Fréttablaðið - 13.01.2023, Blaðsíða 2

Við fáum þrettán
þúsund krónur á viku
fyrir tvær manneskjur.
Krystyna Ivaschenko,
flóttamaður frá Úkraínu
Bændur hafa sigað
hundum á hreindýrin.
Áfram Ísland!
Það var rífandi stemning í Minigarðinum í gær þegar stuðningsfólk handboltalandsliðsins mætti til að horfa á fyrsta leik Íslands á HM. Fréttablaðið/Valli
Hótelið í Grindavík, sem
hýsir f lóttafólk og þá sem
koma hingað til lands til að
sækja um alþjóðlega vernd,
er bjart og gott og laust við
myglu. Grindvíkingar eru
ósáttir og hóta stjórnvöldum
dagsektum.
benediktboas@frettabladid.is
StjórnSýSla „Okkur líður vel í hús-
inu, hér er bjart, eldunaraðstaðan
er góð og húsið virðist gott,“ segir
Krystyna Ivaschenko frá Úkraínu
sem dvelur í Geo-hotel í Grindavík
sem áður var félagsheimilið Festi.
Ivasch enko kom hingað til lands
um miðjan desember.
Bæjarráð Grindavíkur er mjög
ósátt við vinnubrögð stjórnvalda
í málinu. Segir í bókun bæjarráðs
að útleiga hússins fyrir fólkið sam-
ræmist ekki samþykktri notkun.
Þá kom fram í blaði Víkurfrétta
að húsnæðið væri myglað. Eigandi
hússins kannast lítið við þessar
staðhæfingar.
Eigandinn bendir á að það hafi
mælst mygla í einu herbergi af 38
vegna leka frá þaki, sem hafi verið
lagað og nýtt leyfi fengið frá Heil-
brigðiseftirliti Suðurnesja eftir að
eftirlitið var búið að skoða hótelið
og staðfesta að engin merki væru
um myglu í fasteigninni. Að öðru
leyti vildi hann ekki tjá sig um
málið.
Vinnumálastofnun segir í bréfi
til bæjarins að hótelið sé eina hús-
næðið sem sé fast í hendi til þess að
mæta brýnni húsnæðisþörf fyrir
f lóttafólk og fólk sem sé að sækja
um alþjóðlega vernd.
Því þurfi að taka húsnæðið í notk-
un þrátt fyrir afstöðu heimamanna.
Þegar Fréttablaðið settist niður
með kaffibolla á hótelinu í gær var
varla að sjá annað en húsnæðið væri
í góðu standi og góður andi innan-
dyra.
Hópurinn sem blaðið sat með var
annars vegar frá Úkraínu og hins
vegar par frá Venesúela en konan
ber barn undir belti. Hópurinn var
sammála um að erfiðast væri að
hafa lítið á milli handanna og mega
ekki leita að vinnu.
„Við fáum þrettán þúsund krónur
á viku fyrir tvær manneskjur,“ segir
Krystyna og segir að peningarnir
dugi lítið fyrir búðarferð á verðlagi
dagsins í dag.
Grindvíkingar höfnuðu samningi
við Vinnumálastofnun um að taka
við f lóttamönnunum í upphafi
og hafa hótað stjórnvöldum dag-
sektum.
„Það er dýrt að lifa hér í Grindavík
og jafnvel þótt við mættum leita að
vinnu þá kostar það þrjú þúsund
krónur að fara til Reykjavíkur. Við
höfum augljóslega ekki ráð á því,“
bætir Krystyna við.
En þrátt fyrir allt er hún brosandi
yfir að vera á Íslandi, fjarri átök-
unum í heimalandinu. n
Bjart yfir flóttafólki sem
bíður örlaga sinna í Festi
Krystyna er í ljósbláu peysunni, þriðja frá vinstri. Hér ásamt öðrum Úkraínu-
búum sem bíða örlaga sinna. Við hlið hennar er par frá Venesúela.
Fréttablaðið/Sigtrygur ari
Hreindýr eru ekki vinsæl alls staðar.
Fréttablaðið/Vilhelm
kristinnhaukur@frettabladid.is
múlaþing Sveitarfélagið Múlaþing
hefur óskað eftir því við Umhverf-
isstofnun að vöktun verði hafin á
hreindýrum vegna tjóns sem þau
valda á jörðum. Verður rannsakað
hversu margar jarðir verða fyrir
tjóni af völdum dýranna. Meðal
annars á túnum, ökrum og skóg-
ræktarsvæðum.
Ekki er um nýtt vandamál að
ræða en fréttir hafa borist af tjóni
í gegnum tíðina. Til dæmis greindi
RÚV frá því árið 2012 að stór hrein-
dýrahjörð hefði nagað upp tré hjá
bónda á bænum Fagradal í Breið-
dal. Bóndinn sagðist ráðalaus en
reyndi að stugga dýrunum burt
með því að siga á þau hundum. Auk
þess ryksuguðu hreindýrin upp
nýgræðing. n
Hreindýr valda
tjóni á jörðum
kristinnpall@frettabladid.is
reykjavík Stöðumælaverðir eru
ekki farnir að sekta einstaklinga á
vistvænum bílum sem nota skífur
frá síðasta ári, eftir að ákveðið
var að falla frá fyrri reglum um að
vistvænir bílar fái að leggja endur-
gjaldslaust í 90 mínútur. Þetta kom
fram í svari við fyrirspurn Frétta-
blaðsins í gær.
Spurt var hvort byrjað væri að
sekta og hversu margir hefðu fengið
sekt fyrstu tíu daga ársins þar sem
breytingin tók gildi um áramótin.
Talsmaður Bílastæðasjóðs sagði að
ekki væri farið að sekta. Fyrst um
sinn fái aðilar viðvörun áður en
sektað verði. n
Fá viðvörun áður
en sektað verður
kristinnhaukur@frettabladid.is
hafnarfjörður Samfylkingin í
Hafnarfirði vill rannsókn á meng-
unarslysinu í Costco sem olli mikilli
lykt í stórum hluta Hafnarfjarðar.
Einkum í vesturbænum og norður-
bænum. Greint var frá því fyrir jól
að íbúar fundu fyrir höfuðverk og
ógleði vegna lyktarinnar. Hana
mátti rekja til bilunar í hreinsibún-
aði bensínstöðvar Costco.
Samfylkingin leggur til rann-
sókn á slysinu og viðbrögðum við
því, hverjir verkferlar bæjarins
séu, hversu mikið magn olíu fór úr
kerfinu hjá Costco og hver sé ábyrgð
Costco. Einnig að heilbrigðiseftir-
litið geri greinargerð um slysið. n
Vilja rannsókn á
fýluslysi Costco
- einfaldara
getur það
ekki verið!
2 Fréttir 13. janúar 2023 FÖSTUDAGURFréttablaðið