megin fer
undir hneppulista. Að loknu stroffi er skipt yfir á
80 sm hringprjón nr. 5, tengt saman í hring, aukið
út í fyrstu umferð um 0-0-1-0-6 l. Fitjaðar eru upp
2 aukalykkjur í upphafi umf sem eru prj brugðnar
upp að stroffi í hálsmáli. Prjónað sl uns bolur mælist
44-48 sm. (Mælið viðkomandi og metið bolsídd.)
Á dömupeysu er fallegt að gera ,,mitti“ á peysuna
með því að taka úr á bol. Setjið merki í hliðar, takið úr
2 l hvoru megin, *prj 2 l saman, prj 1 l prj 2 l saman*.
Fyrst er tekið úr er bolur mælist 8-12 sm og síðan
2x aftur með 5 sm á milli. Alls eru teknar úr 12 l.
Prj 5 sm, þá er aukið út aftur samsvarandi og með
sama millibili og tekið var úr og endað með sama
lykkjufjölda. Mælið ykkur og metið hvað þið viljið
hafa bolinn síðan og hvar þið viljið að úrtaka byrji.
Bolur heil peysa:
Fitjið upp 125-135-145-160-175 l á 80 sm hringprjón
nr 3,5, með aðallit, prj. í hring 3 sléttar umf, skipta
yfir í mynsturlit 4, prjóna stroff (sjá mynstur á stroffi).
Að loknu stroffi er skipt yfir á 80 sm hringprjón nr. 5,
aukið út um 3-3-1-0-1 l í fyrstu umferð eftir stroff.
Prjónað sl uns bolur mælist 44- 48 sm. (Mælið
viðkomandi og metið bolsídd.) Gera mittissnið ef
vill, sjá hér að ofan.
Ermar:
Fitjið upp 30-35-35-40-40 l á sokkap. nr. 3.5, með aðallit
eins og neðan á bol og síðan með mynsturlit 4, prjónið
í hring. Skiptið yfir á sokkap. nr. 5 þegar stroffi er lokið
og aukið út um 6-6-6-6-6 l jafnt yfir umf. Prjónið 6 umf,
aukið út um 2 l, (1 l eftir fyrstu lykkju og 1 l fyrir síðustu
l í umf). Endurtakið aukningu 7-8-8-8-8 x upp ermi,
með u.þ.b. 7-8 umf á milli þar til 52-59-59-64-64 l eru á
prjóninum. Skiptið yfir á stutta hringprjóninn nr. 5 á u.þ.b.
miðri ermi. Gott er að nota prjónamerki til að merkja
þar sem aukið er út. Prjónið uns ermi mælist 46-52 sm.
Mælið handlegg og finnið út rétta ermalengd. Byrjað
er að mæla 5 sm frá handarkrika og mælt fram á hendi.
Axlastykki heil peysa:
Sameinið nú bol og ermar á 80 sm hringprjóninn nr 5.
Setjið 5-5-5-5-5 síðustu l og 5-5-5-5-5 fyrstu l af ermum
á prjónanælu. Setjið fyrstu 10-10-10-10-10 l af bol á
prjónanælu, prj fyrri ermi 42-49-49-54-54 l, prj næstu
54-59-63-70-78 l af bol, gerið þá eins með seinni ermina
og þá fyrri, setjið svo næstu 10-10-10-10-10 l af bol á
prjónanælu og að síðustu 54-59-63-70-78 l af bol. Þá eru
192-216-224-248-264 l á prjóninum. Prj mynstur eftir
teikningu. Notið styttri hringprjóna eftir því sem lykkjum
fækkar. Þegar mynstri lýkur er tekið úr aukalega þar til
70-75-75-80-80 l eru eftir á prjóninum. Þá er skipt á 40
cm hringprjón nr 3.5 og prj mynstur á stroff frá umf 8 til
umf 1, prj 3 umf slétt með aðallit. Fellið laust af. Gangið
vel frá öllum endum og lykkið saman undir höndum.
Axlastykki opin peysa:
Sameinið nú bol og ermar á 80 sm hringprjóninn nr 5.
