Morgunblaðið - 26.08.2022, Blaðsíða 32

STILLANLEG
HJÓNARÚM
MEÐ BODYPRINT DÝNU
WWW.SVEFNOGHEILSA.IS
Svefn heilsa&
PANDORA
STILLANLEGUR
HÆGINDASTÓLL
VANDAÐAR
SÆNGUROG
KODDAR Í
ÚRVALI
EITT MESTA
ÚRVAL AF
HEILSUDÝNUM
Á LANDINU
ÚRVALAF
VÖNDUÐUM
HEILSURÚMUM
GERIÐ GÆÐA- OG
VERÐSAMANBURÐ
Borgarbókasafnið menningarhús í Úlfarsárdal stendur
fyrir göngu upp á Úlfarsfell í dag, föstudag, kl. 17 með
glæpasagnahöfundinum Yrsu Sigurðardóttur og tón-
listarmanninum Snorra Helgasyni. Mun Yrsa segja frá á
göngunni og eflaust fá hár göngufólks til að rísa. Þegar
komið er á leiðarenda tekur Snorri við og „heldur uppi
dulúðugri stemmningu á útsýnispallinum með kynngi-
magnaðri tónlist sinni“, eins og því er lýst í tilkynningu.
Gönguhópurinn hittist á bílastæðinu við Úlfarsfell í Úlf-
arsárdal. Gangan upp á útsýnispallinn tekur um
klukkustund. Snorri hefur leik og söng um kl. 18 og
haldið verður til baka um 18.30.
Hrollvekjandi ganga á Úlfarsfell
FÖSTUDAGUR 26. ÁGÚST 238. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Íslendingalið København dróst í G-riðil Meistaradeildar
karla í knattspyrnu á komandi keppnistímabili ásamt
Manchester City, Sevilla og Borussia Dortmund en
dregið var í Istanbúl í Tyrklandi í gær. Íslensku lands-
liðsmennirnir Háskon Arnar Haraldsson og Ísak Berg-
mann Jóhannesson eru samningsbundnir danska liðinu
og þá leikur Orri Steinn Óskarsson einnig með Køben-
havn. »26
Íslendingarnir á leið til Manchester
ÍÞRÓTTIR MENNING
Kristín Heiða Kristinsdóttir
khk@mbl.is
„Sá sem ég leik og syng er Pétur prins og það er ákveðin
krafa um að hann sé dálítið glæsilegur,“ segir Gunnlaugur
Bjarnason barítón þegar hann er spurður að því hvers
vegna hann hafi verið í permanenti þegar náðist í hann.
„Pétur prins er einn af persónum ævintýraóperu sem
frumsýnd verður í Gamla bíói eftir viku. Mærþöll heitir
óperan og er eftir Þórunni Guðmundsdóttur en söguþráð-
inn byggir hún á gömlu íslensku ævintýri, Mærþallar
sögu,“ segir Gunnlaugur sem fer í vetur út til að klára
meistaranám sitt í söng við konservatoríið í Den Haag.
Kristín, eiginkona hans, og þrjú börn þeirra verða heima á
Íslandi á meðan. Allt kostar þetta sitt og brá Gunnlaugur á
það ráð að halda happdrætti til að bjóða velunnurum og
vinum að styrkja sig út til náms.
„Börnin okkar eru átta, fjögurra og tveggja ára og ég vil
leggja eitthvað til heimilisins sem og fjármagna dvöl mína
úti. Vinkona mín gerði þetta fyrir nokkrum árum, bauð
upp á happdrætti til að fjármagna dýrt doktorsnám í Bret-
landi, svo ég ákvað að slá til,“ segir Gunnlaugur sem hefur
skopskyn að leiðarljósi í happdrættisvinningum sem eru
fjölmargir og frumlegir. Á vinningaskrá eru m.a. súrdeigs-
brauð, póstkort, tileinkun á lagi, miði á einkatónleika
Gunnlaugs o.fl.
