AVS. Arkitektúr verktækni skipulag - 01.09.2003, Blaðsíða 10

Vilhjálmur Þ. Vilhjálmsson, borgarfulltrúi og formaður stjórnar hjúkrunarheimilisins Eirar
Gerum betur fyrir
aldraða
Þrátt fyrir að margt jákvætt hafi
unnist í málefnum aldraðra á und-
anförnum áratugum er Ijóst að
betur má gera og verður að gera í
ýmsum hagsmunamálum eldri
borgara í landinu. í störfum mín-
um sem borgarfulltrúi og einnig
sem formaður hjúkrunarheimilisins
Eirar í Grafarvogi hef ég kynnst
þessum málum ágætlega. það
eru einkum eftirfarandi atriði sem
ég tel að leggja eigi áherslu á í
þeim tilgangi að bæta kjör eldri
borgara og aðstöðu þeirra:
1. Hækkun á ellilífeyri til þeirra
sem hafa lítil eftirlaun og einnig
frekari niðurfellingu á fasteigna-
skatti og afnám eignaskatta.
2. Fjölga valmöguleikum aldraðs
fólks í húsnæðismálum utan hefð-
bundinna þjónustu- og hjúkrunar-
heimila.
3. Tryggja öldruðum, sem búa
heima, nauðsynlega heimahjúkrun
og félagsþjónustu.
4. Tryggja þeim einstaklingum,
sem samkvæmt vistunarmati hafa
afar brýna þörf fyrir vistun á þjón-
ustu- eða hjúkrunarheimilum, við-
eigandi úrræði.
5. Auðvelda eldri borgurum að-
gengi að fjölbreyttu félagsstarfi og
lágmarka þátttökukostnað þeirra í
slíku starfi.
6. Auka möguleika þeirra eftir-
launaþega, sem þess óska, á
áframhaldandi
þátttöku í atvinnulífinu, t.d. með
hlutastarfi.
Um Eir
Ég mun hér á eftir leitast við að
gera grein fyrir þeirri hugmynda-
fræði sem býr að baki reksturs
Eirar og þeim möguleikum sem
það heimili hefur upp á að bjóða.
Eir er sjálfseignarstofnun sem
standa að 11 stofnanir, félaga-
samtök og sveitarfélög. Markmið-
ið með stofnun Eirar var að koma
á fót öflugri þjónustu fyrir aldraða
þar sem leitast væri við að bjóða
fjölbreyttari úrræði með hag-
kvæmari hætti. Oft hefurviljað
brenna við að menn litu aðeins á
eina lausn, en gleymdu að þarfir
manna eru margbreytilegar og því
eðlilegt að leita mismunandi úr-
ræða í þjónustu þannig að sjálf-
stæði og þörfum hvers einstak-
lings sé mætt.
Þetta hefur tekist í Eir. Segja má
að Eir sé nú orðið öldrunarsetur
þar sem sameinuð eru flest þau
úrræði sem í boði eru í dag fyrir
aldraða sjúka. Þar er að finna vel
búnar almennar deildir og sér-
hæfðar hjúkrunardeildir fyrir heila-
bilaða með hegðunarvanda og
blinda og sjónskerta samtals 120
manns, sambýli í Eirarholti fyrir 9
manns. Einnig er um skammtíma-
vistanir eða hvíldarinnlagnir að
ræða þar sem árlegar innlagnir
eru um 90.
Ætíð er hugað að nauðsyn þess
að hönnun húsnæðis sé í sam-
ræmi við þarfir íbúa og jafnframt
að gætt sé að því að starfsað-
stæður séu eins og best verður
á kosið.
8
j