Kirkjublaðið - 09.12.1946, Blaðsíða 23

Kirkjugarður á Kyrrahafsströnd
I marzmánuði 1944 dvaldi ég nokkra daga í Los
Angeles. Ég hafði heyrt marga dást að borginni og
hafði því gert mér háar hugmyndir um fegurð henn-
ar. Þær vonir brugðust ekki. Borgin er ein af glæsi-
legustu borgum heimsins, byggð af mikilli smekkvísi
og list. Veðurblíðan og sólskinið eiga líka sinn mikla
þátt í að setja unaðslegan blæ á hana og hefja stað-
inn upp úr hversdagsleikanum og grályndinu.
Það er auðséð á byggingunum, hinum glæsilegu
götum og lystigörðum borgarinnar, að bygginga-
meistararnir hafa verið listamenn. Ekkert virðist
hafa verið sparað til þess að klæða borgina fegurð
og skarti. í Hollywood, sem er einn hluti hennar, er
vafalaust margt á sviði listar og tækni, sem naumast
á sinn líka annars staðar. En einn er þó sá staður
í Los Angeles, sem mér er minnisstæðastur öllu því,
sem ég sá þar, en það er kirkjugarðurinn — F'orest
Lawn. Hann er 300 ekrur að stærð, og var til hans
stofnað árið 1906.
Þessi kirkjugarður minnir ekki á dauðann. Hann
minnir um fram allt á lífið og hina dýrðlegustu
fegurð þess. Þar eru fagrar grasbreiður og skógar-
lundir, og marglitir blómabeðir. Þar eru kyrrar,
spegilsléttar tjarnir. Söngur fuglanna kveður við,
er þeir fljúga léttilega frá einu tré til annars. Þar
eru hin fegurstu listaverk, hvar sem augað lítur.
Talið er, að þar muni flest og fegurst marmara-
líkneski saman komin í öllum Bandaríkjunum.
Mér þótti vænt um að fá tækifæri til þess að sjá
þennan stað. Það er engu líkara en að hann sé eins
konar óður, saminn eins og lofgjörð til lífsins. Víða
er eins og vonleysið grípi huga manns, þegar hugsað
er um útlit kirkjugarðanna. Þeir minna á átakanlegt
Frh. á bls. 35.