„Ég hafði að leiðarljósi að vinningar mættu ekki vera of
mikil kvöð. Á sama tíma sá ég þetta sem leið til að losa mig
við hluti, en meðal vinninga eru verstu kaup mín í Góða
hirðinum. Ég er svo heppinn að fólk hefur haft samband
og gefið vinninga í happdrættið. Til dæmis gefur Íslenska
óperan fjóra miða á Brothers í október, Hótel Reykjavík
Treasure gefur eina gistinótt og Osteostrong gefur
ástundun hjá sér í mánuð, svo það eru veglegir vinningar
innan um. Efst á listanum eru einkatónleikar með mér,
þar sem ég kem heim til vinningshafa og syng nokkur af
uppáhaldslögunum mínum.“
Fjölbreytni vinninga er mikil. Til dæmis fá fimm vinn-
ingshafar afleggjara af blómi frá Auði Laxness.
„Konan mín vann á Gljúfrasteini fyrir nokkrum árum
og þar þurfti reglulega að grisja blóm, svo afleggjarar
enduðu heima hjá okkur og eru núna orðnar stórar og fal-
legar plöntur, Mánagull, peningatré og fleira,“ segir
Gunnlaugur sem er mjög hrifinn af súrsuðum lauk og ger-
ir mikið af því að súrsa sjálfur.
„Tuttugu vinningshafar fá krukku með súrsuðum lauk
frá mér. Ég fór eitt sinn með þýskri ömmu minni til
Þýskalands til Sprewalds sem eru höfuðstöðvar súru
gúrkunnar þar í landi. Þar fékk ég gefins dós með einni
niðursoðinni gúrku. Þá fannst mér það alversta gjöf sem
ég hefði getað fengið, en þetta er matarsmekkur sem lær-
ist. Núna finnst mér allt súrt og niðursoðið æðislega gott.“
Gunnlaugur er íslenskufræðingur að mennt og vanur
prófarkalesari. Því hlýtur einn vinningshafi prófarka-
lestur fyrir texta á íslensku að hámarki 5000 orð. „Ég
byrjaði í prófarkalestri í bókaútgáfunni Sæmundi hjá
pabba, Bjarna Harðarsyni, en ég færði út kvíarnar og fór
að lesa yfir ritgerðir hjá samnemendum í Háskólanum.“
35 heppnir vinningshafar fá persónulegt þakkarbréf frá
Gunnlaugi sem þeir geta ekki skilið. „Þegar ég var í fram-
haldsskóla sagði kennari að ég væri með áferðarfallega
rithönd en að hún væri ekki mjög læsileg. Ég hef tengi-
skrift í hávegum en mér finnst ekki skipta öllu máli að fólk
geti lesið það sem stendur á þakkarbréfunum. Þetta verð-
ur einhvers konar fljótaskrift, listaverk.“
Meðal vinninga er einnig upplestur á Íslendingaþætti.
„Ég les þá upp Íslendingaþátt sem vinningshafi velur
sjálfur. Upplesturinn verður tekinn upp og vinningshafi
fær hann til eignar. Ég tel mig búa yfir góðri frásagnar-
gáfu svo þetta ætti að verða skemmtilegur upplestur,“
segir Gunnlaugur og bætir við að nú hafi bæst við einn
aukavinningur.
„Ég og Ármann Jakobsson vorum með hlaðvarpið
Flimtan og fáryrði, en höfum ekki gert þátt í heilt ár, við
ætlum að gefa einn þátt í vinning sem aðeins einn miðahafi
vinnur.“
Hver miði kostar 2000 kr. en kaupa má miða með því að
leggja inn á reikning Gunnlaugs eða AUR
Kt. 0911922769 Reikn.no: 0152-26-002792
AUR: 6619922 Dregið úr vinningum 5. sept. Viðburður
á Facebook: Happdrætti – Gunnlaugur klárar söngnámið
Kemur heim til vinn-
ingshafa og syngur
- Gunnlaugur Bjarnason barítón heldur happdrætti
Ljósmynd/Elísabet Elma Líndal Guðrúnardóttir
Fjölskylda Gunnlaugur ásamt Kristínu konu sinni og
börnum þeirra þremur, Bjarna, Kára og Áslaugu.