Fréttablaðið - 13.01.2023, Blaðsíða 38

Menn geta verið hokn-
ir af reynslu en samt
ömurlegir í því sem
þeir eru að gera.
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Auður Húnfjörð audur@
frettabladid.is, Sverrir Birgir Sverrisson sverrir@frettabladid.is , Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078:
Arnar Magnússon arnarm@frettabladid.is, Jón Ívar Vilhelmsson jonivar@frettabladid.is, Kolbeinn Kolbeinsson kolbeinn@frettabladid.is, Ruth Bergsdóttir ruth@frettabladid.is
FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
Gísli Einarsson frumsýnir um
helgina uppistandssýningu
á Sögulofti Landsnámsseturs
Íslands í Borgarnesi. Hann
fótbrotnaði í október og segist
þannig loksins hafa getað
klárað verkið sem er uppfærsla
á frægustu Ferðabók Íslands.
odduraevar@frettabladid.is
Einn ástsælasti sjónvarpsmaður
þjóðarinnar frumsýnir um helgina
eigin uppfærslu á Ferðabók Eggerts
Ólafssonar og Bjarna Pálssonar frá
árinu 1772.
Ferðabókin var skrifuð af þeim
Eggerti Ólafssyni og Bjarna Páls-
syni sem fengu styrk frá danska
ríkinu árið 1752 til skrifanna. Þeir
ferðuðust um landið í fimm ár, skrá-
settu íbúa landsins og náttúru með
skrautlegum lýsingum.
„Það hefur náttúrulega ýmis-
legt breyst og svo var bara ekkert
almennilega vandað hjá þeim, því
ég er búinn að leggja miklu meiri
vinnu í mitt verkefni og vænti þess
að fá sömu athygli og þeir fengu á
sínum tíma,“ segir Gísli hlæjandi.
„Það er búið að hampa þessu í ein-
hver 270 ár sko, þannig að ég vænti
þess að það verði eins með mína
vinnu, að hún verði í hávegum höfð
næsta 271 árið.“
Hann frumsýnir verkið á Sögu-
lofti Landnámsseturs Íslands í
Borgarnesi á laugardag. „Ég er ein-
mitt uppi á Sögulofti núna og ætla
að reyna að negla þetta eins sæmi-
lega og mögulegt er,“ segir Gísli og
það er stutt í húmorinn.
„Sjö-níu-þrettán, ég held að þetta
líti þokkalega út. Ég var að renna
yfir þetta í gær með leikstjóranum
og listrænum stjórnendum og þeim
sem koma að þessu með mér og
þetta lítur bærilega út.“
Gísli segir þekkt í gegnum mann-
kynssöguna að þótt miklum tíma sé
varið í ákveðin verkefni geti niður-
staðan samt verið ömurleg.
„Menn geta verið hoknir af
reynslu en samt ömurlegir í því sem
þeir eru að gera. Það eru alveg mörg
dæmi um það. Æfingin skapar ekk-
ert alltaf meistarann, það er lygi,“
segir Gísli hlæjandi.
Síðast þegar Fréttablaðið ræddi
við Gísla, í október síðastliðnum,
var hann nýfótbrotinn eftir að hafa
lent illa þegar hann festist uppi á
húsþaki.
„Ég er núna að bíða eftir því að
það verði teknir naglarnir úr fæt-
inum en ég er allavega orðinn ról-
fær,“ segir Gísli sem bætir því við
að það hafi í raun verið fótbrotinu
að þakka að hann hafi loksins haft
tíma til að skrifa handritið að uppi-
standssýningunni.
„Þannig að það kom allavega eitt-
hvað, ég segi ekki gott, úr þessu, en
það kom allavega eitthvað út úr
þessu,“ segir Gísli á léttum nótum.
Hann segir að aulahúmorinn verði
allsráðandi á sýningunni.
„Ég ætla allavega rétt að vona
að það komi enginn á þeim for-
sendum að viðkomandi sé að fara á
einhverja hámenningu. Þá fá menn
endurgreitt, ég get lofað því. Lág-
menning hefur ágætis næringargildi
að mínu mati.“
Margir vilji oft eitthvað fínt og
f lott. „En ef þú ert alltaf í spari-
fötunum og borðar ekkert nema
hátíðarmat þá er það bara ömurlegt
og verður leiðigjarnt,“ segir Gísli og
bætir við:
„Þannig að menn þurfa líka að
sinna lágmenningu og ómerki-
legum aulahúmor og þess háttar
og það er það sem ég er að reyna að
skaffa, ég er að reyna að sinna þörf-
um þeirra sem gera ekkert miklar
kröfur og hafa ekkert góðan smekk.
Þeir eiga líka rétt á sínu.“ n
Fótbrotið ýtti Gísla í að
klára ferðabókina
Gísli segir sýninguna fyrst og fremst vera fyrir þá sem kunna að meta lágmenningu. MyND/GUNNhILDUR LUND
Gísli segist rétt
vona að sínu
verki verði
hampað næstu
270 ár rétt eins
og Ferðabók
þeirra Eggerts
og Bjarna.
MyND/
GUNNhILDUR LUND
18 Lífið 13. janúar 2023 FÖSTUDAGURFréttablaðið