Bændablaðið - 23.02.2023, Blaðsíða 43

43Bændablaðið | Fimmtudagur 23. febrúar 2023

Starf fagstjóra búfjárræktar og þjónustusviðs
Ráðgjafarmiðstöð landbúnaðarins auglýsir eftir fagstjóra búfjárræktar- og þjónustusviðs.
Starfs- og ábyrgðarsvið
• Faglegur leiðtogi og fyrirliði teymis sem vinnur að búfjárrækt og þjónustu í
landbúnaði.
• Fagsviðið hefur meðal annars umsjón með ræktunarstarfi búfjárkynja, almennri
þjónustu og ráðgjöf til landbúnaðar.
• Fagstjóri ber lykilábyrgð á stýringu mannauðs og gætir þess að ráðgjafar á sviðinu
nýtist sem best fyrir heildina.
• Fagstjóri ber ábyrgð að innan teymisins séu verkefni og ráðgjöf markviss.

Menntunar- og hæfniskröfur
• Háskólamenntun sem nýtist í starfi, framhaldsmenntun á sviði búvisinda,
raungreina, eða náttúruvísinda æskileg.
• Stjórnunarreynslu krafist.
• Þekking á verkefnastjórnun er kostur.
• Sjálfstæð og skipulögð vinnubrögð.
• Góðir samskiptahæfileikar.
Við leitum að einstaklingi með brennandi áhuga á landbúnaði í sínum víðasta skilningi og
hefur metnað og frumkvæði til að vinna að ráðgjafastarfsemi RML.
Ráðgjafarmiðstöð landbúnaðarins er ráðgjafarfyrirtæki í eigu bænda og sinnir
landbúnaðarráðgjöf um allt land. Starfsemin er dreifð um landið á 12 starfsstöðvum. Við
bendum áhugasömum á heimasíðu fyrirtækisins www.rml.is þar sem sótt er um starfið, en þar
er einnig hægt að kynna sér starfsemina enn frekar.
Umsóknarfrestur er til og með 5. mars. Nánari upplýsingar veita Karvel L. Karvelsson
klk@rml.is og Helga Halldórsóttir heh@rml.is

Íslensk framleiðsla
á Bílskúrs- og Iðnaðarhurðum
564-0013 | 865-1237
Eru gæðin á andrúmsloftinu í lagi? Er geymslulykt
þegar bústaðurinn eða hjólhýsið hafa staðið ónotuð?
K.Skúlason Ehf. . Sími 774.6220 . póstfang:sales@kskulason.is
Aerus Mobile fyrir
hjólhýsi og húsbíla
Pure & Clean fyrir
sumarbústaði
Hafðu samband við okkur og leyfðu okkur að kynna þér málið
Fyrir sumarbústaðinn, húsbílinn, hjólhýsið!
Jóna Árný Þórðardóttir, framkvæmdastóri Austurbrúar, Guðlaugur Þór
Þórðarson, umhverfis-, orku- og loftslagsráðherra og Sara Elísabet Svansdóttir,
sveitarstjóri Vopnafjarðarhrepps. Mynd / umhverfis-, orku- og loftslagsráðuneytið.
Matvælakjarni
matarfrumkvöðla
Á dögunum var undirrituð
viljayfirlýsing umhverfis-, orku-
og loftslagsráðuneytisins við
Austurbrú og Vopnafjarðarhrepp
um að stofnsetja matvælakjarna á
Vopnafirði.
Um vottað matvælavinnslurými
verður að ræða þar sem frumkvöðlar
og smáframleiðendur geta unnið að
framleiðslu og þróun.
„Verkefnið á að skila því að
við komum upp matvælakjarna á
Vopnafirði í samvinnu við Brim og
ráðuneytið. Ætlunin með þessu er að
auka neyslu afurða úr nærsamfélaginu
og auðvelda smáframleiðendum að
þróa hugmyndir sínar til nýsköpunar
og nýtingar hráefnis úr héraði,“
segir Sara Elísabet Svansdóttir,
sveitarstjóri Vopnafjarðarhrepps.
Útfærslan í sumarbyrjun
„Það er verið að skoða staðsetningar
fyrir starfsemina. Verkefnið er
algjörlega á frumstigi en við höfum
undirritað viljayfirlýsingu og
skuldbundið okkur til að vera búin að
útfæra verkefnið nánar, hlutverk og
skyldur þátttakenda í byrjun sumars.
Þarfagreining er eitt af því fyrsta sem
verður skoðað,“ segir Sara.
Hún segir að ýmis tækifæri séu
í því að hafa sláturhús í bænum og
öflugt sjávarútvegsfyrirtæki eins
og Brim.
Nýr starfsmaður Austurbrúar
á Vopnafirði
„Þetta nýja og spennandi verkefni
er í mótun. Nýlega var auglýst
eftir starfsmanni Austurbrúar sem
mun vinna að þessu verkefni ásamt
fleiri verkefnum á Vopnafirði,“
segir Jóna Árný Þórðardóttir,
framkvæmdastjóri Austurbrúar.
Verkefnið er hluti af áætluninni
Minni matarsóun – Aðgerðaráætlun
gegn matarsóun, sem gefin var út
á árinu 2021, og stefnumótandi
byggðaáætlun 2022–2036. /smh
Beinajarl krýndur
Gradualekór Langholtskirkju hélt
upp á kjötsúpuhátíð sunnudaginn
12. febrúar síðastliðinn.
Þar söng kórinn nokkur lög og
bauð upp á kjötsúpu, en aðalatriðið
var keppni í beinanagi þar
sem sigurvegarinn fékk nafnbótina
beinajarl. Fyrrum kórstjóri Graduale-
kórsins, Jón Stefánsson, stóð fyrir
Beinjarlskeppninni á árum áður og
er verið að endurvekja gamla hefð.
Kórinn er skipaður stúlkum tólf ára
og eldri og er stjórnað af Sunnu
Karenu Einarsdóttur.
Eitt helsta markmiðið með
þessum viðburði er að safna fé fyrir
ferðalagi á kóramót í Þýskalandi
næsta haust. Fjáröflunin mun halda
áfram næstu mánuði og vikur með
áframhaldandi tónleikahaldi og
öðrum viðburðum.
/ÁL
Gradualekórinn klár með kjötsúpuna. Myndir / Sólveig Kolbrún Pálsdóttir