Fréttablaðið - 29.03.2023, Blaðsíða 14

Guðmundur Kári segir að þegar
hann var í grunnskóla hafi fótbolti
oftast verið eina íþróttin sem stóð
til boða að æfa þó stundum væru
aðrar íþróttir í boði tímabundið.
Hann lét það þó ekki stoppa sig
og þegar hann var í 7. bekk keyrði
mamma hans hann einu sinni í
viku á fimleikaæfingar á Akranesi.
„Þegar ég var í 8. bekk fékk ég svo
að búa á Akranesi og fékk að æfa
þar. En svo flutti ég aftur í Búðar-
dal í 9. og 10. bekk, þá gat ég ekkert
æft. Ég byrjaði ekki aftur fyrr en í
framhaldsskóla og ég vil meina að
þá hafi ég í alvörunni byrjað að æfa
fimleika,“ segir Guðmundur.
Þrátt fyrir að hafa byrjað þetta
seint komst hann inn í karla-
landsliðið í hópfimleikum og
keppti á tveimur Evrópumótum
fyrir Íslands hönd, í Slóveníu árið
2016 og Portúgal árið 2018, í bæði
skiptin komst íslenska liðið á verð-
launapall og strákarnir fóru heim
með brons.
Spurður að því hvort það teljist
ekki góður árangur að komast
í landslið þrátt fyrir að hafa
byrjað svona seint svarar hann:
„Jú, örugglega. Ég var bara alltaf að
æfa sjálfur. Ég átti trampólín og á
veturna setti ég það inn í fjós. Ég
var endalaust að hoppa og skoppa
á trampólíninu bæði á sumrin og
veturna og ég notaði líka túnin
heima til að æfa mig.“
Tímastjórnum aðalatriðið
Núna er Guðmundur Kári aftur
fluttur í sveitina og starfar sem
umsjónarkennari á efsta stigi í
Auðarskóla í Búðardal. Auk þess
lærir hann sálfræði í Háskólanum
á Akureyri í fjarnámi, vinnur
á markaðsstofu og starfar sem
umönnunaraðili á hjúkrunar-
heimili. En það er ekki allt, hann
æfir líka langhlaup og hefur keppt
í nokkrum últra-hlaupum, gerir
reglulega styrktaræfingar, hjólar
gjarnan fram og til baka í vinnuna
16 kílómetra hvora leið og þjálfar
börnin í Búðardal í fimleikum. Það
er því ljóst að Guðmundur heldur
mörgum boltum á lofti og því ekki
úr vegi að spyrja hann hvernig
hann fari að þessu öllu saman.
„Ég reyni að haga tíma mínum
þannig að ég nái alltaf að taka
æfingu. Eins og til dæmis í morgun
þá hjólaði ég í vinnuna. Það eru 16
kílómetrar og tók 40 mínútur. Það
er geggjað að ná að tikka inn 40
mínútum núna og svo 40 mínútum
á eftir, þá er ég kominn með 80
mínútna úthaldsæfingu. Ég skipu-
legg mig mjög vel svo æfingarnar
taki ekki of langan tíma og ég
passa alltaf að vera búinn að borða
þegar ég klára vinnuna. Tíma-
stjórnun er aðalatriðið,“ segir þessi
ungi athafnasami maður og segir
alls ekkert erfitt að samræma alla
þessa vinnu við háskólanámið.
„Ef maður hugsar að það sé erfitt
þá er það erfitt. En ef maður hefur
nóg sjálfstraust, elju og aga, þá er
þetta ekkert mál. Án þess væri
þetta ekki hægt. Það þýðir ekkert
bara að setjast upp í sófa og horfa
á þætti,“ segir hann og svarar því
játandi að hann hafi lært aga þegar
hann æfði fimleika.
„Að æfa afreksíþróttir með skóla
og vinnu, það er bara þetta, að læra
að haga tíma sínum vel. Maður
lærir mjög mikið á því. Það er
náttúrulega mikil skuldbinding að
vera afreksmaður í íþrótt, þú beilar
ekkert á æfingu þó það vanti upp á
lærdóm.“
Góð æfingaaðstaða skiptir öllu
Guðmundur segir að aðstaðan til
æfinga í Búðardal sé því miður ekki
sú besta.
