Ský - 01.08.2004, Blaðsíða 47

,,Það er svo merkilegt að ég hef aldrei þurft að
auglýsa. Hér heima hafði ég byrjað með lífsþjálfun,
þar sem ég vann með tungutak, birtingu og
stellingar - ég hafði í raun lítið með líkamsrækt að
gera, nema þá að hjálpa fólki að kynnast líkam-
anum. Þótt ég væri fyrsti einkaþjálfari íslands lagði
ég alltaf meiri áherslu á forsenduna fyrir því hvað
maður væri að vinna að fremur en hvernig maður
gerði það. Hvernig við notuðum líkamann til að ná
þeim árangri sem við þurfum. Ef þú notar ekki
líkamann rétt hefurðu ekki heilbrigða sjálfsímynd
°g þar af leiðandi hvorki þrek né orku til að takast
á við breytingar. í rauninni gerði ég ekkert annað í
Los Angeles en það sem ég hafði gert hér heima."
Guðni er orðinn „þekktur maður" í Los Angeles.
Hvaða augum lítur hann ísland nú - erum við bara
litla þjóðin sem þú fórst frá eða ... ?
„Nei, ég elska ísland," segir hann með áherslu.
„Island er stórkostlegasta þjóð sem ég þekki. Það
eru forréttindi að vera íslendingur. Það eru hvergi
í heiminum sömu tækifæri og sama velmegun og
hér. Eg er stoltur af þeirri þróun sem á sér stað
hérna. Ég er stoltur af vetninu, ég er stoltur af því
að við erum tiltölulega mengunarlaus. Ég er
stoltur af því að við skyldum ekki hafa stigið út úr
moldarkofanum fyrr en 1944 en vera orðin
stórþjóð sextíu árum síðar. Ég er stoltur af því
hvað þetta er einstakt land. Þegar ég tala um
ísland í útlöndum, þá er ég stoltur af því að vera
Islendingur. í samanburði við önnur ríki erum við ennþá mjög saklaus,
jafnvel þótt ofbeldi hafi vaxið hér. Ég hef verið í Bandaríkjunum í
fjórtán ár og þegar ég kem heim og horfi til sjávar þá sé ég hvað ég
er íslenskur. Það er ekki hugsun, það eru tilfinningar."
ENGAR TILVILJANIR
Hefur aldursmunur eitthvað með aldur að gera ...?
„Nei, ég held að ekkert hafi það, annað en það sem maður leyfir að
hafa með aldur að gera. Ég gæti ekki hugsað mér að vera með
annarri konu. Guðlaug er stórkostleg kona, vel gefin og kærleiksrík.
Svo getur maður velt vöngum yfir því um hvaða aldur fólk er að tala.
Er það sálaraldurinn eða líkamsaldurinn?"
Meðan við höfum verið að tala saman hafa konur heilsað Guðna
með virktum, en engin þeirra kveikir blik í augu hans nema Ijóshærð
kona með barn í vagni. Enda kemur í Ijós að hér er á ferðinni
eiginkona Guðna, Guðlaug Pétursdóttir, og nýr prins þeirra,
Gunnar Pétur, sem fæddist 6. maí.
Mér léttir nú eiginlega að þú hafir þann smekk að fá þér íslenska
konu!
„Já,við Guðlaug kynntumst í Los Angeles og höfum verið gift í fimm
ar- Ég held að við íslendingar finnum hvert annað í útlöndum. Fyrst
eftir að ég kom til Bandaríkjanna fyrir fjórtán árum voru margir
Islendingar í námi þar. Þá var samgangur við íslendinga en mitt sam-
félag var stærra við Bandaríkjamenn."
En það að þú skyldir verða ástfanginn af íslenskri konu? Er það
tilviljun að þið hittust eða er þetta allt skráð í stjörnurnar?
„Það eru engar tilviljanir. Þetta er allt ákveðið ferli. Það eru ákveðnir
straumar í gangi. Þegar við Guðlaug hittumst var það kærleikur við
fyrstu sýn. Það er sextán ára aldursmunur á okkur og við urðum strax
góðir félagar. Við höfðum þekkst í rúmlega hálft ár þegar við fórum
fyrst á stefnumót og við vissum hvorugt að við værum að leita eftir
astum hvort annars. Einn góðan veðurdag rann upp fyrir okkur að
eitthvað miklu meira var í gangi en við höfðum leyft okkur að upplifa
°9 úr því varð hjónaband."
SPORIN SJÖ
A Islandi starfa nú þrír rope yoga kennarar og á fjórða tug eru að
læra til kennara. Það er ástæðan fyrir heimsóknum Guðna hingað til
lands nokkrum sinnum á ári. Hann hefur haldið helgarnámskeið og
í nóvember er hann væntanlegur aftur með tvö námskeið, bæði
fyrir kennara og almenning. En í Ijósi þess að rope yoga er nú orðið
tvítugt má kannski furða sig á því hvers vegna það er að slá þvílíkt
í gegn núna að virðulegar konur á sextugsaldri eru mættar í tíma
klukkan rúmlega sex á morgnana:
„Það varð ekki fyrr en núna, eftir að bekkurinn varð tilbúinn, sem við
vorum tilbúin í að markaðssetja vöruna," svarar hann. „Ég hafði alltaf
einsett mér að þróa vöruna og heimspekina á bak við rope yoga
þannig að það væri tilbúið í pakka áður en markaðssetning færi af
stað."
Og hver er heimspekin?
„í stuttu máli þá er athygli eða að vakna til vitundar númer eitt. Hvað
þarftil þess að þú vaknir til vitundar? Hversu mikinn sársauka þarftil
þess að þú vaknir af þessum væra draumi sjálfhverfingarinnar? Ég
segi að menn fá að meðaltali þrjú stór tækifæri á lífsleiðinni til að
vakna: Gjaldþrot, krabbamein, hjónaskilnaður - og annað í þeim dúr.
Hvað þarf til að ná athygli þinni? Heimspekin byggist á sjö sporum.