Fréttablaðið - 29.03.2023, Blaðsíða 26

Laufið er nýsköpunarfyrir-
tæki sem hefur í rúmlega
tvö ár verið að þróa staf-
rænan vettvang fyrir
fyrirtæki í vegferð að sjálf-
bærum fyrirtækjarekstri og
er jafnframt fyrsta græna
upplýsingaveitan á Íslandi.
Markhópurinn er lítil og
meðalstór fyrirtæki.
„Hugbúnaðurinn okkar leiðir
fyrirtæki áfram í raunhæfum
aðgerðum sem hjálpa þeim að
draga úr umhverfisáhrifum
þeirra. Allt sem fyrirtæki gera
í kerfinu birtist svo á upp-
lýsingaveitunni laufid.is. Þar
getur almenningur séð hvernig
fyrirtæki sem eru í Laufinu eru
að standa sig í umhverfis- og
sjálf bærnimálum og borið saman
fyrirtæki,“ segir Raquelita Rós
Aguilar, framkvæmdastjóri Laufs-
ins sem er nýsköpunarfyrirtæki
sem hefur í rúmlega tvö ár verið
að þróa stafrænan vettvang fyrir
fyrirtæki í vegferð að sjálf bærum
fyrirtækjarekstri og er jafnframt
fyrsta græna upplýsingaveitan á
Íslandi.
„Hugmyndin er að valdefla
bæði fyrirtækin til að standa sig
gagnvart umhverfinu og þar af
leiðandi viðskiptavinum sínum
en einnig að neytendur geti tekið
upplýstari ákvörðun um hvar og
við hverja þau stunda viðskipti.
Mikill metnaður er hjá mörgum
fyrirtækjum að vera framarlega
á sviði umhverfis- og sjálf bærni-
mála og geta sýnt þann árangur,
bæði viðskiptavinum sínum en
einnig til að vera fyrirmynd fyrir
önnur fyrirtæki.
Hugbúnaðurinn okkar vinnur
vel með öðrum lausnum og
þjónustum sem eru á markaðnum
og er kerfið er hugsað sem verk-
færakassi fyrirtækja þar sem þú
getur komið með þín verkfæri
hvaðan sem er. Sem dæmi þá setja
fyrirtæki inn þær vottanir sem
þau hafa öðlast, merkja við þau
skref eða aðgerðir sem þau hafa
nú þegar tekið og þannig höldum
við utan um vegferðina þeirra á
einum stað með þann valkost að
hafa meiri sýnileika út á við.“
Græn skref atvinnulífsins
Stjórnendakerfið er stafrænn
vettvangur sem hjálpar stjórn-
endum áfram í einföldum en
mikilvægum aðgerðum sem draga
úr umhverfisspori og hjálpa til
við að stuðla að ábyrgu samfélagi
og sjálf bærum fyrirtækjarekstri.
„Græn skref atvinnulífsins, sem
eru hluti af stjórnendakerfinu,
eru einnig að stórum hluta byggð
á Grænum skrefum Umhverfis-
stofnunar sem stofnunin hefur
rekið síðan 2014.
Aðlögun að grænu skrefunum
í hugbúnaðinn hefur verið unnin
í góðu samtali við Umhverfis-
stofnun. Þetta eru 118 skref og
hver og einn velur viðeigandi skref
út frá sínum rekstri. Hugsunin er
að gefa fyrirtækjum þennan sýni-
leika til að sýna hvar þau standa
í sínum umhverfismálum sem
og almenningi að taka upplýstar
ákvarðanir við hverja þeir versla
vöru eða þjónustu, eins og minnst
var á áðan, eða hjá hverjum fólk
er að vinna. Fólk vill vita þetta.
Komandi kynslóðir vilja vinna
hjá fyrirtæki sem huga að þessu.
Þannig að gagnsæi og sýnileiki
skiptir bæði fyrirtækin og neyt-
endur máli. Við erum að hjálpa
fyrirtækjum með sinn sjálf bæra
rekstur; hjálpa þeim að taka þessi
skref. Þetta kerfi hjá okkur, þess-
hugbúnaður, stuðlar í rauninni að
og hvetur til sjálf bærs reksturs hjá
fyrirtækjum almennt í atvinnu-
lífinu.“
Raquelita segir að hingað til
hafi áherslan verið á lítil- og
meðalstór fyrirtæki sem þurfi
stuðning við að framkvæma
fyrstu skrefin í sjálf bærnivegferð
sinni eða vita ekki hvar þau eiga
að byrja. „Ástæðan er að það eru
fyrirtækin sem hafa ekki bolmagn
eða þekkingu í umhverfismálum,
langar til að gera eitthvað en vita
ekki hvað á að gera. Þannig að
kerfið okkar hjálpar þeim að taka
þessi skref og höfum við sett upp
leiðakerfi sem við köllum Laufa-
kerfið.
