Ský - 01.08.2004, Blaðsíða 40

KABBALAH TRÚARBRÖGÐ EÐA TÍSKA?
Þeir sem fylgjast vel með tísku og fræga fólkinu hafa eflaust tekið eftir rauða bandinu
sem vafið er um úlnliði margra frægustu stjarna heims. Beckham og frú, Britney
Spears, Gwyneth Paltrow, Elizabeth Taylor, Demi Moore, Madonna; öll eru þau með
þetta rauða band, sem virðist ekki vera meiri ,,skartgripur" en einfaldur rauður þráður
sem búið er að binda um úlnliðinn. Ef þið fylgist vel með sjáið þið í hinu umdeilda
„Everytime” myndbandi Britney Spears að þegar hún rís upp úr baðkerinu eftir
martröð eða misheppnaða sjálfsmorðstilraun (dæmi hver fyrir sig) þá er þetta band
um vinstri úlnlið hennar og sést vel þegar hún þurrkar sér um andlitið. Hvað er þetta
band, fyrir hvað stendur það og af hverju eru allir með það??
VERND FRÁ HINU ILLA AUGA
Bandið kallast „Red String" (Rauða bandið) og er eitt af verndar-
táknum kabbalah, þeirra trúarbragða sem eru hvað „heitust" í dag,
ef svo mætti taka til orða um trúarbrögð. Bandinu er ætlað að
vernda fólk frá „Hinu illa auga" sem er neikvæð orka frá öðru fólki
SKÝ • og neikvætt augnaráð sem annað fólk á til að senda manni. Kannski
40 ; skiljanlegt að umdeildar stjörnur þurfi á því að halda?! En hvað með
okkur hin? Þurfum við þetta band?
Nánast allt sem tengist kabbalah virðist vera eldfimt og tvær, þrjár, ef
ekki fjórar hliðar á hverju því sem sagt er um fræðin. Sem dæmi má
nefna að stundum er kabbalah kallað trú og stundum dulspeki,
stundum hvort tveggja og stundum hvorugt! í þessari grein mun ég
ekki leggja dóm á hvert af þessu kabbalah er, en kalla þetta þó trúar-
brögð eftir sem áður og stikla á stóru, eftir að hafa lesið mér heilmikið
til um fræðin. Rétt eins og sterkt og voldugt tré hafa öll trúarbrögð
greinar. Kabbalah er grein úr gyðingdómi, sem tengist dulhyggju,
þótt alls ekki séu allir gyðingar kabbalah-trúar og ekki allir þeir sem
aðhyllast kabbalah-trú gyðingar. Trúin byggir á „Zohar" (sem er
tulkun á „Torah", fyrstu bók Gamla testamentisins) auk þess sem hún
inniheldur líka talna- og dulspeki og þykir það erfið og illskiljanleg að
fólki er ráðlagt að byrja ekki að nema kabbalah að ráði fyrr en eftir
fertugt! Þar er einnig hjátrú um að kenna því guðfeður kabbalah-
trúarinnar dóu fyrir fertugt og er það að auki ástæða þess að fólk
hreinlega þorir ekki að byrja að nema fræðin að einhverju ráði fyrr en
eftir þann aldur.
SANNFÆRINGARMÁTTUR MADONNU
Madonna, sem reyndar er með yfirburðagreind og skyldi því fáan
undra að hún fái tíu í öllu í kabbalah-fræðum, hefur sannfært mann
sinn, leikstjórann Guy Ritchie, sem var trúlaus áður en þau kynntust,
um gildi trúarinnar. Þau eru nú bæði heittrúuð og virt innan
kabbalah-menningarinnar, þó svo það hafi tekið hann lengri tíma að
aðhyllast kabbalah en frúna. Hjónin sækja námskeið og messur
reglulega og Lourdes, sjö ára dóttir Madonnu, er einnig í sunnu-
dagaskóla þar sem hún nemur fræðin. Kabbalah-fræðin eru falleg
hugsjón; þau snúast um að við séum ein heild og verðum því öll að
hlúa hvert að öðru, hvort sem um er að ræða menn, dýr eða jurtir, svo
heildin geti skapað hamingju. Madonna hefur slíkan sannfæringar-
mátt, enda ein áhrifamesta stjarna okkar samtíma, að Britney Spears,
sem er fædd og uppalin baptisti hefur, eftir kynni sín af Madonnu,
snúið baki við sinni trú og hyggst giftast Kevin sínum Federline í
kabbalah-athöfn í nóvember, fjölskyldu sinni til mikillar gremju og
ama. Madonna er reyndar sjálf uppalin sem kaþólikki og dóttir
hennar, Lourdes, er nefnd eftir helgum stað kaþólikka í Frakklandi.
Hún var þó skírð áður en Madonna snerist til kabbalah-trúar. Reyndar
kom mörgum á óvart að sjá Madonnu koma nýlega út úr kabbalah-
miðstöðinni í London í bol með mynd af Maríu mey, sem er heilög í
augum kaþólskra og margir þeirra biðja til hennar á sama hátt og til
Guðs eða Jesú. Þótt kaþólskir og gyðingar trúi á sama guð trúa
gyðingar því að Messías sé enn ókominn en kaþólikkar (og mót-
mælendur) að Jesús sé Messías. Þessi þversögn í trúarskilningi
Madonnu vekur óneitanlega upp fleiri spurningar en ella og nóg var
af þeim fyrir!
EKKI SKRIFA „GUД!
Kabbalah er hebreskt orð og þýðir „að þiggja". Leiðbeiningar og
fyrirmæli trúarinnar eru á hebresku og arameísku. Þau hafa því aldrei
verið almennilega þýdd yfir á önnur tungumál og því auðveldlega
misskilin og þarf kabbalah-rabbíni að kenna fræðin. Eftir að kabbalah
varð jafnvinsælt og það er í dag er þó byrjað að þýða fræðin yfir á
nútímatungumál, en eftir sem áður er kennslan í höndum rabbína.
Hins vegar er það ekki svo einfalt að maður bara skrái sig í kabbalah-
skóla eða -námskeið. Samkvæmt fræðunum finnur rabbíninn
nemandann þegar hann er tilbúinn að skilja kabbalah. Bæði gyðingar
og þeir sem aðhyllast önnur trúarbrögð stunda kabbalah. Þótt
„Kabbalah-æðið" sé nýbyrjað hafa fræðin og trúin lifað góðu lífi í yfir
500 ár. Sagt er að þegar orð Guðs kom til Móse á fjallinu hafi hann
bara skrifað niður það sem við þekkjum í dag sem boðorðin tíu. Hins
vegar segjast þeir sem aðhyllast kabbalah að Guð hafi sagt heilmargt
sem ekki var skrifað niður heldur hafi þau lög og orð hans fylgt
manninum kynslóð eftir kynslóð í munnlegri geymd og eiga nú að
mynda eina heild sem kabbalah-speki. Helsta skilyrðið til að aðhyllast
trúna er að nemandinn viðurkenni að „Torah" og „Zohar" séu
guðleg og, skilji maður textann nógu vel, geti maður leyst leyndar-
dóminn um tilveru og upphaf heimsins. (Nú vona ég að ég hljómi
ekki hrokafull ef ég leyfi mér að efast um að Britney Spears eða David