Fréttablaðið - 13.01.2023, Blaðsíða 12

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is, s. 550
5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@frettabladid.is,
s. 550 5654, Ruth Bergsdóttir, ruth@frettabladid.is, s. 694 4103.
starri@frettabladid.is
Ein söluhæsta hljómplata sög-
unnar, Dark Side of the Moon með
Pink Floyd, verður flutt í heild
sinni í Eldborg í Hörpu snemma
í næsta mánuði ásamt öðrum vel
völdum perlum hljómsveitarinnar.
Einvalalið tónlistarmanna mun
sjá um flutninginn og eru lögin
sungin af þeim Matthíasi Matthí-
assyni, Magna Ásgeirssyni, Einari
Þór Jóhannssyni, Ölmu Rut, Ernu
Hrönn og Írisi Hólm.
Undirbúningur fyrir tónleikana
hefur gengið vel að sögn Matthí-
asar en hann snýr að miklu leyti
um tæknilegu hliðina sem skipar
alltaf stóran sess í lifandi flutningi
Pink Floyd. „Lýsing, mynd og hljóð
er jafn mikilvæg upplifun og að
upplifa flutning tónlistarinnar en
við erum svo heppin að hafa ein-
valalið hæfileikafólks með okkur í
liði. Tónlistina höfum við verið að
kryfja niður í smáatriði og undir-
búningur lofar góðu. Gestir mega
því eiga von á góðu kvöldi fyrir öll
skynfærin.“
Upplifði tónlistina sem ferðalag
Dark Side of the Moon kom út
1. mars 1973 og á því formlegt
fimmtugsafmæli eftir nokkrar
vikur. Hún er ekki bara ein sölu-
hæsta plata sögunnar heldur
einnig talin af mörgum vera ein
sú besta. „Þegar ég hlustaði fyrst á
þessa plötu var það í fyrsta skipti
sem ég upplifði það sem ferðalag
að hlusta á plötu. Ég man að platan
í heild sinni hafði mikil áhrif á mig
og upplifði ég hana sem eitthvað
meira en „bara“ tónlist, heldur var
þetta upplifun. Sjálfur á ég í raun
engin uppáhaldslög af plötunni
þar sem verkið er svo heildstætt
en það er fátt skemmtilegra en
að hlusta á flutning þess í lifandi
flutningi.“
Auk Dark Side of the Moon verða
margar perlur Pink Floyd fluttar
fyrir hlé ásamt lögum tengdum
sólóferli einstakra meðlima
hennar.
Lá ekki í sófanum
Matthías hefur lengi verið við-
loðandi tónlist, meðal annars með
Pöpum, Dúndurfréttum og Vinum
Sjonna auk sólóferils og þátttöku í
ýmsum söngleikjum og leikritum.
Heimsfaraldurinn lék tónlistar-
fólk grátt eins og margar fleiri
starfsstéttir en Matthías lét það
ekki stoppa sig. Á þessu tímabili
hóf hann nám í húsasmíði, opnaði
verslun með eiginkonu sinni og
tók upp eigin tónlist og skemmti
landsmönnum gegnum streymi.
„Ég hef alltaf haft gaman af því
að skapa með einhverjum hætti,
hvort sem það er í tónlist eða
Hjónin hafa rekið saman verslunina Naturalmat – Náttúrurúm í um eitt og hálft ár. FRÉTTABLAÐIÐ/VALLI
öðrum þáttum lífsins. Mér finnst
ýmsar framkvæmdir heima fyrir
til dæmis sérstaklega skemmti-
legar. Þegar Covid skall á og öll
atvinnan mín þurrkaðist út, þá
stóð valið um að setjast í sófann og
glápa á Netflix eða að fara að gera
eitthvað. Ég valdi að gera eitthvað
og þar sem ég hef alltaf haft áhuga
á að kunna meira í smíði fannst
mér tilvalið að læra fagið og sé
ekki eftir því í dag. Í náminu hef ég
kynnst mörgu skemmtilegu fólki
og námið sjálft er mjög gagnlegt.“
Gaman að komast á svið aftur
Þegar kemur að tónlistinni segist
hann vera í alls konar ólíkum og
skemmtilegum verkefnum. „Ég og
Helgi Reynir vinur minn gáfum út
tvöfalda vínylplötu með frum-
sömdu efni fyrir tveimur árum
undir heitinu Matt seven years.
Sköpunarferlið gaf okkur báðum
mikið, þótt við höfum ekki lagt
eins mikið upp úr því að koma
henni á framfæri. Nú er allt komið
á fullt aftur í tónlistinni og við
félagarnir stefnum á að gera nýja
plötu fljótlega.“
Eftir tvö mögur Covid-ár finnst
honum ótrúlega gaman að vera
aftur farinn að hitta allt skemmti-
lega fólkið í bransanum og spila
uppi á sviði fyrir fólk, en ekki bara
í gegnum tölvuskjáinn. „Verk-
efnin eru eins fjölbreytt og þau eru
mörg. Ég kem fram í brúðkaupum,
jarðarförum, á stærri og minni
tónleikum og bara alls konar.
