Morgunblaðið - 26.08.2022, Blaðsíða 29

MENNING 29
MORGUNBLAÐIÐ FÖSTUDAGUR 26. ÁGÚST 2022
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
Bráðfyndin og skemmtileg gamanmynd
fyrir alla fjölskylduna með uppistandaranum
Jo Koy í aðalhlutverki
S
kerið er feiknaskemmtilegt
útvarpsleikrit í sex þáttum
sem Storytel gefur út.
Atburðarásin er dularfull
og ófyrirsjáanleg, svo ófyrirsjáanleg
reyndar að hlustandinn á í stríði við
sjálfan sig meðan á hlustun stendur
um mögulegar ástæður þess að aðal-
persóna leikritsins, Ási, er staddur í
eins skrýtnum aðstæðum og raun
ber vitni. Það er ekki hægt að segja
að leikritið skilji lesandann eftir
snortinn eða fullan af spurningum
um tilvist sína en það er fínasta
dægrastytting.
Leikritið, sem reyndar er kallað
hljóðbók innan vébanda StoryTel en
á meira skylt við útvarpsleikrit –
eða þá hljóðleikrit þar sem verkinu
er vissulega ekki útvarpað, segir frá
Ása, karlmanni á miðjum aldri sem
hefur brennt allar brýr að baki sér.
Klassískt, hugsa sumir eflaust og
það gerði ég líka. Ási er nefnilega
einmitt þessi hefðbundna persóna
sem íslensk listsköpun hefur gjarn-
an snúist í kringum í áranna rás:
Þunglyndur miðaldra karlmaður
sem er svolítið misskilinn. Hann er
eiginlega svo mikil klisja að ég
skammaðist mín fyrir að finna til
samkenndar með honum. En hvað
um það, þótt persóna Ása sé viss
klisja þá eru kringumstæðurnar
sem hann er settur í það ekki. Þann-
ig glíma höfundar verksins og leik-
ararnir við spurninguna: Hvað ger-
ist þegar klassískur karakter er
settur í áður óséðar aðstæður?
Ási, sem eins og fyrirrennarar
hans úr listasögunni er aðeins of
gefinn fyrir sopann, vaknar í fyrsta
þætti í umhverfi sem hann þekkir
ekki. Hann hafði ætlað sér í gott frí
með vini sínum til Tenerife en eftir
enn eitt fylleríið finnur hann sig á
eyju sem býður honum upp á eitt-
hvað allt annað. Í fyrstu veltir Ási
sér ekki um of upp úr þessu og gerir
það sem hann gerir verst: Fær sér í
glas. Fljótt fara aftur á móti að
renna á hann tvær grímur um fólkið
á eyjunni og fyrirætlanir þess.
Söguþráðurinn er þannig afar vel
ofinn en hlustendur fá að fylgjast
með atburðarásinni eiga sér stað í
gegnum dagbókarfærslur Ása, sem
hljóðritar bæði sitt eigið tal og sam-
töl sín við annað fólk. Þessi aðferð
heppnast ágætlega hjá höfundum en
stundum fékk ég á tilfinninguna að
Ási væri að mata hlustandann á
upplýsingum í stað þess að leyfa
honum að túlka aðstæðurnar sjálfur.
Það er þó ekki þannig að Ási gefi of
mikið upp um það sem koma skal
því hann er sjálfur í raun eins grun-
laus og hlustandinn sem giskar í sí-
fellu á það hvað sé í gangi með
þeirri einu niðurstöðu að hafa alltaf
rangt fyrir sér. Það má líka nefna að
ákveðins ósamræmis gætti í sjónar-
horni hvað þetta varðar, í gegnum
bróðurpart sögu samanstendur leik-
ritið einungis af hljóðbrotum út frá
sjónarhóli Ása, þ.e. einhverju sem
hann hefur hljóðritað, en í fjórða
þætti gerist það allt í einu að hljóð-
brot er spilað sem er úr samræðum
sem Ási hefði ekki getað orðið vitni
að – eða þannig skildi ég það í hið
minnsta sem hlustandi. Það væri
kannski hægt að fyrirgefa þetta
ósamræmi ef umrætt samtal væri
mjög áríðandi fyrir framvindu sög-
unnar og innsýn hlustandans í
atburðarásina en samtalið er það
alls ekki að mínu mati.
Sannfærandi hljóðheimur
Undirrituð er ekkert sérstaklega
hrifin af persónusköpun Ása, enda
þar að finna litla sköpunargleði.
Hann er aftur á móti mjög vel leik-
inn af Haraldi Ara Stefánssyni. Þá
skín talsvert meira í ímyndunarafl
höfunda í gegnum helstu aukaper-
sónur verksins: Hildi, Rebekku,
Leif, Eyvind og Pésa, en Hildur og
Eyvindur eru persónur sem eru
áberandi vel úr garði gerðar. Það
má eiginlega segja að aukapersón-
urnar séu það sterkar að þær bæti
vel fyrir klisjuna sem aðalpersónan
var. Þær, rétt eins og Ási, eru afar
vel lesnar og túlkun leikaranna –
Jóhönnu Friðriku Sæmundsdóttur,
Svandísar Dóru Einarsdóttur, Guð-
mundar Inga Þorvaldssonar og
Stefáns Halls Stefánssonar – er
sannfærandi en það er í raun allur
hljóðheimur verksins, að mínu mati
– án þess að ég gefi mig út fyrir að
vera sérfræðingur í þeim efnum, alls
ekki.
Til þess að draga þetta saman þá
er vel þess virði að ráðast í hlustun á
Skerinu. Verkið er skemmtilegt,
spennandi og oftast fremur sann-
færandi. Þótt það kafi kannski ekki
á neitt sérstakt dýpi eða opni nýjar
víddir fyrir lesandanum er þarna á
ferðinni fínasta afþreying sem fær
hlustandann til þess að brjóta heil-
ann um framhaldið í sífellu og jafn-
vel efast um eigin sannfæringu.
Eyjan fagra, hvað?
Morgunblaðið/Hákon
Ófyrirsjáanlegt Áslaug Torfadóttir og Ragnar Egilsson eru höfundar hljóðbókarinnar / hljóðleikritsins Skersins sem hlýða má á hjá Storytel.
Hljóðleikrit
Skerið
bbbmn
Eftir Áslaugu Torfadóttur og Ragnar
Egilsson. Lesarar: Jóhanna Friðrika Sæ-
mundsdóttir, Guðmundur Ingi Þorvalds-
son, Stefán Hallur Stefánsson, Svandís
Dóra Einarsdóttir, Vignir Rafn Valþórs-
son og Juan Camillo Roman Estrada.
Storytel, 2022. Sex þættir.
RAGNHILDUR
ÞRASTARDÓTTIR
BÆKUR
Á Storytel Kynningarmynd fyrir
Skerið sem finna má á Storytel.