Ský - 01.09.2005, Blaðsíða 14

„Því miður lítur út fyrir að valdið muni
færast í auknum mæli til stórfyrirtækja.
Þessu ber ekki að fagna því stórfyrirtæki
bera eigin hag fyrir brjósti, ekki ósvipað
og flokkar stjórnast oft af því hvernig
fylgið er hverju sinni og hvernig muni
ganga í næstu kosningum - í stað þess að
bera hag þjóðarinnar fyrir brjósti."
Hvaða mál er brýnast að leysa á næstu
tveimur árum?
„Hvernig Vatnsmýrarsvæðið verður
skipulagt."
Hvaða málefni er brýnast að leysa á næsta
áratug?
„Hvernig minnka megi bilið milli ríkra
og fátækra."
Er starf stjórnmálamannsins heillandi fyrir
ungt fólk?
„Ekkert sérstaklega. Maður heyrir
mest af spilltum stjórnmálamönnum,
vafasömum mannaráðningum, fjárdrætti
og slagsmálum á Þjóðhátíð og öðru sem
virðist ekki eiga mikið skylt við það að
bæta samfélagið."
Ætlar þú að leggja stjórnmálin fyrir þig?
„Ég veit það ekki."
Skipta stjórnmál jafnmiklu máli núna og
fyrir tuttugu árum?
„Já og nei. Fólk hefur fjarlægst stjórn-
málin eftir því sem þau hafa orðið meiri
skrípaleikur, en um leið hefur það orðið
sífellt mikilvægara að gera sér grein fyrir
því hvers konar samfélagi maður vill búa
í og hvernig maður getur náð þangað."
Hvert verður hlutverk stjórnmálamannsins
eftir 25 ár?
„Að passa að hagsmunir fólksins í
landinu komi alltaf á undan hagsmunum
stórfyrirtækjanna."
Ef þú kæmist til áhrifa í stjórnmálaflokki,
fyrir hvað myndir þú vilja láta minnast þín
fyrir á þeim vettvangi?
„Þessi spurning er mjög lýsandi
fyrir stöðu stjórnmála í dag. Þau eru
egósentrísk og snúast um fólk, en ekki
málefni eða hugmyndir. Ég myndi vilja
gera almenning að virkum þátttakanda
í stjórnmálum og bæta hag þeirra sem
þurfa mest á því að halda."
ÁRNI HELGASON
situr í Stúdentaráði fvrir Vöku:
STJÓRNMÁL SNÚAST UM AÐFERÐIR
OG LAUSNIR
Hvers vegna hefur þú áhuga á pólitík?
„í stjórnmálum leynast tækifæri til
að koma í gegn breytingum og umbót-
um. Þetta var til að mynda það sem vakti
fyrir mér þegar ég gekk til liðs við Vöku
í Háskólanum - ég vildi reyna að breyta
og bæta margt í skólanum. Á sama hátt
er áhugavert að fylgjast með því hvernig
sú barátta gengur á öðrum sviðum en
varðandi málefni stúdenta, t.d. borgar-
og landsmálunum."
Er núverandi flokkakerfi heillandi fyrir
ungt fólk?
„Ég held að flokkakerfið sé í sjálfu sér
jafnheillandi eða óheillandi eftir atvikum
og áður. Sumir flokkanna eru að verða
meðvitaðri um mikilvægi þess að virkja
ungt fólk og fá það til liðs við sig. Ungt
fólk lítur hins vegar stjórnmálin öðrum
augum en þeir sem eldri eru, ungt fólk er
trúrra hugmyndafræðinni og síður hrifið
af því að mynda sér afstöðu eftir flokks-
línum. Þetta eru, held ég, mjög jákvæðar
andstæður enda algengt að ungt fólk
í stjórnmálum veiti eldra fólki í stjórn-
málum aðhald."
Er eðlilegt að breyta flokkakerfinu?
