Ský - 01.08.2004, Blaðsíða 58

SKÝ
58
SKOTSKOLINN
Konur eru ekkert lélegri í skotfimi en karlmenn og skotveiðimenn eiga að sýna
náttúrunni þá virðingu að mœta vel þjálfaðir til veiða. Þetta er meðal þess sem
Ellert Aðalsteinsson, þrefaldur íslandsmeistari í skotfimi, upplýsti Önnu Krístine
um, þegar hún ákvað að verða svolítið „macho" og setja sig inn í skotfimi ...
Ellert og eiginkona hans, Þórdís Björk Sigurbjörnsdóttir, hófu í júlímánuði
rekstur fyrsta skotskólans á íslandi. Skólinn heitir einfaldlega „Skotskól-
inn" og strax frá fyrsta degi hefur verið nóg að gera. Ekkert til að undra
sig á því loks gefst áhugafólki um íþróttaskotfimi og skotveiðar tækifæri
til að njóta leiðsagnar og bæta árangur sinn með Islandsmeistaranum og
methafa í leirdúfuskotfimi. Ellert hefur verið einn af okkar fremstu skot-
mönnum um árabil og miðlar nú þekkingu sinni til þeirra sem hafa áhuga
á að bæta árangur sinn, hvort sem er í keppni eða á veiðum. ( Skotskól-
anum er lögð rík áhersla á einkakennslu og reynt að mæta þörfum og
kröfum hvers og eins og þar er einnig boðið upp á kennslu í smærri hóp-
um.
„Skotveiðar hafa alltaf verið mér brennandi ástríða," segir Ellert, þegar ég
spyr hann um áhuga hans. „Fyrst í stað beindist sú ástríða að skotveiðum
með haglabyssu, en i seinni tíð hefur íþróttaskotfimin átt hug minn allan.
Ég byrjaði að keppa í leirdúfuskotfimi fyrir 11 árum og ákvað þá að
mennta mig enn frekar í íþróttinni. Ég hélt því til Bretlands í ársbyrjun
1994, þar sem skilningur minn á haglabyssuskotfimi jókst til mikilla muna."
Þar æfði Ellert meðal annars með enska landsliðinu í skotfimi, sem varð til
að efla áhuga hans á frekari þekkingu. Hann hefur farið víða um heim til
að leita sér þekkingar á þeirri listgrein sem haglabyssuskotfimin er og lært
hjá mörgum af bestu keppnismönnum og kennurum veraldar eins og
John Bidwell, Joe Neville og Peeter Pakk. Hann segir dvöl sína í Bretlandi
hafa aukið skilning sinn á þessari skotfimi til mikilla muna og sú reynsla
sem hann hlaut þar hefur skilað einum besta árangri sem íslenskur skot-
maður hefur náð. Hann varð Islands- og bikarmeistari árin 1995 og 1996,
tók sér svo frí frá æfingum og keppni í þrjú ár þegar hann fór að nema við-
skiptafræði, en hóf aftur keppni sumarið 2001. Það ár setti Ellert glæsilegt
Islandsmet, þar sem hann jafnaði eldra met án úrslitahrings og árið 2002
varð hann íslandsmeistari í þriðja sinn á heimavelli sínum að Iðavöllum í
Hafnarfirði. En var hugmyndin að Skotskólanum búin að gerjast lengi?
„Já, í rauninni fékk ég hugmyndina þegar ég bjó i Bretlandi, en þar er
mikil hefð fyrir veiðum og íþróttaskotfimi. Skotskólar eru starfræktir víða
um heim og það var löngu orðið tímabært að stofna einn slíkan hér þar
sem menning okkar byggist á veiðimennsku. Ég sá því tækifæri til að
kenna bæði byrjendum og lengra komnum í íþróttaskotfimi sem og veiði-
mönnum."
EIN ELSTA ÍÞRÓTTAGREIN ÓLYMPÍULEIKANNA
Þú kennir „leirdúfuskotfimi". Hver er sagan á bak við hana og hvað eru
leirdúfur eiginlega?!
