Bændablaðið - 23.02.2023, Blaðsíða 18

18 Bændablaðið | Fimmtudagur 23. febrúar 2023
HAGTÖLUR LANDBÚNAÐARINS
Nýlega birti Hagstofa Íslands niðurstöðu
afkomurannsóknar landbúnaðarins fyrir
árið 2021. Samanburður við árið á undan var
jákvæður að flestu leyti.
Hagnaður þeirra fimm landbúnaðargreina
sem falla undir rannsóknina þrefaldaðist á milli
ára og nam 2,1 milljarði króna, samanborið við
tæpar 700 milljónir árið á undan. Mest munaði
um breytingu í loðdýrarækt þar sem 107 milljóna
króna tapið árið 2020 snerist í 103 milljóna króna
hagnað og var það í fyrsta sinn frá árinu 2013
sem búgreinin skilar hagnaði, sauðfjárrækt sneri
einnig 94 milljóna króna tapi í 667 milljóna króna
hagnað. Ein búgrein af þessum fimm skilaði tapi
árið 2022 og það var holdanautarækt.
Á árinu jukust tekjur í ofangreindum
landbúnaðargreinum um 6%, sem var bæði
umfram verðbólgu og umtalsvert umfram hækkun
rekstrarkostnaðar. Bætt afkoma leiddi af sér bætta
fjárhagstöðu. Eigið fé í landbúnaði jókst um 15% á
meðan langtímaskuldir jukust um 1%. Töluverður
munur var þó þarna eftir búgreinum. Í tilfelli
sauðfjárræktar og garðræktar jukust skuldir svipað
mikið og aukning eigin fjár.
Hagnaður jókst í landbúnaði
árið 2021 en býlum fækkar örar
Á undanförum 10 árum hefur verið töluverð fækkun býla
enda hefur afkoman ekki alltaf verið jafn jákvæð og árið 2021.
Frá árinu 2011 til ársins 2021 fækkaði býlum um 15%.
Mest munaði þar um fækkun um 300 sauðfjárbýli, sem nemur
18% fækkun, og 27 holdanautsræktenda sem er 24% fækkun.
Skriðþunginn í fækkun býla er að aukast. Á árunum
2016-2021 hefur fækkunin að meðaltali verið 64 býli á ári
samanborið við aðeins átta býli árin 2011-2015. /SFB
Tegund býla 2011 2021 Mismunur
Sauðfjárrækt 1.679 1.380 -18%
Ræktun mjólkurkúa (kúabú) 699 644 -8%
Önnur nautgriparækt 111 84 -24%
Garðrækt 228 214 -6%
Loðdýrarækt 41 30 -27%
Samtals 2.758 2.352 -15%
Markaðir
154,1 kr
Evra
144,5 kr
USD
175,26 kr
Pund
322,7779 kr
95 okt Bensín
327,3831 kr
Díesel
17,92 USD
Mjólk (USD/100 pund)
6,79 USD
Korn (USD/sekkur)
28,5 EUR
Kartöflur (EUR/100 kg)
1374 AUD
Ull (AUD/100 kg)
1,83 USD
Ostur (USD/pund)
4558 EUR
Smjör (EUR/tonn)
Afkoma í landbúnaði
Breyting á fjölda býla á milli ára 2008-2021