Veiðimaðurinn - 01.12.1989, Síða 40

Fljótir í land, hann Orri er kominn í eftirlitsferð!
í fyrsta lagi er það sú hugarfarsbreyting
sem hefur orðið gagnvart þessu ólöglega
athæfi. Fólk hefur hingað til gjarnan litið á
það sem saklaust athæfi þó verið sé að
hnupla einum og einum laxi úr sjó. A þessu
hefur orðið mikil breyting og fólk lítur nú á
þetta sem rakinn dónaskap og ófyrirleitinn
þjófnað gagnvart bændum og stangaveiði-
mönnum. Það er líka vert að þakka góða
liðveislu frá fjölmiðlafólki.
í öðru lagi ber að nefna að í sumar kom
loksins út reglugerð frá Landbúnaðar-
ráðuneytinu sem setur þessari ólöglegu
sjóveiði (sem stunduð er undir yfírskini
silungsveiða) mjög þröngar skorður með
ýmsum tæknilegum atriðum. Veiðimála-
stjóri á þakkir skyldar fyrir hans framlag í
þessu og starfsmenn Landbúnaðarráðu-
neytisins stóðu mjög vel að verki.
Drauganet
Þá er ég kominn að drauganetunum sem
ég tel mikinn bölvald á grunnslóðum hér
við land.
I mörgum laxveiðiám og hafbeitar-
stöðvum varð í sumar vart við óvenjumikið
af netasærðum laxi. Einkum var þetta 2ja
ára lax úr sjó og vil ég nefna ána okkar,
Laxá í Aðaldal, og Vogalax þar sem
óvenjuhátt hlutfall 2ja ára laxa var með
netaförum.
Sumt af þessum laxi var með hálfgróin
netaför sem bendir til að a.m.k. hluti þeirra
hafi lent í netum við Vestur-Grænland.
38
VEIÐIMAÐURINN