„Flokkakerfið virkar vel, svo lengi
sem flokkarnir eru í sambandi við fólk
og duglegir við að gera hugmyndir gras-
rótarinnar að sínum baráttumálum. Séu
þeir hins vegar lokaðir og í litlu sam-
bandi við fólkið virkar flokkakerfið ekki
jafn vel. Varðandi það hvort breyta eigi
flokkakerfinu, þá er því til að svara að
flokkakerfið er síbreytilegt, sem er ein-
mitt einn af kostum þess - nýir flokkar
myndast þegar þeir sem fyrir eru standa
sig ekki eða beita sér ekki í ákveðnum
málum. Auðvitað mætti einnig hugsa sér
að fara þá leið að auka vægi almennings
með þjóðaratkvæðagreiðslum og ég
held að að það sé hið besta mál upp að
vissu marki. Það hefði einmitt þau áhrif
að flokkarnir yrðu að vera í sambandi við
fólk og tryggja þannig lýðræðislegt um-
boð sitt tíðar en í núverandi kerfi. Hins
vegar finnst mér þjóðaratkvæðagreiðsl-
ur ekki mega verða allsráðandi. Það er
mikilvægt að geta kosið um stefnur og
hugmyndir í kosningum sem stjórnmála-
menn ogflokkar geta haft þokkalegt svig-
rúm til að vinna eftir."
Hvert er þitt mat á foringjum flokka?
Skipta þeir of miklu máli?
„Hér á landi skipta þeir miklu máli.
Ástæðan er einfaldlega sú að þetta er
lítið land og smátt samfélag og þar af
leiðandi eruflokksforingjarnir mjögáber-
andi. Sú þróun hefur hins vegar orðið
hér á landi undanfarin ár og áratug að
vald hefur færst frá stjórnmálamönnum
til annarra, einkum viðskiptalífsins. Þann-
ig hafa völd stjórnmálamanna og þar
með flokksforingjanna minnkað, sem er
að mínu mati mjög góð þróun, enda er
fólk fært um að stunda viðskipti og vinna
að sínum hugmyndum sjálft án þess að
þurfa að fara í gegnum stjórnmálamenn.
Stjórnmálamennirnir eru hins vegar enn
áhrifamiklir og á þá er hlustað, flesta að
minnsta kosti!"
Af hvaða foringja heillast þú og hvers
vegna?
„Ég heillast nú fyrst og fremst af
þeim sem hafa haft áhrif á grundvallar-
gildi samfélagsins. Martin Luther King
er dæmi um mann sem hafði áhrif með
varanlegum og eftirminnilegum hætti.
Hann yrði þó sennilega seint flokkaður
sem dæmigerður stjórnmálaforingi.
Hér á landi hefur Davíð Oddsson verið
fremstur meðal jafningja í hópi flokks-
foringjanna svonefndu og ekki annað
hægt en að heillast af leiðtogahæfileik-
um hans, þó ég sé ekki sammála honum
í öllum málum."
Hvað veldur því að menn skipa sér til
vinstri og hægri í pólitík núna? Eru þessi
hugtök úrelt?
„Stjórnmál hafa orðið miðsæknari
undanfarin ár og oft erfitt að greina skýrar
hugmyndafræðilegar línur milli ólíkra
flokka. Eftir að kalda stríðinu lauk hefur
umræðan breyst og ýmsar hugmyndir
dottið út ef svo má segja. Til dæmis er
sjaldgæft í dag að heyra menn tala um
ríkisrekstur á öllum sviðum. Þetta er að
mörgu leyti eðlilegt, enda snúast stjórn-
mál í raun ekki um heimspekileg átök
heldur aðferðir og lausnir. Hins vegar
hefur fólk auðvitað ólíkar áherslur eftir
því hvo rt það trúirígrunninná samfélags-
legar lausnir eða einstaklingsframtakið.
Hugtökin eru ekki úrelt en þau hafa
breyst mikið."
ský 14