Morgunblaðið - 26.08.2022, Blaðsíða 27

ÍÞRÓTTIR 27
MORGUNBLAÐIÐ FÖSTUDAGUR 26. ÁGÚST 2022
_ Atvinnukylfingurinn Guðmundur
Ágúst Kristjánsson lék í gær fyrsta
hringinn á Indoor Golf Group Chal-
lenge-mótinu á pari, en mótið er hluti
af áskorendamótaröð Evrópu. Leikið er
í Helsingborg í Svíþjóð. Guðmundur
fékk einn örn, þrjá fugla, tvo skolla og
einn þrefaldan skolla á holunum átján.
Hann hefði verið á meðal 20 efstu, ef
ekki hefði verið fyrir slæma fimmtu
holu en hún er par fjögur og lék Guð-
mundur hana á sjö höggum. Hann er
sem stendur í 82. sæti. Annar hring-
urinn verður leikinn í dag og kemur þá í
ljós hvort Guðmundur komist í gegn-
um niðurskurðinn.
_ ÍBV mætir ísraelska liðinu Holon í 1.
umferð Evrópubikarkeppni karla í
handknattleik. Báðir leikirnir fara fram
í Vestmannaeyjum helgina 10.-11. sept-
ember. Fyrri leikurinn fer fram laug-
ardaginn 10. september klukkan 18 og
sá síðari fer fram daginn eftir, einnig
klukkan 18. Samanlögð markatala gild-
ir til sigurs í einvíginu sem gefur sæti í
2. umferð keppninnar.
_ Aksturskappinn Daniel Ricciardo,
sem hefur ekið fyrir McLaren í Form-
úlu-1 frá því á síðasta ári, mun ekki aka
áfram fyrir liðið á næsta tímabili eftir
að forsvarsmenn þess og Ricciardo
komust að sameiginlegri niðurstöðu
um að rifta samningi hans ári áður en
hann átti að renna út. Alls hefur Ricci-
ardo unnið átta kappakstra í Formúl-
unni á ferli sínum. Þar á meðal vann
hann í kappakstrinum í Monza á Ítalíu
á síðasta tímabili, sem er jafnframt
eini sigur McLaren undanfarinn ára-
tug.
_ Knattspyrnumaðurinn Serge Aurier
er á leið til Nottingham Forest, nýliða í
ensku úrvalsdeildinni. Verður hann
sautjándi leikmaðurinn sem liðið sem-
ur við í sumar. Óhætt er að segja að
Forest hafi farið mikinn í félaga-
skiptaglugganum í sumar þar sem liðið
hefur eytt um 125 milljónum punda í
leikmennina sextán og er komið langt
með að búa til glænýtt lið fyrir átökin í
úrvalsdeildinni á tímabilinu. Sam-
kvæmt Daily Mail er Aurier næstur í
röðinni, en honum er frjálst að semja
við hvaða lið sem honum þóknast þar
sem samningur hans við spænska liðið
Villarreal var ekki endurnýjaður.
_ Heimir Óli Heimisson hefur ákveðið
að taka slaginn með karlaliði Hauka í
handknattleik á komandi tímabili.
Heimir Óli leikur í stöðu línumanns og
hafði reiknað með að leggja skóna á
hilluna að síðasta tímabili loknu, að því
er kemur fram á Handbolta.is, en í til-
kynningu frá handknattleiksdeild
Hauka var greint frá því að hann kæmi
til með að leika með Hafnarfjarðarlið-
inu á tímabilinu sem brátt fer í hönd.
Þráinn Orri Jónsson, annar línumaður
í röðum Hauka,
gekkst undir að-
gerð vegna
kross-
bandaslita
seint á
síðasta
tíma-
bili
og
verður frá fram á
næsta ár. Gunnar
Dan Hlynsson,
enn annar línumað-
ur hjá Haukum, sleit
þá krossband fyrir
um mánuði síðan og
verður ekkert með á
komandi tímabili.
Eitt
ogannað
Julius Jucikas er genginn til liðs við
karlalið Stjörnunnar í körfuknatt-
leik og mun hann leika með liðinu á
komandi keppnistímabili í úrvals-
deild karla, Subway-deildinni.
Það var Karfan.is sem greindi frá
þessu í gær en Jucikas, sem er 32
ára gamall Lithái, lék með Nept-
unas í heimalandi sínu á síðustu
leiktíð þar sem hann skoraði 7 stig
og tók þrjú fráköst að meðaltali í
leik. Stjarnan hafnaði í 6. sæti úr-
valsdeildarinnar á síðustu leiktíð
og féll úr leik í 8-liða úrslitum Ís-
landsmótsins eftir tap gegn Val.
Lithái í
Garðabæinn
Ljósmynd/Þórir Tryggvason
Þjálfarar Arnar Guðjónsson og Ingi
Þór Steinþórsson stýra Stjörnunni.