Þetta eru fimm lauf með mis-
munandi áherslur. Hvert lauf
inniheldur tvær eða f leiri aðgerðir
og skiptir ekki máli í hvaða röð
þú fyllir upp í laufin. Þegar þú
hefur fyllt upp í öll fimm laufin og
náð 50% af Grænu skrefunum þá
fá fyrirtæki viðurkenningu sem
við ætlum okkur að veita árlega.
Stærri fyrirtæki eða fyrirtæki
sem eru komin vel á veg í vegferð
sinni geta að sjálfsögðu nýtt sér
hugbúnaðinn og erum við með
viðskiptavini sem falla þar undir,
enda er hugbúnaðurinn hugsaður
fyrir allar tegundir og stærðir
fyrirtækja. Við erum því í raun
ekki að gera neitt nýtt; við erum
bara búin að þróa vandaða lausn
sem gerir þessa vegferð yfirstígan-
lega og einfaldari fyrir fyrirtæki.“
Viðmið vottana
Hugmyndin að Laufinu varð til
árið 2020 og hefur mikil gagnaöfl-
un og samtöl við þekkingaraðila
og sérfræðinga átt sér stað til að
styrkja hugmyndina.
„Við þróun á Laufakerfinu voru
viðmið vottana eins og Svansins,
ISO 14001, Evrópublómsins, Bra
Miljöval og Bláa Engilsins rýndar.
Einnig voru skoðuð viðmið til
dæmis f lokkunarkerfis ESB, Euro-
pean Commission GPP, Handbók
Festu og heimsmarkmið Sam-
einuðu þjóðanna voru jafnframt
skoðuð.“
Laufið er ekki vottunaraðili en
hugbúnaðurinn byggist aftur á
móti á fyrrgreindum viðmiðum.
Raquelita segir að stór fyrirtæki
vilji tengja sig við heimsmarkmið
Sameinuðu þjóðanna en að minni
og meðalstór fyrirtæki, sem eru
um 80% íslenskra fyrirtækja, eigi
oft erfitt með að tengja sig við
þau. „Okkur langar þess vegna að
hjálpa þeim líka þarna.
Við viljum hafa þetta þannig að
við séum með leiðandi kerfi fyrir
heimsmarkmiðin þar sem við
spyrjum spurninga og svo komum
við með tillögur út frá svörunum
og þannig getur viðkomandi tengt
sig betur við heimsmarkmið en
þessi hugmynd er á teikniborðinu
hjá okkur núna. Það er stöðug
þróun í gangi og erum við með
stóran vegvísi (e. roadmap) yfir
hvað við ætlum okkur að gera
næstu mánuði og ár; við erum
bara rétt að byrja. Það er nefnilega
svo margt sem hægt er að gera en
við ákváðum að byrja með yfir-
stíganleg skref fyrir fyrirtækin.“
Komandi kynslóðir
Raquelita segir að það fylgi því
hagræðing í fyrirtækjarekstri að
taka skrefin í átt að sjálf bærum
og umhverfisvænum rekstri. „Við
höfum upplifað það að fyrir-
tæki og stofnanir hafa dregið úr
rekstrarkostnaði með því að fylgja
Laufakerfinu og Grænum skrefum
atvinnulífsins til dæmis hvað
varðar orkureikninga og sorp-
hirðu.
Það er líka annað sem vert er að
hafa í huga en það er að f lest fram-
sækin fyrirtæki eru farin af stað
í þessa vegferð því að þau vita að
komandi kynslóðir velja þjónustu
og störf út frá þessum þáttum og
ef fyrirtæki eru ekki að standa
sig í þessum málum þá fara þau
annað.
Við verðum að átta okkur á
að eftir um það bil sjö ár verða
alpha-, Z- og Y-kynslóðirnar um
80% af vinnuafli heimsins, sem
eru 35 ára og yngri, en samkvæmt
Íslensku kynslóðamælingunni
eru þetta kynslóðirnar sem eru
hvað mest meðvitaðar um áhrif
umhverfis- og sjálf bærnimála og
hafa áhyggjur af hlýnun jarðar.
Laufið gefur því fyrirtækjum
samkeppnisforskot, hugarró
og stuðning ásamt sýnileika til
almennings.“ n
Raquelita segir að hugmyndin að Laufinu hafi orðið til árið 2020 og hefur mikil gagnaöflun og samtöl við þekkingaraðila og sérfræðinga átt sér stað til að styrkja hugmyndina. FRÉTTABLAÐIÐ/ERNIR
Hugbúnaður sem
hjálpar fyrirtækjum í
sjálfbærnivegferð sinni
Hugmyndin er að
valdefla bæði
fyrirtækin til að standa
sig gagnvart umhverf-
inu og þar af leiðandi
viðskiptavinum sínum
en einnig að neytendur
geti tekið upplýstari
ákvörðun um hvar og
við hverja þau stunda
viðskipti.
Raquelita Rós Aguilar
12 kynningarblað 29. mars 2023 MIÐVIKUDAGURSjálfbærni í rekStri