Fréttablaðið - 13.01.2023, Blaðsíða 28

Ávextir og grænmeti eiga alltaf
heima í nestisboxinu. mynd/getty
thordisg@frettabladid.is
Mikilvægt er fyrir nemendur að
borða reglulega svo þeir fái orku-
og næringarefni yfir daginn og geti
þá betur tekist á við verkefni sín.
Börn þurfa hlutfallslega meiri orku
en fullorðnir þar sem þau eru enn
að vaxa og þroskast.
Börn eru misjöfn og ekki dugar
öllum að fá einungis ávexti og
grænmeti í morgunhressingu. Hér
eru dæmi um heppileg matvæli
fyrir mismunandi þarfir barna.
Ávextir og grænmeti ættu alltaf
að vera í nestisboxinu, svo sem
eplabitar, banani, mandarína,
vínber, mangó, gulrætur, rófubitar,
gúrkubitar og litlir tómatar.
Aðeins orkumeira nesti getur
verið ostbitar, egg, hrein jógúrt/
skyr, hrökkbrauð, nokkrir hafra-
hringir og þurrkaðir ávextir eins
og rúsínur og döðlur.
Fyrir nemendur sem borða lítið í
morgunmat eða verða svangir fyrir
hádegismat getur nesti verið sam-
loka, flatkaka eða hrökkbrauð með
osti, kotasælu, hummus, kæfu,
eggjum, banana eða avókadó.
Sparinesti er tilbreyting frá því
sem er venjulega en ávextir og
grænmeti geta að sjálfsögðu verið
partur af því nesti og hægt að
prófa nýjar tegundir. Gosdrykki,
orkudrykki og sælgæti ætti ekki
að leyfa í sparinesti, en í staðinn
til dæmis kolsýrt vatn með eða
án bragðefna (þó án sítrónu-
sýru (E330)), mjólk, kakómjólk,
ávaxtasafi, ávaxtastöng, snúður,
kex, samlokur, snakk, poppkorn
og saltstangir. n
Heimilid: landlaeknir.is
Hollt morgunnesti
Oft er gott að rissa upp myndir af
námsefninu til að muna.
sandragudrun@frettabladid.is
Til að ganga vel í námi þarf að hafa
gott minni, til eru ýmsar aðferðir
til að þjálfa minnið. Ein aðferð
sem gagnast mörgum við að leggja
upplýsingar á minnið er að teikna
myndir. Heilinn er fljótari að vinna
úr myndum en orðum. Þess vegna
er það gagnleg minnistækni að
breyta orðum í myndir.
Ef þú vilt muna eitthvað,
teiknaðu það og reyndu að hafa
myndina fyndna eða ýkta það
hjálpar. Ef lesið er um borgara-
styrjöld má rissa upp mynd af
hamborgara. Ef Þjóðverjar unnu
borgarastyrjöldina má teikna
hljóðfæri, hljóð rímar við þjóð,
svo má teikna smokk öðru nafni
verjur. Þá er kominn Þjóðverji. Ef
þú lítur á myndina muntu alltaf
muna að Þjóðverjar unnu borgara-
styrjöldina. Svona má leika sér
að orðum og teikna allt það sem
mikilvægt er að muna fyrir próf. n
Teiknað til að
muna námsefnið
Unglingar fá góð viðbrögð og stuðn-
ing hjá vinum sínum ef þeir deila
erfiðleikum í einkaskilaboðum.
elin@frettabladid.is
Samkvæmt rannsókn sem gerð var
á meðal unglinga í Bergen í Noregi
fá samskipti þeirra á samfélags-
miðlum of neikvæða athygli. Flest
ungmenni sem hafa deilt vanlíðan
með vinum upplifa sig fá fremur
stuðning en niðurrif.
Vísindamenn skoðuðu upplifun
ungs fólk af því að deila einhverja
sem þeim fannst erfitt á samfélags-
miðla. 31% svarenda á aldrinum
17–21 árs hafði deilt einhverju
erfiðu með vinum og fjölskyldu
en 7,7% höfðu deilt á opnar síður.
Unga fólkið fékk frekar góð við-
brögð og stuðning þegar það deildi
með nánustu vinum sínum en
hlutfallið var talsvert minna ef það
deildi á opnar síður.
„Niðurstöðurnar sýna að sam-
félagsmiðlar geta verið vettvangur
til að leita eftir og þiggja stuðning,“
segir Bjarte Kysnes, einn úr hópi
rannsakenda. Í ljós kom að þeim
ungmennum sem deildu vanda-
málum sínum leið verra andlega
en þeim sem deildu engu slíku.
„Samfélagsmiðlar geta veitt tæki-
færi til að deila erfiðum tilfinn-
ingum og atburðum,“ segir Kysnes
og bætir við að þannig geti notkun
samfélagsmiðla verið stuðningur
og haft jákvæð áhrif á andlega
heilsu og vellíðan. n
Opna sig um vanlíðan á netinu
Vinnuaðstaðan þín
©
Inter IKEA System
s B.V. 2023
Verslun opin 11-20 alla daga ̵ IKEA.is
BEKANT hirsla á hjólum
B41�H61 cm
27.900,-
LÅNGFJÄLL
skrifborðsstóll 28.900,-
19.900,-
SVENSÅS
minnistöflur 2.790,-
1.990,-/stk.
ÚTSALA
ÚTSALA
EKET skápar
B35�D25, H35 cm
2.750,-/stk.
RANARP
skrifborðslampi
6.790,-
RÅSKOG
hjólavagn
8.950,-
16 kynningarblað 13. janúar 2023 FÖSTUDAGURskólar Og námskeið