AVS. Arkitektúr verktækni skipulag - 01.12.1997, Side 24

STURLA BOÐVARSSON, ALÞINGISMAÐUR
STEFNA OPINBERRA AÐILA I
ÍSLENSKRI MANNVIRKJAGERÐ
Sjónarmið þingmanns Sjálfstæðisflokksins.
Hlutverk stjórnmálaflokka í lýðræðis-
ríkjum er mikilvægt. „Viðskipti"
stjórnmálaflokka við þjóðina þurfa að
vera líkt og viðskipti húsbyggjenda
við trausta hönnuði og verktaka.
Þjóðin þarf að geta treyst á „viðskipt-
in“ og geta verið viss um að stefnan sem boðuð var
í gær standi út verktímann, svo notað sé líkinga-
mál. Sumar stjórnmálahreyfingar gera út á breyt-
ingar, og fyrr var talað um byltingu. Sjálfstæðis-
flokkurinn boðar hins vegar mikilvægi stöðugleik-
ans sem forsendu framtaks og framfara. Hlutverk
stjórnmálaflokkanna er að marka og framkvæma
stefnu sem mótar þjóðfélagið og skapar bætt skil-
yrði til búsetu í landinu.
Það er mér Ijúft sem áhugamanni um mannvirkja-
gerð og skylt sem þingmanni Sjálfstæðisflokksins
að gera nokkra grein fyrir stefnu flokksins viðvíkj-
andi íslenskri mannvirkjagerð. Afstaða mín sem
þingmanns Sjálfstæðisflokksins gagnvart íslenskri
mannvirkjagerð mótast annars vegar af grundvall-
arsjónarmiðum í stefnu flokksins, svo sem frelsi til
athafna, trúnni á einkaframtakið, takmörkuðum rík-
isumsvifum og hins vegar uppbyggingu, framför-
um og velmegun sem byggir á nýtingu auðlinda til
lands og sjávar. Það kallar eftir öflugri mannvirkja-
gerð á öllum sviðum hinnar opinberu þjónustu.
Varðar það allt innra og ytra þjónustukerfi lands-
ins, svo sem vegi, hafnir, flugvelli, skóla, félagslegt
húsnæðiskerfi og stofnanir.
Alla stefnumótun verður hins vegar að tengja hin-
um efnahagslega raunveruleika hverju sinni. Og
þar hefst vandi okkar stjórnmálamanna. Þar togast
á miklir hagsmunir, er varða heilbrigðis-, félags-,
mennta- og menningarmál. Og í dag er í tísku að
hafna steinsteypu en velja útgjöld til hátækniþjón-
ustu eða húsaleigubóta. Viljann til framkvæmda og
uppbyggingar verður eftir sem áður að tengja og
aðlaga aðstæðum svo ekki raskist markmið í efna-
hagsmálum. Framhjá því verður ekki litið eitt and-
artak.
ALMENN MARKMIÐ
Stefna opinberra aðila við mannvirkjagerð verður
að taka mið af aðstæðum og vera einkum mótuð af
langtíma markmiðum. Sem þingmaður Sjálfstæð-
isflokksins legg ég ríka áherslu á aukna menntun á
sviði byggingarlistar, verk- og tæknimenntunar.
Vönduð hönnun er lykill að framförum og framþró-
un við hvers konar mannvirkjagerð. Með aukinni
menntun og almennri þekkingu á sviði iðnaðar
ættu að geta skapast betri skilyrði fyrir íslensk fyr-
irtæki til þess að takast á við þá samkeppni sem er
óhjákvæmileg innan hins Evrópska efnahags-
svæðis. Stefna Sjálfstæðisflokksins er og hefur
verið sú að kosti hins frjálsa markaðar eigi að nýta
á sviði mannvirkjagerðar. Með því verði hagsmun-
ir allra aðila best tryggðir. Undirbúningur, fram-
kvæmd og eftirlit við mannvirkjagerð á að vera í
höndum félaga eða einstaklinga.
ÚTBOÐSSTEFNA OG ÍSLENSKUR MARKAÐ-
UR
íslenskur byggingariðnaður nýtur verndar þeirrar
fjarlægðar sem lega landsins skapar. Sjálfstæðis-
flokkurinn hefur haft forystu um að móta útboðs-
stefnu við mannvirkjagerð á vegum hins opinbera.
Þar njóta kostir hins frjálsa markaðar sín og tryggj-
a jafnræði milli þeirra sem bjóða í gerð mannvirkja
J
22