„Við erum með líkamsrækt en
hún er í raun bara rekin af gömlu
íþróttafélagi sem er sjálfboðastarf í
sveitinni. Það er ungmennafélagið
Ólafur Pá sem heldur uppi ræktinni
en fimleikarnir þar sem ég þjálfa
eru hjá íþróttafélaginu Undra.“
Hann er ánægður með að geta
núna boðið krökkunum í Búðardal
upp á að æfa fimleika, en hann
þjálfar um það bil 30 börn.
„Það er mjög gaman. Við erum
líka búin að kaupa smá búnað, það
er komin loftdýna og trampólín
svo það er hægt að gera meira en
bara kollhnís,“ segir hann og bætir
við að honum finnist mjög mikil-
vægt að hafa íþróttaþjálfun í boði á
fámennum stöðum.
„Það er mikilvægt að fá þau til að
taka þátt í skipulagðri íþrótta- og
tómstundastarfsemi og líka að
hafa val um fleiri íþróttir en til
dæmis bara fótbolta.“
Guðmundi finnst það algjört
lykilatriði þegar kemur að því fyrir
hann að velja sér framtíðarbúsetu
að góð aðstaða sé á svæðinu til
æfinga.
„Það skiptir mig mjög miklu
máli. Mér finnst númer eitt,
tvö og þrjú að hafa sundlaug og
íþróttahús. Það er ekki sundlaug
í Búðardal, það þarf að keyra að
Laugum sem er um 20 mínútna
akstur, og það er ekkert íþróttahús
heldur. En það er í bígerð að fá
bæði íþróttahús og sundlaug. Ég
held að það eigi að hefja fram-
kvæmdir núna í sumar,“ segir hann
og bætir við að vonandi verði það
aðdráttarafl fyrir ungt fólk til að
koma í bæjarfélagið. Sjálfur segir
hann að ef hann fær starf við hæfi,
íþróttahús og sundlaug, þá sé hann
mjög sáttur í Búðardal.
Manneskjan heillar
Guðmundur er núna að vinna að
lokaverkefni sínu í sálfræðináminu
við HA en hann hefur áhuga á að
læra eitthvað meira tengt því.
„Það sem heillar mig mest við
sálfræðina er bara manneskjan.
Kannski helst að skoða af hverju
sumir ná árangri og aðrir ekki,
hvað er það sem þarf? Af hverju er
fólk svona misjafnt? Mig langar í
áframhaldandi nám í sálfræði, en
svo væri ég líka alveg til í að vera
kennari. Mér finnst mjög gaman
að kenna krökkunum og þó ég sé
bara í grunnnámi þá finnst mér
það nýtast mér mikið í kennslunni
hér,“ segir hann og bætir við að auk
íþróttaáhugans sé hann líka mjög
akademískt þenkjandi.
„Ég er rosa hrifinn af bók-
menntum og tungumálum. Það
eru áhugamálin, fyrir utan íþrótt-
irnar,“ segir hann. En til að huga
að andlegri heilsu stundar Guð-
mundur leidda hugleiðslu.
„Mér finnst það hjálpa mér að
kjarna mig, að minna mig á gildin
mín og stefnuna sem ég vel að
taka í lífinu. Það hjálpar mér við
ákvarðanatöku í daglegu lífi. Hvort
ég ætla að velja mér súkkulaði
eða ávöxtinn eða hvort ég ætli að
setjast í sófann eða skrifa ritgerð-
ina mína.“ n
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
Guðmundur
hjólar stundum í
vinnuna, 16 kíló-
metra hvora leið
og nær þannig
80 mínútna út-
haldsæfingu. Sandra Guðrún
Guðmundsdóttir
sandragudrun
@frettabladid.is
Ef maður hugsar að
það sé erfitt, þá er
það erfitt. En ef maður
hefur nóg sjálfstraust,
elju og aga, þá er þetta
ekkert mál.
2 kynningarblað A L LT 29. mars 2023 MIÐVIKUDAGUR