Setjið 5-5-5-5-5 síðustu l og 5-5-5-5-5 fyrstu l af ermum
á prjónanælu. Prj 26-28-32-36-39 l af bol að framan,
prjónið fyrri ermina við 42-49-49-54-54 l, setjið næstu
10-10-10-10-10 l af bol á prjónanælu. Prjónið næstu
54-57-65-71-81 l af bol og setjið næstu 10-10-10-10-10
l á prjónanælu. Prjónið seinni ermina við og gerið eins
og með hina og að síðustu 26-28-32-36-39 l af bol. Þá
eru 190-211-227-251-267 l á prjóninum. Prj mynstur
eftir teikningu. Notið styttri hringprjóna eftir því sem
lykkjum fækkar. Þegar mynstri lýkur er tekið úr aukalega
þar til 68-73-78-83-88 l eru eftir á prjóninum. Þá er skipt
á 40 cm hringprjón nr 3.5 og prj mynstur á stroff frá umf
8 til umf 1, byrjað á þremur sléttum lykkjum og endað
á sama hátt, prjónaðar 3 umf slétt á réttu og brugðið
á röngu. Fellið laust af. Gangið vel frá öllum endum og
lykkið saman undir höndum.
Listi:
Saumið í vél með beinu þéttu spori og samlitum
tvinna í brugðningu að framan sitt hvoru megin, sem
næst slétta prjóninu. Gott er að sauma tvisvar hvoru
megin. Klippið upp á milli saumanna. Snúið réttunni á
peysunni að ykkur og notið heklunálina til að taka upp
lykkjur í hneppulista þvert á prjónið. Krækið í bandið
með heklunálinni í gegnum lykkjurnar, en sleppið alltaf
fjórðu hverri umferð, það er ágætis þumalputtaregla, þá
er listinn passlega langur. Færið lykkjurnar jafnóðum yfir
á hringprjón nr 3.5 80 sm langan. Prjónið stroff 2-3 umf ef
það á að setja rennilás en 5-6 umf. ef setja á tölur og gerið
þá hnappagöt með jöfnu millibili á annan boðunginn.
Passið að affellingin sé mátulega strekkt. Til að fela sárið
innan á eftir saumaskapinn, er gott að hekla eina umf af
fastahekli yfir það og varpa það svo niður með einföldu
spori. Mælt er fyrir rennilás eftir þvott og er hann hafður
3-4 sm styttri en boðungurinn mælist. Þræðið hann á
og passið að mynstur standist á. Ef hann er saumaður á í
saumavél er gott að sauma hann í sömu átt beggja megin
og byrja þar sem mynstur byrjar og sauma að hálsmáli og
eins þegar saumað er niður. Með þessari aðferð gengur
betur að láta mynstur stemma en ef saumað væri sitt í
hvora áttina.
Þvottur:
Þvoið flíkina í volgu vatni með góðri ullarsápu eða
sjampói. Skolið vel og vindið svo í hálfa mínútu í þvottavél.
Mikilvægt er að vélin fari strax að vinda, (þær eru misjafnar
að þessu leyti) en sé ekki að veltast með flíkina fyrst, þá
getur hún þófnað. Leggið peysuna á handklæði til þerris.
Skammstafanir:
l = lykkja, umf = umferð
prj = prjónið/prjónað sl = slétt
Hönnun: Guðbjörg Björgvinsdóttir
Útfærsla uppskriftar: Anna Dóra og Margrét.
Ullarvikupeysa 2022
HANNYRÐAHORNIÐ
Galdurinn við Sudoku-þrautirnar er að setja réttar tölur, frá 1–9, í eyðurn ar. Sama talan má ekki koma
fyrir tvisvar í línu lárétt og lóð rétt og heldur ekki innan hvers reits sem afmarkaður er af sverari lín um.
SUDOKUÞRAUTIR Bændablaðsins
Þung Þyngst
Létt Miðlungs
Fjósakonurnar á Læk
FÓLKIÐ SEM ERFIR LANDIÐ

Uppskriftir sem mæla
með íslensku prjónabandi
og lopa.
Okkar frábæri Þingborgarlopi
er sérunninn og alíslenskur, í
sauðalitum og í honum er sérvalin
lambsull og hann kembdur á Íslandi
af Ístex fyrir Ullarverslunina
Þingborg.

Litaði lopinn okkar og bandið er allt
handlitað, umhyggja í hverjum
þræði. Lopinn fæst í Þingborg.
Einning er litaður lopi og band á heima-
síðunni okkar www.thingborg.is