„Leirdúfuskotfimi var fundin upp árið 1920 í Andover, litlum bæ í
Massachussetts, af nokkrum veiðimönnum sem vildu geta æft sig fyrir
komandi veiðitímabil. Leirdúfuskotfimi er sem sagt í upphafi hugsuð sér-
staklega fyrir veiðimenn þar sem reynt var að herma eftir flugi fugla með
leirdúfum. Þessi íþrótt á sér mjög langa sögu erlendis og er vinsæl um all-
an heim, bæði sem íþróttaskotfimi sem og hjá veiðimönnum sem vilja ná
góðum árangri við veiðar. Leirdúfuskotfimi sem íþrótt hefurverið stunduð
lengi og er ein elsta íþróttagrein Ólympíuleikanna. Leirdúfur eru litlir leir-
diskar sem skotið er úr þar til gerðum kösturum og brotna þegar höglin
úr haglaskotinu lenda á þeim.
Á landsmóti UMFl á Sauðárkróki í sumar var keppt í fyrsta skipti í leirdúfu-
skotfimi. Þá var keppt á skotvelli Skotfélagsins Ósmanns og aðstaða til
skotiðkana var öll til fyrirmyndar, sem og framkvæmd keppninnar sem
heimamenn stóðu fyrir. Þetta mót var gríðarlega góð auglýsing fyrir
íþróttina og greinin á án efa eftir að vera meira til sýnis í framtíðinni en
hingað til."
Flesta nemendur Skotskólans á þessum fyrstu mánuðum hans segir Ellert
vera veiðimenn sem vilja bæta árangur sinn á veiðum. En byrjendur koma
einnig til að fá rétta leiðsögn í upphafi skotmennsku sinnar:
„Það er trú okkar hjá Skotskólanum að allir þeir sem ætla sér að stunda
veiðar eða keppni með haglabyssu, eigi að leggja áherslu á að fá rétta
leiðsögn strax í upphafi. Skotskólinn býður upp á einkakennslu í hagla-
byssuskotfimi fyrir byrjendursem lengra komna og öllum þeim sem áhuga
hafa á að kynnast þessu göfuga og skemmtilega sporti."
KARLMENN BRAUÐFÆDDU HEIMILIN ...
Einhvern veginn veit ég að ég á ekki að spyrja næstu spurningar, en ætla
nú samt að gera það: Eru konur lélegri byssumenn en karlmenn?
„Karlmenn eru ekkert fljótari að ná skotfimi ef þú heldur það!" svarar
hann brosandi. „Það má meira að segja næstum því segja að það sé síður
en svo ...I Hins vegar eru - því miður, liggur mérvið að segja - miklu fleiri
karlmenn en konur sem stunda skotfimi og af reynslu minni við að kenna
konum og sjá hversu fljótar þær eru að tileinka sér þetta, myndi ég vilja
sjá miklu fleiri konur sinna skotfimi. Það er mjög misjafnt hvernig fólki
gengur að ná tökum á þessu. Sumir virðast vera með þetta í blóðinu, en
flestir sem þiggja góða leiðsögn ná nokkuð góðum tökum á skotfiminni."
Hvers vegna heldurðu að áhugi karla á byssum sé svo miklu meiri en
kvenna? Eru konur með fordóma fyrir byssum eða eiga þær erfiðara með
að handleika þær?
„Ég held að sú þróun nái nú mjög langt aftur. Hér áður fyrr var það hlut-
verk karlmannsins að sjá um að brauðfæða heimilið á meðan konan sá um
heimilishaldið. Þá stunduðu menn veiðar með vopnum og gera enn. Nú
til dags lifa menn ekki einungis á því sem landið gefur heldur versla mest
allt sitt hjá kaupmanninum á horninu. Skotfimi og veiðimennska er í dag
miklu meiri skemmtun en vinna og þess vegna hafa konur verið að koma
meira inn í sportið en áður. Tímarnir breytast og mennirnir með. Hins
vegar held ég að maður sé yfirleitt hræddur við allt sem maður þekkir ekki
og það er kannski þess vegna sem konur hafa haft meiri fordóma gagn-
vart vopnum en karlmenn. Þær hafa einfaldlega haft minni tækifæri til
kynnast þeim. Það hefur sýnt sig að þegar konur kynnast skotveiðum eru