Fréttablaðið - 29.03.2023, Blaðsíða 54

Það verða sko smyrsl
og sprey og allur pakk-
inn í bátnum.
BÍÓBÆRINN
MIÐVIKUDAGA KL. 20.00
Gunnar Anton og Árni Gestur
fara yfir þær kvikmyndir sem eru
væntanlegar í bíóhús landsmanna
og dusta einnig rykið af gömlum
gullmolum og fræða áhorfendur um
leyndardóma kvikmyndaheimsins.
arnartomas@frettabladid.is
Vegfarendur í miðbænum eru var-
aðir við ærandi hávaða frá hristum
ís og kokteilskeiðum á harðasnún-
ingi frá og með deginum í dag þegar
Reykjavík Cocktail Weekend hefst
og stendur yfir fram á sunnudag. Á
hátíðinni er að vanda að finna upp-
skeru úr kokteilamenningu Íslend-
inga en þar ber einnig að fagna
stórafmæli.
„Þetta er í níunda skipti sem við
höldum hátíðina en í ár er Barþjóna-
klúbbur Íslands, sem stendur fyrir
hátíðinni, sextíu ára svo að hátíða-
höldin verða sérstaklega vegleg,“
segir Ómar Vilhelmsson, einn af
skipuleggjendum hátíðarinnar.
„Það eru yfir þrjátíu staðir sem taka
þátt, hver með sinn sérútbúna kok-
teilaseðil, á betri prísum en gengur
og gerist, í boði um hátíðina.“
Barþjónaklúbburinn var stofn-
aður þann 10. apríl 1963 á fundi
í veitingahúsinu Nausti að við-
stöddum forseta alþjóðasamtaka
barþjóna, Kurt Sörensen. Starfandi
barþjónar á Íslandi höfðu þá talið
nauðsyn að koma á fót klúbbi hér á
landi eftir að hafa fengið boð á mót
alþjóðasamtakanna sem fór fram í
Noregi tveimur árum áður.
Stærsti viðburður hátíðarinnar
verður svo á morgun þar sem
Íslandsmót barþjóna og vörukynn-
ingar helstu vínbirgja landsins fer
fram í Gamla bíói.
Þá geta metnaðarfyllri sötrarar
einnig reynt að slípa sig í eigin kok-
teilagerð.
„Það er fullt af námskeiðum
í gangi þar sem fólk getur farið
og fræðst og smakkað sína eigin
drykki,“ segir Ómar.
„Þetta er ekki bara drykkja held-
ur líka fróðleikur. Maður verður að
passa upp á jafnvægið!“ n
Kokteilar hristir og hrærðir enn á ný
Þetta er í níunda skipti sem hátíðin
er haldin, nú í enn veglegra formi.
Veiga Grétarsdóttir undirbýr
sig nú fyrir kajakróður í meira
lagi þar sem hún mun sigla
um þrjú þúsund kílómetra
niður strandlengju Noregs.
arnartomas@frettabladid.is
Kajakræðarinn Veiga Grétars-
dóttir vakti talsverða athygli fyrir
nokkrum árum þegar hún reri kajak
sínum umhverfis Ísland. Hún er nú
í óðaönn að undirbúa sig fyrir aðra
ferð í stærri kantinum þar sem hún
mun sigla með fram strönd Noregs.
„Þetta byrjaði allt í hringferðinni
2019. Þá var eitt sem setti skugga
á ferðina en það var allt ruslið í
kringum Ísland,“ segir Veiga. „Það
var samt líka frábær ferð því maður
fær að upplifa landið á svo einstak-
an hátt að mig langaði að fara í aðra
ferð.“
Veiga hefur sjálf sterkar taugar til
Noregs því afi hennar var norskur
auk þess sem hún bjó þar um tíma.
Noregur varð því fyrir valinu og
kom Veiga sér í samband við kvik-
myndaframleiðandann Hrafnhildi
Gunnarsdóttur og úr varð að fjórir
heimildaþættir verða framleiddir
þar sem Veiga mun róa í Noregi,
Svíþjóð og Finnlandi auk þess sem
hún hefur róið umhverfis hálft
Ísland aftur.
„Við ætlum að gera einn þátt um
hvert land þar sem við munum
fókusera á það einstaka sjónarhorn
sem ég hef við róðurinn,“ segir hún.
Þungur róður
Í næstu viku tekur Veiga svo ferj-
una til Noregs þar sem við tekur
mikill undirbúningur.
Þar sem að Veiga hefur þurft að
fjármagna ferðalagið með fyrir-
lestrum og öðru upp á síðkastið
hefur ekki gefist jafnmikill tími til
æfinga og hefði mátt vona.
„Ég hef ekki farið á sjó núna í þrjár
vikur en mun nota fyrstu dagana til
að koma mér aftur í form,“ útskýrir
hún. „Ég byrja þá bara rólega en gef
svo í.“
Leiðin er alls um þrjú þúsund
kílómetrar og hefst við landamæri
Noregs og Rússlands í Jakobsá.
Þaðan mun Veiga róa suður alla
leið að landamærum Svíþjóðar og
Noregs.
„Ísland er talið með erfiðari lönd-
um sem hægt er að róa í kringum og
ég held að stærsta áskorunin verði
nyrst í Noregi, frá landamærunum
að Hammerfest,“ segir hún. „Eftir
það geta tekið við harðir straumar
og annað.“
Vængjaða váin
Áskorunin sem Veiga kvíðir þó mest
er flugur.
„Það eru moskítóflugur þarna í
norðurhluta Noregs og ég er mjög
viðkvæm fyrir þeim út af ofnæmis-
viðbrögðum,“ segir Veiga sem ætlar
sér að vera vel búin smyrslum og
öðrum vörnum gegn vængjuðu
vánni. „Það verða sko smyrsl og
sprey og allur pakkinn í bátnum.“
Veiga segist ekki geta sagt til um
hversu langt verði róið á hverjum
degi enda geti svona ferð ráðist að
miklu leyti af veðráttu. Auk róð-
ursins segist hún hlakka til að heim-
sækja Noreg þar sem hún mun meðal
annars hitta vini sína í Drammen þar
sem hún átti heima í nokkur ár.
„Svo hlakka ég til að róa í gegnum
Álasund. Afi minn var fæddur og
uppalinn þar og maður hefur heyrt
ýmsar sögur af prakkarastrikum
hans þar,“ segir Veiga. „Að róa á
þessum slóðum þar sem hann var
sem krakki verður frábært.“ n
Kvíðir mest flugunum
Veiga við Geldinganes í febrúar. Mynd/Aðsend
22 lífið FRÉTTABLAÐIÐ 29. mARs 2023
MiðViKUDAGUR