Það gefur mér mikið að taka þátt
í mikilvægum augnablikum í lífi
fólks.“
Sefur margfalt betur
Matthías og eiginkona hans,
Brynja Ólafsdóttir, fóru heldur
betur út fyrir þægindarammann
þegar þau opnuðu verslunina
Naturalmat – Náttúrurúm fyrir
Matthías og eiginkona hans, Brynja Ólafsdóttir, eiga þrjá
syni sem verja miklum tíma á íþróttavöllum.
Þessi fallega
útidyrahurð var
fyrsta verkefni
Matthíasar eftir
námið.
Hluti hópsins sem flytur Dark Side of the Moon. Matthías hefur starfað lengi
með flestum þeirra við ýmis smærri og stærri verkefni.
um einu og hálfu ári síðan. „Þetta
rúmævintýri byrjaði þegar ég var
að leita að lausn fyrir sjálfan mig
þar sem ég svitnaði mikið í svefni.
Eftir því sem ég kynnti mér málið
betur færðist ég nær náttúrulegri
svefnvörum. Ég var svo heppinn
að kynnast þessu frábæra fyrir-
tæki, sem Naturalmat er, og vörum
þeirra.“
Eftir að hafa eignast dýnu frá
fyrirtækinu fór Matthías á fund
með eigendum þess. „Með okkur
tókst vinátta og úr varð að við
hjónin opnuðum verslunina á
Íslandi. Ég hef ekki svitnað í svefni
síðan og mér finnst frábært að
fleiri kynnist vörunum og upplifi
betri loftgæði, betri öndun og betri
svefn. Verslunin á hug okkar allan
þessa dagana en þar seljum við
lífrænar svefnvörur eins og dýnur,
rúm, sængur og kodda, allt úr nátt-
úrulegum efnum.“
Er mikill fjölskyldumaður
Það er því engin lognmolla í kring-
um Matthías sem er svo sannarlega
með mörg járn í eldinum. „Lífið er
gott og fjölbreytt. Ég er mikill fjöl-
skyldumaður og legg mikið upp úr
því að eiga góðar stundir með fjöl-
skyldunni og fylgja sonum mínum
eftir í því sem þeir eru að gera.“
Í sumar stefnir fjölskyldan til
Gautaborgar í Svíþjóð þar sem
yngsti sonurinn keppir í hand-
bolta á Partille Cup. „Elsti sonur
okkar spilar fótbolta og miðju-
sonurinn er í handbolta og við
reynum að mæta á sem flesta leiki.
Sumrinu ætlum við að halda opnu
og reynum að skella okkur í styttri
ferðalög innanlands og utanlands.
Það sem er þó á óskalistanum er
Bræðslan og Fiskidagurinn mikli.“
Þar sem mikill tími hjónanna
fer í að fylgja sonunum milli
ólíkra íþróttavalla, auk þess sem
Matthías er sjálfur á fullu í spila-
mennsku um helgar, eru allar
helgar sem þau ná að verja saman
draumahelgar. „Þá njótum við
þess að spjalla saman, spila, elda
góðan mat og gera ýmislegt annað
skemmtilegt.“ n
Tónlistina höfum
við verið að kryfja
niður í smáatriði og
undirbúningur lofar
góðu. Gestir mega því
eiga von á góðu kvöldi
fyrir öll skynfærin.
Matthías Matthíasson
info@arcticstar.is - www.arcticstar.is
Síðumúli 31 - 108 Reykjavik - S: 562-9018 / 898-5618
MARINE COLLAGEN
Kollagen er eitt helsta uppbyggingarprótein líkamans.
Kollagen er að finna í öllum liðum, liðamótum, vöðvum,
sinum og beinum mannslíkamans.
Arctic Star Marine Collagen inniheldur
íslensk sæbjúgu, kollagen úr þorskroði
og C vítamíni.
C vítamín er þekkt fyrir:
• Stuðlar að eðlilegri myndun kollagens
fyrir starfsemi brjósks, beina og húðar.
• Stuðlar að eðlilegri starfsemi tauga-
kerfisins og ónæmiskerfisins.
• Stuðlar að því að verja frumur fyrir
oxunarálagi og draga úr þreytu og lúa.
• Stuðlar að endurnýjun afoxaðs forms
E-vítamíns og auka upptöku járns.
• Stuðlar að eðlilegum orkugæfum
efnaskiptum.
ÍSLENSK FRAMLEIÐSLA,
Framleiðandi er Arctic Star ehf.
Allar nánari upplýsingar fast www.arcticstar.is
Arctic Star Marine Collagen
Varan fæst í flestum apótekum, heilsubúðum,
Hagkaupum, Fjarðakaup og Heimkaup.is
2 kynningarblað A L LT 13. janúar 2023 FÖSTUDAGUR