Íslenska kvennalandsliðið í golfi er í
34. sæti eftir tvo daga á heimsmeist-
aramóti áhugamanna í golfi, en leikið
í Frakklandi. Keppt er á tveimur völl-
um; Le Golf National og Golf de
Saint-Nom-La-Bretèche, sem eru rétt
utan við París. Andrea Bergsdóttir,
Hulda Clara Gestsdóttir og Ragnhild-
ur Kristinsdóttir skipa íslenska liðið,
sem er á samtals 15 höggum yfir
pari. Hulda hefur leikið best íslensku
kylfinganna en hún er á samanlagt
fimm höggum yfir pari. Ragnheiður
er á tíu höggum yfir pari og Andrea
á tólf höggum yfir pari.
Ljósmynd/GSÍ
Landsliðið Íslenska liðið keppir á
HM í Frakklandi um þessar mundir.
Ísland í 34. sæti
í Frakklandi
BLAK
Jóhann Ingi Hafþórsson
johanningi@mbl.is
„Ég hef sloppið rosalega vel og get lítið kvartað
miðað við aðra,“ sagði Thelma Dögg Grétarsdóttir,
landsliðsfyrirliði í blaki, í samtali við Morgunblaðið.
Íslenska landsliðið mætir því finnska í Salo á
morgun í þriðja leik sínum í undankeppni EM. Ís-
lenska liðið hefur á tæpri viku leikið útileiki við
Tékkland og Svartfjallaland og því hefur liðið
ferðast víða undanfarna daga. Þá setti slæm matar-
eitrun í Svartfjallalandi strik í reikninginn.
„Það voru voru 2-3 sem köstuðu upp á flugvell-
inum áður en við lögðum af stað frá Svartfjallalandi
og svo er ein búin að vera frekar veik á öllu ferða-
laginu okkar. Það er búið að reyna mjög mikið á
okkur og ég vissi ekki að það væri hægt að lenda í
svona miklu í einni ferð. Við vorum rosalega glaðar
að komast burt frá Svartfjallalandi. Það var betra
andrúmsloft þegar við stigum út úr vélinni í Vín,“
útskýrði Thelma.
Eftir það fór allt niður á við
Ferðalagið byrjaði vel og voru aðstæður í Tékk-
landi góðar. „Það gekk allt rosalega vel í Tékk-
landi. Þar fengum við leiðsögumann sem á að fylgja
í öllum svona ferðum. Það er tengiliður sem hjálpar
okkur ef eitthvað vantar og er með okkur á æfing-
um. Umgjörðin þar var mjög flott, full stúka og
flott hótel. Þar var allt eins og það á að vera.“
Eftir það kom hins vegar martröðin í Svartfjalla-
landi, þar sem umgjörðinni var mjög ábótavant.
„Aðstæður voru langt því frá að vera nógu góðar.
Við þurftum að keyra í þrjá tíma til að komast á
áfangastað, sem er rosalega langt. Við fengum svo
engan leiðsögumann og við þurftum að redda okk-
ur sjálfar. Við vorum heppnar með að það er ein í
liðinu sem talar tungumálið og við gátum þannig
reddað okkur á hótelinu. Það hefði verið enn meira
vesen án hennar. Við eigum að fá hlaðborð í svona
ferðum, en þarna þurftum við að velja af matseðl-
inum og við vissum ekkert hvað var hvað,“ sagði
hún og hélt áfram:
Hent út úr herbergjunum
„Daginn sem við komum var Finnland að spila
við Svartfjallaland og því voru ekki nógu mörg
tveggja manna hótelherbergi laus. Vegna þessa
lentum við í veseni fyrsta kvöldið og svo þurftum
við að breyta öllu til baka. Svo fengum við matar-
eitrun þá nótt og þá lentum við í enn meira veseni.
Eitt kvöldið lentu svo tvær í því að þær þurftu að
færa sig, því það var búið að bóka herbergið þeirra.
Matareitrunin var samt verst af þessu öllu.“
Íslenska liðið tapaði að lokum 0:3 fyrir Svart-
fjallalandi í erfiðum leik, þar sem leikmenn voru
bæði að glíma við veikindi og meiðsli. „Við lendum í
því að einn besti leikmaðurinn okkar [María Rún
Karlsdóttir] meiðist á morgunæfingu fyrir leikinn.
Það var högg ofan á, þetta var sérstaklega slæmt
því hún var ekki ein af þeim sem var búin að fá
matareitrun. Við gíruðum okkur upp í leikinn með
það hugarfar að við getum bara gert okkar besta.
Það var ekkert annað í boði. Það var engin pressa
og við studdum hver við aðra. Við þurftum að vera
duglegar að láta vita hvernig okkur leið, svo við
færum ekki að gera illt verra,“ sagði Thelma.
