Ský - 01.08.2004, Blaðsíða 13

SAMNINGUR HALLDÓRS
OG DAVÍÐS ÓVENJULEGUR
„Það skiptir samt sem áður hinn almenna flokksmann miklu máli hvort
hans flokkur fer með forsæti eða ekki. Til dæmis eru margir sjálfstæðis-
menn hundfúlir yfir því að forsætisráðuneytið skuli færast yfir til Fram-
sóknarflokksins. Þeim finnst bæði að sinn maður hafi verið réttur mað-
ur á réttum stað og þar að auki sé Framsóknarflokkurinn minni flokkur.
A hinn bóginn var það auðvitað þannig að Framsóknarflokkurinn var (
oddastöðu eftir síðustu kosningar, hann gat valið. Hann hefði getað
myndað öðruvísi ríkisstjórn og ég tel að það hefði verið miklu erfiðara
fyrir Sjálfstæðisflokkinn að mynda ríkisstjórn með öðrum. Það má þv!
alveg eins spyrja: Af hverju gerði Halldór ekki kröfu um forsætis-
ráðherrastólinn strax að afloknum kosningum? Ef hann hefði viljað
verða forsætisráðherra og verið tilbúinn til þess að velja samstarfs-
flokka eftir því þá hefði hann getað það. En Halldór kaus að halda
áfram í þessu samstarfi og þessi óvenjulegi samningur varð niðurstað-
an af því. Þetta er svolítið skrítinn samningur og ég held í Ijósi reynsl-
unnar að hann hafi ekki endilega verið mjög skynsamlegur. Stjórnin
lenti í miklum ólgusjó í sumar og Halldór fékk á sig þá gagnrýni að
hann væri tilbúinn til þess að gera hvað sem er til þess að halda sam-
starfinu gangandi, bara af því að hann yrði forsætisráðherra í haust.
En ég er viss um að þetta var ekki svona, ég þykist vita að þetta var
ekki sanngjörn gagnrýni. En það blasir við að svona gagnrýni kemur
upp þegar maður hefur gert samning af þessu tagi. Þannig að ég tel
frekar ólíklegt að við sjáum marga sambærilega samninga í framtíð-
inni. Lærdómurinn sem menn geta dregið af þessu er sá að þetta get-
ur komið mönnum í bobba. Hætt við því að fá á sig það sem Halldór
fékk á sig, að viðkomandi sé fangi samstarfsflokksins."
MIKIL EFTIRSPURN EFTIR
RÁÐHERRADÓMI Á ÍSLANDI
„Hvað varðar deilurnar innan Framsóknarflokksins þá er alltaf óþægi-
legt að þurfa að taka út einn af ráðherrum flokks og fækka ráðherrum.
Bæði fyrir ráðherrann sem verðurfyrir því og líka fyrir flokkinn. En þetta
er óþægilegt fyrir flokkinn en hins vegar var Ijóst að umhverfisráðu-
neytið færi til Sjálfstæðisflokks og því auðveldast fyrir forystu flokksins
að rökstyðja þá ákvörðun að sá ráðherra myndi hverfa úr stjórninni.
Erfitt er að segja til um eftirmála þessa, en það er það skemmtilega
við pólitíkina að hún hefur tilhneigingu til þess að koma manni á óvart.
Eftirspurn eftir ráðherradómi er mjög mikil hér á Islandi. Af hverju veit
ég ekki, en mér virðist sem að þetta sé ekki svona í nágrannalöndun-
um, þó þar sé auðvitað eftirsóknarvert að verða ráðherra. Það er yfir-
leitt lítil hræring í ráðherraliðinu og menn eru tregir til þess að láta
hann af hendi ef þeir hafa einu sinni krækt í hann. Það er einfaldlega
bara þannig að menn upplifa ráðherradóm sem æðstu verðlaun í ís-
lenskum stjórnmálum. Þeir sem hafa verið í ráðherrastól hafa haft að-
gang að aðstoðarmönnum og hafa töluvert fyrirtæki í kringum sig. Að
hverfa úr því umhverfi og yfir í það að vera þingmaður þar sem þú
hefur lítið af aðstoðarfólki, verri aðstöðu, minni tekjur og oft á tíðum
lítil áhrif er töluvert skref niður á við fyrir marga."
I SKÝ
I 13
HVAÐ SEGJA UNGLIÐARNIR?
Ský lagði nokkrar spurningar fyrir tvo lykil-
nnenn í ungliðahreyfingum stjórnarflokkanna
og freista þess að fanga þannig stemninguna
fyrir breytingunum innan flokkana. Um er að
rasða þá Hafstein Þór Hauksson, formann
Sambands ungra sjálfstæðismanna, og
Matthias Imsland, formann Félags ungra fram-
sóknarmanna í Reykjavíkurkjördæmi suður.
HAFSTEINM ÞÓR HAUKSSON:
SJÁLFSTÆÐISMENN MUNU
LEIKA LYKILHLUTVERKIN
Heldurðu að möguleiki sé á fleiri breytingum í ríkisstjórninni en þeim
sem þegar hefur verið bent á? Koma einhverjir nýir ráðherrar til
greina hjá Sjálfstæðisflokki?
„Þær breytingar sem nú liggja fyrir eru auðvitað veigamiklar. Davíð
Oddsson, forsætisráðherra til þrettán ára, verður utanríkisráðherra og
Sigríður Anna verður umhverfisráðherra. Þá er ekki langt síðan Þor-
gerður Katrín tók við stöðu menntamálaráðherra. Þessu til viðbótar
mun svo Sólveig Pétursdóttir taka við stöðu forseta Alþingis. Þetta
eru miklar breytingar frá síðasta kjörtímabili. Hins vegar er auðvitað
ekkert því til fyrirstöðu að gera frekari breytingar sjái flokkurinn
ástæðu til þess seinna á kjörtímabilinu. Það er að minnsta kosti nóg
framboð af hæfu fólki í þingflokki Sjálfstæðisflokksins, þótt ég hvorki
vilji né kunni að spá nokkru frekar um það. Hins vegar skiptir það ekki
höfuðatriði hvernig ráðuneytunum erskipt milli þingmanna flokksins.
Aðalatriðið er stefnan, baráttan fyrir auknu frelsi einstaklingsins."