AVS. Arkitektúr verktækni skipulag - 01.09.2003, Blaðsíða 33

„Skartgripir eiga að höfða til
skynjunarinnar og hjartans. Þeir
eiga að enduróma tilfinningar okk-
ar. Ekkert okkar er fullkomið.
Þannig eru skartgripir einnig.
Fullkominn skartgripur skapar fjar-
lægð og tilfinning okkar um feg-
urð veikist."
Svo mælir Liv Blávarp, norskur
skartgripahönnuður sem setti upp
glæsilega sýningu í Norræna hús-
inu í ágúst-október. Liv sem er
menntaður málmsmiður og
skartgripahönnuður, kemur úr fjöl-
skyldu húsgagnahönnuða og
byrjaði snemma að fást við að
smíða úr tré. Hún notar fjölbreyti-
legustu viðartegundir i skartið og
fellir gjarnan horn og bein inn í
heildarformið. Litirnir eru stundum
skarpir, stundum mjúkir. Hún nær
fram litbrigðum og áferð sem er
þannig að mann langar til þess að
snerta. Persónulegt, Ijóðrænt,
tónlistarlegt og myndlistarlegt -
náttúrlegt.
Hálsfesti eða kragi
Gripirnir eru hannaðir til þess að
snerta þá, en eru þó einnig sjálf-
stæð form, skúlptúrar sem lúta
sínum eigin lögmálum, fagrir, hvar
sem á þá er litið. Að utan sterk
heilsteypt form sem eru búin til úr
ótal smáum einingum sem elta
hver aðra, sveigjast og bylgjast.
Samsetningar og læsingar eru úr
málmi sem hulinn er augum
áhorfanda. Víða gefur að líta ein-
staklega vel heppnaða tækni-
lausn, verkfræðilega heillandi. Liv
talar um verk sín eins og tónskáld
og spyr spurninga. Breytileg form,
vatn er alltaf vatn, en hvaða form
hefur vatnið? Hvaða form hefur
líkaminn? Form taka breytingum
með hreyfingum.Hún dregur upp
myndrænar minningar úr upp-
vextinum: Fyrsta reynsla mín af að
vinna með dýrt efni. Já, ég man
vel eftir þér fr. Western. Hún stillir
upp sögulegum tengingum. Hats-
hepsut, egypski kven-faraóinn
sem með eigin hendi setti tvær
kórónur á höfuð sér. Hatshepsut
er hjartfólgin Liv.
Verk Liv bera nöfn með skírskot-
un í sögu og náttúru: Hálsmen
fyrir Jóhönnu af Örk, Cesaria,
Venus, Buffaló og fugl. Þau eru öll
unnin í tré eins og áður sagði og
má þar nefna viðartegundir eins
og hlyn, birki, mahogny og brún-
spón. Brúnspónn eða puchenholz
er eldri íslendingum að góðu
kunnur, enda notaður í
hrífutinda áður en nýrri efni leystu
viðinn af hölmi. Viðurinn, sem er
einn harðasti viður í heimi, erí dag
einkum notaður í fínustu útskurð-
arhluti, og er áberandi í nýjasta
verki Liv.
Skilin á milli menningarheima,
lista, handverks og hönnunar
fléttast saman í verkum Liv
Blávarp og þau eru einstök. Bylgj-
ur, þéttur rythmi, sveigja, mýkt.
Skartgripir hennar tjá þetta allt. ■
Verkin í Norræna húsinu eru öll í
eigu Bandaríkjamanna, utan eitt
sem er í eigu Noregsdrottningar.
31