Hún á von á erfiðum leik við Finnland á morgun,
en Finnland vann 3:0-sigur á Svartfjallalandi. „Þær
eru mjög sterkar og með sérstaklega sterkar
miðjur. Þær tóku Svartfjallaland frekar sannfær-
andi og notuðu miðjurnar, þar sem þær voru sterk-
ari. Við einbeitum okkur að því að stöðva þær.“
Er að koma hægt og rólega
Staðan á leikmannahópi Íslands er á leið í rétta
átt, þótt nokkrir leikmenn séu enn að jafna sig.
„Það eru allir að hressast. María kastaði samt
mest upp í dag og það er ólíklegt að hún verði
tilbúin fyrir leikinn á laugardag (á morgun) en aðr-
ir leikmenn eru að koma til. Núna þegar við fáum
almennilegt að borða er þetta að koma hægt og ró-
lega.“
Íslenska liðið hefur átt erfitt uppdráttar í und-
ankeppninni og tapað báðum leikjum sínum til
þessa. Þá hefur karlaliðið einnig tapað öllum sín-
um leikjum í undankeppninni en Thelma segir að-
stæður á Íslandi erfiðar í samanburði við önnur
lönd.
Þurfa að borga úr eigin vasa
„Staðan í dag er þannig að við erum að gera
rosalega mikið af þessu sjálf. Við fjármögnum
þessi verkefni sjálf og til að fjármagna verkefnin
þarf að vinna og þegar þú ert að vinna geturðu
ekki æft eins mikið. Þjálfarar sem koma erlendis
frá þurfa að aðlagast íslenskum aðstæðum. Þeim
finnst skrítið að leikmenn geti ekki mætt á æfingar
tvisvar á dag. Við erum með rosalega ungt lið og
ég er elst hérna úti en samt er ég bara 24 ára. Það
er svakaleg uppbygging í gangi hjá okkur og von-
andi getum við unnið lengi með þennan sama hóp
og komist lengra saman,“ sagði hún.
Þá þurfa leikmenn að borga úr eigin vasa til að
fara í keppnisferðir með íslenska landsliðinu. „Já,
það hefur alltaf verið þannig. Við í kvennaliðinu
fengum aðeins meiri tíma en karlarnir og við feng-
um styrki hjá fyrirtækjum. Við héldum bingó og
erum að halda happdrætti sem stendur. Þegar þú
deilir því niður á 13-14 leikmenn er þetta ekki mik-
il niðurgreiðsla hjá hverri og einni. Núna erum við
að borga 240.000 krónur til að fara í þessa ferð og
strákarnir eru að borga enn meira, því ferðalögin
þeirra eru erfiðari. Þetta hefur alltaf verið svona,“
sagði Thelma Dögg.
Martröð í Svartfjallalandi
Ljósmynd/Blaksamband Íslands
Blak Íslenska landsliðið fyrir leikinn í Tékklandi. Thelma er númer 15, fimmta frá vinstri í efri röð.
- Matareitrun og slæm umgjörð beið íslenska landsliðsins - Greiða úr eigin vasa
Íslenska landsliðskonan Berglind
Björg Þorvaldsdóttir skrifaði í gær
undir tveggja ára samning við
franska knattspyrnufélagið Paris
Saint Germain. Hún kemur til stór-
liðsins úr höfuðborg Frakklands
frá Brann í Noregi. Berglind Björg,
sem er þrítugur sóknarmaður,
gekk til liðs við Brann í upphafi árs
eftir hálfs árs dvöl hjá sænska úr-
valsdeildarliðinu Hammarby.
Hún hefur komið víða við á ferl-
inum og þar á meðal áður leikið í
Frakklandi, með Le Havre-tíma-
bilið 2020/2021, auk þess að hafa
leikið með AC Milan og Verona á
Ítalíu og PSV í Hollandi. Þá hefur
Berglind Björg raðað inn mörkum í
efstu deild hérlendis fyrir Breiða-
blik, ÍBV og Fylki, þar sem hún hef-
ur skorað 135 mörk í 190 leikjum.
Berglind hefur leikið 66 A-lands-
leiki og skorað í þeim tólf mörk, en
það tólfta var fyrsta mark Íslands á
EM í sumar, gegn Belgíu.
Parísarliðið endaði í öðru sæti
frönsku 1. deildarinnar á síðustu
leiktíð, níu stigum á eftir meistur-
unum í Lyon. Þá fór PSG í undan-
úrslit Meistaradeildarinnar.
Berglind gerði tveggja ára
samning við Paris SG
Ljósmynd/PSG
París Berglind Björg Þorvaldsdóttir gerði tveggja ára samning við franska
stórliðið Paris Saint-Germain í gær en hún kom til þess frá Brann í Noregi.