Landsfundur Sjálfstæðisflokksins - 01.12.1967, Side 61

Fullvíst má telja, að öll þessi atriði hafi
verið til bóta. Útgáfa hins nýja bráðabirgða-
skírteinis hefur haft áhrif meðal unglinga,
sem fá útgefin skírteini í fyrsta sinn, en út-
gáfa fullnaðarskírteina hefst í júní-mánuði
næstkomandi. Þá er nú ætíð beitt bráðabirgða-
ökuleyfissviptingu í sambandi við ölvun við
akstur. Sektargerðir lögreglustjóra koma og
til með að auðvelda og hraða afgreiðslu kæra
vegna brota á umferðarlögunum.
Rannsóknarnefndin hefur enn eigi skilað
fullnaðarskýrslu. Nefndin hefur lagt mikla
vinnu í að framkvæma tölulega rannsókn
á öllum umferðarslysum í landinu (árin
1962—1964), sem gert er ráð fyrir, að
leiði í ljós ýmsar upplýsingar um fjölda um-
ferðarslysa, flokkun þeirra og eðli, flokkun
slasaðra og þeirra, sem slysum valda, slysa-
tíðni aldursflokka o.fl. — Nefndin hefur auk
þess unnið að könnun á ýmsum þáttum, sem
mikilvægir eru fyrir umferðaröryggi í land-
inu.
Nefndin gerir ráð fyrir því, að hún muni
skila lokatillögum sínum á fyrri hluta þessa
árs.
Hægri umferð.
Á síðasta ári samþykkti Alþingi lög um að
taka upp hægri umferð hér á landi á árinu
1968. Kveða lögin svo á, að það skuli gert í
apríl, maí eða júní-mánuði, á þeim degi, sem
dómsmálaráðherra ákveður að fenginni til-
lögu framkvæmdanefndar, sem um þetta fjall-
ar.
Til að annast framkvæmdir hefur verið
skipuð sérstök framkvæmdanefnd þriggja
manna. Með nefndinni starfar auk þess sér-
stakur framkvæmdastjóri, svo og tvær ráð-
gjafarnefndir, önnur um öryggismál, en hin
um tæknimál.
Umræður um hægri umferð hafa staðið
lengi yfir. Á árinu 1940 hafði verið ákveðið
að taka upp hægri umferð í ársbyrjun 1941.
Vegna dvalar brezks herliðs var þó fallið frá
þeirri ákvörðun.
Málið var síðan tekið upp á Alþingi 1962-
’63 og 1963-’64 og á grundvelli þingsálykt-
unartillögu, sem samþykkt var 13. maí 1964,
var hafinn undirbúningur að því að taka upp
hægri umferð.
Umferðarlaganefnd gerði áætlun um að-
gerðir, sem nauðsynlegar væru í sambandi við
breytinguna, og kostnað, sem því væri sam-
fara. Aðgerðir í sambandi við breytingar eru
einkum þær, að breyta þarf dyrabúnaði al-
menningsbifreiða og flytja þarf stýri nokk-
urra þeirra. Auk þess þarf að flytja um-
ferðarmerki og breyta umferðarljósum. Var
kostnaður við breytinguna áætlaður um 50
millj. kr. (verðlag í nóv. 1965). Samkvæmt
upplýsingum framkvæmdanefndar er gert ráð
fyrir því, að þessi áætlun muni standast.
Til að standa undir kostnaði þessum hefur
verið lagður á sérstakur skattur, sem lagður
er á bifreiðir allar, og innheimtur verður á
fjórum árum, 1967-1970.
í stuttu máli eru rökin fyrir breytingu í
hægri umferð þessi:
1. Hægri umferð er meginreglan í umferð á
landi.
2. Mörg lönd með vinstri umferð hafa á síð-
ari áratugum skipt í hægri umferð.
3. Alþjóðareglur um umferð á sjó og í lofti
miðast við hægri umferð.
4. Bifreiðir eru yfirleitt framleiddar með
stýri vinstra megin, og veitir sá búnaður
ökumönnum betri yfirsýn og meira öryggi
í hægri umferð. Eigi eru allar gerðir bif-
reiða framleiddar þannig að henti vinstri
umferð. 1 sumum tilvikum eru bifreiðir,
er henta vinstri umferð nú verulega dýr-
ari.
5. Slysahættan er mikil af því að hafa mis-
munandi umferðarreglur og er stöðug og
vaxandi, en hættan af breytingu er hins
vegar tímabundin. Fullvíst má telja, að
kynningarstarfsemi í sambandi við breyt-
inguna muni hafa varanleg áhrif til að
bæta umferðina.
6. Kostnaður við breytingu vex ört, ef dregið
verður að framkvæma hana. Sá kostnaðar-
auki verður einkum vegna væntanlegra
umferðai'mannvirkja.
Við meðferð málsins á Alþingi 1963-’64 var
leitað umsagnar ýmissa aðila. Meðal þeirra,
sem mælt hafa með hægri umferð eru aðal-
fundur Félags íslenzkra bifreiðaeigenda, árs-
þing Landssambands vörubifreiðastjóra, Sam-
band Bindindisfélags ökumanna. Einnig hefur
vegamálastjóri lýst yfir stuðningi við hægri
umferð, svo og umferðarnefnd Reykjavíkur, en
í henni eiga m.a. sæti lögreglustjóri og borg-
arverkfræðingur.
59